Embadi 2:11 - La Bible en Otetela (Bible K'Ekila) 1991

¹¹ Asi Isariyele wakatshi kolo lu ashu wa Latuyalaka, wakatendela WaBala.

Embadi 2:11 Iomraidhean Croise

Etatelu 13:13

Asi Sodoma waki antu wa kolo efula, ndu wakatamanya ntuna Latuyalaka.

Etatelu 38:7

Ere, onʼa Juda lʼenundu akatshaka kolo la ntundu ka Latuyalaka. Ku Latuyalaka akudiaki.

1 Khumi ya Dikanga 11:5

Solomona akayeli Ashetarota, etemolatemola kʼasi Sidona, ndu Milikome, engo ka wononyi kʼasi Amona.

1 Khumi ya Dikanga 18:18

Elidja akûkaluya diui ati: Dimi halahenyahenya Isariyele, paka we la wa lu luudu la sho, ne dia ayu nyakaseke elembe wa Latuyalaka; ku we akayeli WaBala.

1 Khumi ya Dikanga 22:53

Ndi akatemolaka Bala, akakikhusamela. Ndi akukiaka Latuyalaka, Unyashungu wa Isariyele, kele lu akambu tshe, uku akatshaka shi.

2 Ekondo 28:2

Ndi akakendakendaka lu mbuka ya khumi ya dikanga ya Isariyele. Ndi akatshi dikishi dia lolelola dikambu dia WaBala.

2 Ekondo 28:3

Ndi akatshumbaka malashi lʼukidi wa onʼa Hinome, akatshumbi anʼandi lu dja, akayeli akambu wa wononyi wakatshaka wedja wakatatshanyaka Latuyalaka la ntundu kʼasi Isariyele.

2 Ekondo 33:6

Ndi akatshumbi anʼandi wʼapami lu dja lʼukidi wʼona Hinome, akatshaka aloho, akendjaka wetshi, akakitsha antu amotshi dia nteketshaka djimu la dia ndjala akanga wʼaloka. Ndi akatatekoyaka ntsha kolo lu ashu wa Latuyalaka dia mbukia kele.

Ezera 8:12

uma lʼatei wʼasika Azingade, Johanana, onʼa Hakatana, ndi la apami lukama la dikumi;

Nehemiya 9:26

Keli vo wakayala la uhedia, wakakuhindwela. Vo wakakadja elembe aye lʼokongo, wakadiaki amvutshi aye wakatshutshiyaka dia vo nkalula le ye, wakakudjaka tofwefwe.

Esambu 78:56

Vo wakatahimbaka Unyashungu, KhumʼUlungu, wakatawudjaka tofwefwe, Kunkitanyia adjangu andi.

Jeremiya 11:10

Vo wakakadimo utsha lu kolo ya washewo wa ntundu, wakatunaka aui ami. Vo wambuyela ditemolatemola dia ditemola. Khumbu ka Isariyele ndu ka Juda wakalanya sheki yami, yakamadji la washewo.

Jeremiya 16:11

Ku we ayakaluya diui wati: Latuyalaka kata ati: Ne dia washenyu wakanseke, wakayelaka ditemolatemola, wakaditemolaka, la waka-dikhuselaka adui. Vo wakanseke, kunkitanyia elembe ami.

Jeremiya 2:20

Nshi yʼedjedja, nyu nyakatshatsha lokoho lanyu, Nyakahimbula ekodi anyu; Nyakati nyati: Shu hatuyulanga ndjala fumbi ntu. Ee, nyakanseke, nyakatemola Ladiku dia dikuna tshe diʼutali, Ndu la tshina diʼutamba tshe wʼuyuyu.

Jeremiya 2:23

Ukundi weyanyu mvuta nyati: Shu kundjasanya, kundjela WaBala? Nyendi wanya anyu lu ukidi, Nyeyi kene kakanyatshi, nyu esongo wa kamelo watekekoka!

Jeremiya 32:23

Vo wakoto loko, wakayikiti. Keli vo kunkitanyia diui diaye, kuyanga nkendakenda lu elembe aye. Vo kuntsha nduku dikambu diakayawadjangela dia vo ntsha, diako mbakayatumela elanyelu kene tshe.

