Embadi 3:16 - La Bible en Otetela (Bible K'Ekila) 1991

¹⁶ Ehude akayatshulela yombo ya diesa wedi ehendi. Utali ayo aki uku dionge dia lunya. Ku ndi akayisome lu lukendi lu wedi wa lunya la pami, la tshina diʼahondo.

Embadi 3:16 Iomraidhean Croise

2 Samuele 20:8

Lamʼakawakumi la dive dia wuki dia Ngibeyona, Amasa akayi dia ndjuhumana la wo. Joaba akalote eloto wa ta. Yombo yaki lu dihusu diakakelekami lʼuya wakandayahe ladiku diʼeloto. Lamʼakandatatshokaka, yombo yako yakasomo uma lu dihusu.

Esambu 149:6

Lutumbu la wuki la Unyashungu layali lʼenyo awo, Nyu yombo ya diesa wedi ehendi lʼanya awo,

Esambu 45:3

We pami ka wulu, osome yombo yaye lʼuya, Olote elengalenga kaye la lutumbu laye.

Limbu la Solomona 3:8

Vo tshe tombo tutu, Ambeyi wa ta. Untu lʼuntu osome yombo lu lukindi landi, Ne dia woma wʼutshu.

Heberu 4:12

Ne dia diui dia Unyashungu dieko la lumu, la wangasanu, la diesa diuleki yombo ya pemo wedi ehendi, dio diatutundulaka edja ndu diambatanya utema la nyuma, ndu asonga la ehihu. Dio mbeyaka nimbitela tukanyi la saki ya utema.

Enyelo 1:16

Ndi aki la toto esambeli lu lunya landi la pami. Yombo ya diesa wedi ehendi yakatumbi uma lʼunyo andi. Elundji kandi kakahete uku unya mbayahete wulu.

Enyelo 2:12

Ufundeli ondjelo wʼekelizia ka la Perengamo wati: One leli la yombo ya diesa wedi ehendi kata akambu ane:

Embadi 3:15

Lamʼakaleli asi Isariyele le Latuyalaka, ndi akatundjiya utshungudi Ehude, kanga lomoso, onʼa Ngera, usi Bendjamina. Asi Isariyele kutumi la ulambu le Engelona, khumʼekanga ka Moaba.

Embadi 3:17

Ndi akalambula Engelona, khumʼekanga ka Moaba, ulambu. Engelona aki pami ka wuki efula.

Embadi 3:21

Ku Ehude akahuluya lunya landi la lomoso, akasomola yombo uma lu wedi wa lunya la pami, akuhikeyo lu dikundju.