Embadi 2:22 - La Bible en Otetela (Bible K'Ekila) 1991

²² Uma le wedja ene mbayumedika asi Isariyele dia mbeya kana vo wayokendakendaka lu mbuka kami, dimi Latuyalaka, uku akakendakendaka washewo, kana kema.

Embadi 2:22 Iomraidhean Croise

Etatelu 22:1

Lʼokongo wʼakambu aso, Unyashungu akahimbi Abarahama, akaweti ati: Abarahama! Ku ndi aketawo ati: Dimʼone.

2 Ekondo 32:31

Lʼetena kako, lamʼakatumi ewandji wa Babilona akendji le ndi dia ndjuwutela dikambu dia man ja diakayala lu kete, Unyashungu akukimo dia mbedika, ne aia mbeya kene tshe kaki lʼutema andi.

Jobo 23:10

Keli ndi mbeyaka mbuka katumokendakendaka, Lamʼayundushidiya mbedika asui ane, dimi layutumba uma loko pudipudi uku paunyi.

Esambu 66:10

Ne dia we, Unyashungu, atutedikaka, Atututshululaka uku atuwutshululaka fesa lu yandju.

Etumbelu 15:25

Mose akaleli le Latuyalaka, ku Latuyalaka akawenya utamba omotshi. Mose akawukandja lu ashi, ku ashi wakayala ololo. Lu dihuli diako, Latuyalaka akasha antu elembe la adjangu; leko kakandawaedika.

Tukedi 17:3

Puki keko dia ndelola fesa, khuka ka ntshula paunyi. Keli Latuyalaka katediaka etema.

Euhwelu kʼElembe 13:3

tanyulungaki aui wʼumvutshi kana omenyi wʼalo ako, ne dia Latuyalaka, Unyashungu anyu, kambunyedika, dia mbeya kana nyu mbukaka ngandji lʼetema anyu tshe ndu la nyumu yanyu tshe.

Euhwelu kʼElembe 8:16

lakanyulesha mana lʼusui, yaki washenyu kumbeya, dia nyukitshakitsha la dia nyedika, dia ndjunyutshela ololo lu nshi yʼekumelu.

Euhwelu kʼElembe 8:2

Nyuho mbuka tshe kakanyolombola Latuyalaka, Unyashungu anyu, deku akumi anei ne lʼusui wa shenga, dia nyukitshakitsha la nyedika, dia mbeya uku aki lu etema anyu, kana nyu nyatulamaka elembe andi kana kema.

Embadi 2:23

Okone Latuyalaka akatshiki wedja ako ki, kumbatshanya esadi kuyanga mbakimo lu anya wa Jashua.