Embadi 3:3 - La Bible en Otetela (Bible K'Ekila) 1991

³ Wedja ako ene: ewandji etanu wʼasi Filistiya, asi Kanana tshe ndu asi Sidona la asi Hiwi wakadjashi lʼukungu wa Lebanona uma lʼUkungu wa Bala-Heremona edja ndu lʼeotwelo ka la Hamata.

Embadi 3:3 Iomraidhean Croise

Etatelu 49:13

Zebuluna, ayudjaseka lʼumamu wʼashi a waki. Ndi ayudjaseka lʼumamu atetetaka mashua. Ulelu andi ayukuma lu leke la Sidona.

2 Samuele 24:7

Vo wakatukuma la lungeli la ta la Tura, wakakindula lu esumba tshe wʼasi Hiti, la wʼasi Kanana. Ku vo waketiutsha la Nengebe ka la Juda, wakatukuma la Bere-Sheba,

1 Khumi ya Dikanga 8:65

Solomona akayala la dambu etena kako, kame la Isariyele tshe, ului a wuki wʼantu umaka eotwelo ka Hamata pulu ndu lʼokedi wa Edjibitu, la ntundu ka Latuyalaka, Unyashungu asu, nshi esambeli.

1 Khumi ya Dikanga 9:20

Antu tshe wakatshikala lʼatei wʼasi Amora, asi Hiti, asi Perizi, asi Hiwi, asi Jebuse waki kundjala asi Isariyele;

Ezekiyele 47:20

Ulelu wa lu leke lʼedjelu wayuyala lu Ashi a Mediteraneya uma lʼulelu wa lu leke la diku dia kushi, edja ndu lʼeotwelo ka la Hamata. Osoku mbayuyala ulelu wa lu leke lʼedjelu.

Walelu 13:29

Asi Amaleka mbuladi la Nengebe. Asi Hiti, asi Jebuse, lʼasi Amora mbuladi lu leke la lu akuna. Ku asi Kanana mbuladi lʼumamu wʼashi a waki ndu lʼemamu wa Jorodana.

Walelu 34:8

Uma lʼUkungu a Hora, kanyetsha ulelu pulu ndu lʼukidi wʼutsha la Hamata, ku vo wayutukuma la Zedade.

Euhwelu kʼElembe 1:7

Nyuneli, nyukimeli mbuka, nyutshu lu leke lʼakuna wʼasi Amora ndu lʼahuli tshe wa lasuki la wo lu Araba lu leke lʼakuna ndu lʼekndi, lu Nengebe, lʼumamu wʼashi a wuki (wetawo: Mediteraneya), lu kete yʼasi Kanana, la Lebanona, pulu ndu lu ndjali ka wuki, ketawo vati: Eyufarate.

Euhwelu kʼElembe 3:9

(asi Sidona mbetaka Heremona vati: Siriyona, ku asi Amora vati: Senire).

Jashua 11:19

Nduku usumba wakakote lʼasi Isariyele lusalu, tshikima asi Hiwi, wakadjashi la Ngibiyona. Okone asi Isariyele wakalembia tshe lu ta.

Jashua 11:3

le asi Kanana wa lu leke lʼehutwelu ndu lʼedjelu ka unya, le asi Amora, le asi Hiti le asi Perizi, le asi Jebuse wa lu leke lʼakuna ndu le asi Hiwi wuladi la tshina dia Heremona, lu kete ya Mizipa.

Jashua 13:3

(uma lʼokedi wa Shihore, weli lu leke lʼehutwelu la Ejibitu edja ndu lʼulelu wa Ekerona, lu leke la diku dia kushi, kete yeyama uku yʼasi Kanana; embuledi etanu wʼasi Filistiya, waki leko, wa la Ngaza, Ashidode, Ashikelona, Ngata la Ekerona), ndu diʼasi Avima,

Jashua 13:5

kete yʼasi Ngibala la Lebanona tshe, utsha lʼehutwelu, ndu uma la Bala-Ngada keli la tshina diʼUkungu a Heremona, edja ndu lʼeotwelo ka la Hamata;

Jashua 19:28

Eberona, Rehobe, Hamona, la Kana, edja ndu la Sidona ka Wuki.

Jashua 9:7

Ku asi Isariyele wakakaluya diui vati: Undu, nyu mbidjase lʼatei asu, ukundi ukukisu nkota la nyu lusalu?

Embadi 10:12

Ndu lamʼakanyusuyaka asi Sidona, asi Amaleka, ndu asi Maona, nyu nyakaleli le mi. Undi, dimi kunyutshungula uma lu anya awo uka?

Embadi 10:7

Kele ka Latuyalaka akafulanela le asi Isariyele. Ku ndi akakimo lu anya wʼasi Filistiya ndu lu anya wʼasi Amona.

Embadi 14:4

Keli shi la nyangu kumbeya vati: Dikambu ne diambuya uma le Latuyalaka. Ndi akayangi mbuka kukukindi mama lʼasi Filistiya. Lu nshi yako asi Filistiya wakuledi asi Isariyele.

Embadi 18:7

Ku apami ako atanu wakatshu, wakatukuma la Laishi. Wakatutana antu wudjashi la ki ka mamba, uku asi Sidona. Vo waki la ki, ndu kumpumba engo, ne dia nduku umbuledi wakiko dia mbautsha sonyi. Vo waki etali uma le asi Sidona ndu kumbekesanela la antu akina.

Embadi 3:2

Ndi akalangi paka mbetsha nonga nye yʼasi Isariyele akambu wa a, ne dia vo kumbaenya ntundu.

Embadi 4:2

Ku Latuyalaka akakimo lu anya wa Jabina, khumʼekanga ka Kanana, lakuledi la Hazora. Sisera, olombodi wʼalimbi andi, akadjashi la Harosheta-Ngoyima.

1 Samuele 13:5

Asi Filistiya wakamote kame dia ndosha Isariyele. Vo waki la pusupusu ya ta nunu akumi asatu, ambahemi wa falasa nunu samalu. Alimbi wakakendakendaka lʼekulu waki efula kaheyama mbala, uku seke ya losenga la lʼumamu wʼashi a waki. Ku vo wakayi, wakayuhanga la Mikimashi lu leke lʼehutwelu ka unya la Bete-Avena.

1 Samuele 29:2

Ewandji wʼasi Filistiya wakayi kame la elui awo wa kama kama, la elui awo wa nunu nunu. Ku Davidi la alimbi andi wakayayakaka lʼokongo awo kame la Akishi.

1 Samuele 6:16

Lamʼakenyi ewandji etanu wʼasi Filistiya dikambu so, vo wakakalula la Ekerona lushi lako.

1 Samuele 6:18

Difanelu dia dji dia paunyi diaki uku efula kʼesumba tshe wa ewandji etanu wʼasi Filistiya. Dio diaki uku efula kʼesumba wakadingami kumbu ndu ka ngelu yaki kundjala la kumbu. Dive dia wuki diako lene akawahe oshete wa Latuyalaka mbeli djimbitelu edja ndu elo lʼekambo ka Jashua usi Bete-Shemeshe.

1 Samuele 6:4

Asi Filistiya wakawambula vati: Ulambu akona wayutulambula? Ku vo wakakaluya diui vati: Difanelu diʼatshutshu dia paunyi tanu, la dia dji tanu dia paunyi, uku efula kʼewandji wʼasi Filistiya, ne dia sui diako diami mbeli le nyu, nyu tshe ndu le ewandji anyu.