Jeremiya 9:14

Keli vo wakayelaka saki yʼetema awo, ndu wakayelaka Wa-Bala uku akawaetshaka washewo.

Walelu 25:3

Osoku mbakamamema asi Isariyele Bala-Peore. Ku Latuyalaka akuki asi Isariyele kele.

Euhwelu kʼElembe 31:16

Latuyalaka akatela Mose ati: Ulungi, we utsha ntsho le washo. Ku wudja one wayunela, wayonseka, wayulanya sheki yakamadji la wo, wayekesanela la ditemolatemola diʼangendangenda dia lu kete, lene atawatshu.

Euhwelu kʼElembe 4:25

Lamʼayunyuyala la ana la ekana, ndu lamʼayunyuyala edja lu kete ku, naka nyu nyambutsha akambu wa ndjalanya, dia ntsha efanelu ka losela lu wuhu omotshi wʼengo, ndu dia ndjatshela kene keli kolo lu ashu wa Latuyalaka, Unyashungu anyu, dia mbutsha kele,

Embadi 10:10

Ku asi Isariyele wakaleli le Latuyalaka vati: Shu takakutshela kolo, ne dia takakoseke, we Unyashungu asu. Takatemola WaBala.

Embadi 10:6

Asi Isariyele wakatshi kolo lu ashu wa Latuyalaka ntu. Vo wakatemola WaBala, WaAshetarota, ndu ditemolatemola diʼasi Suriya, diʼasi Sidona, diʼasi Moaba, diʼasi Amona, ndu diʼasi Filistiya. Vo wakaseke Latuyalaka, kumbotemola ntu.

Embadi 13:1

Asi Isariyele wakatshi kolo lu ashu wa Latuyalaka ntu. Ku ndi akakimo lu anya wʼasi Filistiya deku akumi anei.

Embadi 3:12

Asi Isariyele wakatshi kolo ntu lu ashu wa Latuyalaka. Ku Latuyalaka akasha Engelona, khumʼekanga ka Moaba, wulu wa ndo lʼasi Isariyele, ne dia vo wakatshi kolo lu ashu wa Latuyalaka.

Embadi 3:7

Asi Isariyele wakatshi kolo lu ashu wa Latuyalaka, wakawuhela. Vo wakatendela WaBala ndu Ashetarota.

Embadi 4:1

Lʼokongo wa nyoi ka Ehude, asi Isariyele wakatshi kolo lu ashu wa Latuyalaka ntu.

Embadi 6:1

Asi Isariyele wakatshi kolo lu ashu wa Latuyalaka ntu, ku ndi akakimo lu anya wʼasi Midiyana deku esambeli.

Embadi 6:25

Lʼutshu ako, Latuyalaka akatela Ngidiyona ati: Ose osongo a ngombe wʼumi wa sho, la ngombe ka hendi kaya la deku esambeli. Kuhandjuli ediakelu ka Bala ka sho, katshatsha ekishi ka Ashera keli lasuki la to.

Embadi 8:33

Lamʼakavu Ngidiyona, asi Isariyele wakaseke Latuyalaka, wakatendela Wa-Bala, wakete Bala-Berite, etemolatemola kawo.

1 Samuele 12:10

Ku vo wakaleli le Latuyalaka, vati: Shu takatshi kolo, ne dia takakutuni, we Latuyalaka. Shu takatendela WaBala la WaAshitarota. Kakiane, utushimbeli uma le atunyi asu, ku tayukotemolaka.

1 Samuele 7:3

Samuele akatela khumbu tshe ka Isariyele ati: Naka la etema anyu tshe mbamunyukalula le Latuyalaka, nyunya ditemolatemola diʼasi wedja la WaAshetarota weli lʼatei anyu. Nyediya etema anyu le Latuyalaka, nyotemolaki ndi ndame. Ku ndi ayunyutshungula uma lʼanya wʼasi Filistiya.

1 Samuele 7:4

Ku asi Isariyele wakanya WaBala, la WaAshetarota waki lʼatei awo, wakatemola Latuyalaka ndame.