Embadi 20:6 - La Bible en Otetela (Bible K'Ekila) 1991

⁶ Dimi lakose udu wʼuseka ami, lakosese lu betshi, lakaditumi lu kete tshe yʼukito lu Isariyele, ne dia vo wakatshi dikambu dia sonyi ndu dia wononyi lu Isariyele.

Embadi 20:6 Iomraidhean Croise

Etatelu 34:7

Lamʼakuki ana apami wa Jakoba dikambu diako, vo wakayi uma lʼusui, wakanyangi. Vo wakumala kele ka wulu, ne dia Shekeme akatshi dikambu dia utshatsha, diahakuki untu ntsha lu Isariyele lamʼakandeyana la onʼa Jakoba la umuntu.

Akambu wʼAsi Lewi 18:24

Tanyuyalanyaki lu akambu ane, ne dia akambu ane tshe mbakayalanyaka wedja watamatshanya la ntundu kanyu.

Akambu wʼAsi Lewi 18:30

Okone nyukitanyiaki diui diami, diaha nyu ntsha nduku etshelu lʼatei a ditshelu diakawatshaka la ntundu kanyu, tanyuyalanyaki la dio. Dimi keli Latuyalaka, Unyashungu anyu.

Jashua 7:15

Ku one lakose diango diakakimwama, ayutshumbama lu dja, ndi la kene tshe keli la ndi, ne dia ndi akalanya sheki ya Latuyalaka, ndu ndi akatshi dikambu dia sonyi lu Isariyele.

Embadi 19:22

Lamʼakiwo lu ngenangena, apamiwa kolo, asi usumba, wakadingi luudu, wakakokola lu lukuki. Vo wakatela usumbi ako, kanga luudu, vati: Utundja pami keku kakotwe lu luudu laye, teyani la ndi.

Embadi 19:23

Ku kanga luudu akatumbi le wo, akasengasenga ati: Kema, analingu, tanyutshaki kolo wuhu oso, Tanyutshaki dikambu dia djeli ne, ne dia pami kene akayi lu luudu lami.

Embadi 19:29

Lamʼakandakumi lakandi, ndi akose lukuwa, akakimela udu wʼusika andi, akosese lu betshi dikumi la pendi. Ku ndi akaditumi lu kete ya Isariyele tshe.

Embadi 20:10

Shu tayosonola apami dikumi uma lu lukama lʼatei a wedja tshe wa Isariyele, lukama uma lu kinunu, kinunu, kinunu uma lu nunu dikumi; dia membela antu mbu ya nde. Okone lamʼayuwukuma la Ngibeya ka la Bendjamina, vo wayeya nsomboya akambu wa sonyi tshe wakawatshi lu Isariyele.