Embadi 3:12 - La Bible en Otetela (Bible K'Ekila) 1991

¹² Asi Isariyele wakatshi kolo ntu lu ashu wa Latuyalaka. Ku Latuyalaka akasha Engelona, khumʼekanga ka Moaba, wulu wa ndo lʼasi Isariyele, ne dia vo wakatshi kolo lu ashu wa Latuyalaka.

Embadi 3:12 Iomraidhean Croise

2 Khumi ya Dikanga 5:1

Namana, olombodi wʼalimbi wa khumʼekanga ka Suriya, aki untu awuki le khumendi, la nemo efula. Ne dia uma le ndi kakatshungula Latuyalaka asi Suriya. Keli pami kako ka wulu ndu dihunga aki la sudi.

Etumbelu 9:16

Keli dimi lakakutshiki la lumu dia nkenya wulu ami, la dia lukumbu lami nyangana lu kete tshe.

Isaya 10:15

Undi, kenge yayutakula ladiku dia one lakota la yo, Kana nso ndjatumbula uleki one lahimbula la to? Uku ukuki ohehela nkimela one latuwediaka, Kana uku ukuki ukalimba munyia one laha utamba!

Isaya 37:26

We kumbuka wati: Dimi lambolongosolaka akambu ane, Ndu lambasanguyaka umaka nshi yʼedjedja? Kakiane dimi lambukimo wulu wa akambu ane ntshama, Dia we nanya esumba wa wulu la mbaete atongo atu.

Ezekiyele 38:16

Nyu nyayuya dia ndjolosha wudja ami Isariyele, uku dingi diutsha nkumba kete. Lu nshi yayayi, dimi layunyela dia nyu ndjolo la wudja ami, dia wedja tshe nimbitelami lamʼayumukidiama lʼatei anvu, nyu asi Ngongo, lu ashu awo.

Danyele 4:22

oso eli we, we khumekanga! We kakahami, kakayala wulu. Ku wuki aye wakafulanela, wakambela pulu ndu lʼulungu; la diulelu diaye diakakumi pulu ndu la kuma ya kete.

Danyele 5:18

Khumʼekanga li, Unyashungu KhumʼUlungu akasha sho Nebukadineza diulelu, nemo, lutumbu, la wuki.

Hosea 6:4

Kayumukutshela we Efarayima? Juda li, kayumukutshela na? Ololo anyu weli uku dingi dia pindju, Uku lopopo latumoka esadi.

Joani 19:11

Jesu akûkaluya diui ati: Utunduyala vo kunkusha wulu uma lʼulungu, tshiki we kema la wo wa ntshelami dikambu. Okone one lakankimwi le ye, keli la dikambu diuleki kolo.

Embadi 2:11

Asi Isariyele wakatshi kolo lu ashu wa Latuyalaka, wakatendela WaBala.

Embadi 2:14

Ku kele ka Latuyalaka akafulanela le asi Isariyele. Ku ndi akakimo lʼanya wʼananyishi wakalanya. Akasundja le atunyi wakadingi. Okone vo kumbeya nshikikala ntu la ntundu kʼatunyi awo.

Embadi 2:19

Keli lamʼakavu umbadi, vo wakakadimo ntu, wakaleki washewo ntsha kolo, wakatendela ditemolatemola, wakadikusela adui. Vo wakashikikala lu ditshelu diawo ndu lu ahedia awo.

Embadi 3:11

Kete yakatshikala ki deku akumi anei, ku Otenyele, onʼa Kenaze, akavu.

1 Samuele 12:9

Keli washenyu wakuhela Latuyalaka, Unyashungu awo. Ku ndi akakimo lʼanya wa Sisera, olombodi wʼalimbi wa la Hazora, lu anya wʼasi Filistiya, ndu lʼanya wa khumʼekanga ka asi Moaba, wako wakalokaka la wo.