Embadi 21:10 - La Bible en Otetela (Bible K'Ekila) 1991

¹⁰ Ku ului wʼantu wakatumi apami wakaleki wulu nunu dikumi la pendi, wakawatela vati: Nyutshu, nyutudiaki asi Jabeshe ya la Ngiliyade la tombo, kame la wadiewo la anʼawo wa tshitshe.

Embadi 21:10 Iomraidhean Croise

Walelu 31:17

Okone, nyudiaki ana apami aku tshe kakiane, ndu amantu tshe wakeyana lʼapami.

Euhwelu kʼElembe 13:15

Mete, mete, kanyudiaki wane wudjashi lʼusumba ako la yombo, kanyulanya ndu usumba ako tshe, kame la diango tshe dieli loko, kanyulanya ndu dungalunga la tombo.

Jashua 7:24

Jashua la asi Isariyele tshe wakose Akana onʼa Zera la fesa, koti, etenyi ka paunyi, ndu anʼandi wʼapami la wʼamantu, ngombe yandi, punda ya-ndi, ekoko andi, luudu landi la dipema, ndu tshe kaki la ndi, wakatole lʼukidi wʼAkora.

Embadi 21:5

Vo wakambwana vati: Diuhu diakona lʼatei a wauhu tshe wa Isariyele diahayi lu lusanganya la ntundu ka Latuyalaka? Ne dia vo wakatadji dokoloko vati: Diuhu diahayi le Latuyalaka la Mizipa, diayudiakema.

Embadi 21:8

Ku vo wakambwana vati: Lʼatei a wauhu tshe wa Isariyele diuhu diakona diahayi le Latuyalaka la Mizipa? Enda, nduku otoi akayi lu lusanganya uma la Jabeshe ya la Ngiliyade.

Embadi 21:9

Lamʼakawali antu, vo kumena nduku untu otoi, usi Jabeshe ya la Ngiliyade.

Embadi 5:23

Nyudji Meroze mananu, mbakati dikendji dia Latuyalaka, Nyudji, ee, nyudji antu a wo mananu ya wulu, Ne dia vo kundja la ndjukimanyia Latuyalaka, Dia nkimanyia Latuyalaka lʼatei wʼapami a wulu.

1 Samuele 11:7

Ndi akadiaki ngombe yako yakakelekami lu lokoho, akayisese; akatumi funda yayo lu anya wʼakendji lu beke tshe dia Isariyele la diui ati: Wuhu one mbayuwutshela ngombe yʼantu tshe lahuyela Saulu la Samuele. Wudja wakandama la woma wa Latuyalaka. Ku vo tshe wakakimela mbuka uku untu otoi.

1 Samuele 15:3

Utshu kakiane dia ntolosha asi Amaleka. Utulanya diango diawo tshe. Tuwaukaki ketshi, keli uwashili, apami la amantu, akenda la ana washashi, ngombe la ekoko, kamelo la punda, ushiki.