Embadi 18:5 - La Bible en Otetela (Bible K'Ekila) 1991

⁵ Vo wakosengasenga vati: Utumbweli Unyashungu, dia shu mbeya kana shu tayuhumo lukulu lʼolo lu lokenao lone latatatshu.

Embadi 18:5 Iomraidhean Croise

1 Khumi ya Dikanga 22:5

Jehoshafata akasengasenga khumʼekanga ka Isariyele ati: Utambudi diui dia Latuyalaka.

2 Khumi ya Dikanga 16:15

Khumʼekanga Ahaza akatela olombedi Uridja ati: Kutshumbaki ulambu wa lutshumba wa pindju, ulambu wa shima wa dikolo, ulambu wa lutshumba wa khumʼekanga, ulambu andi wa shima, ulambu wa lutshumba wa wudja tshe, ulambu awo wa shima, ndu elambu awo wa lutela ladiku diʼediakelu ka wuki. Komongaki dikila diʼulambu wa lutshumba la dikila tshe diʼuma lʼelambu ladiku diato, kulamaki ediakelu kʼohotela, ne dia loko kayumendjaka.

Isaya 30:1

Mananu kayali le ana wʼehedia, mbata Latuyalaka! Vo watuyalaka la sangweyu diaha uma le mi. Vo watudjaka sheki yaha la lulangu lami loko. Vo watahatanyaka kolo ladiku dia kolo.

Ezekiyele 21:21

Khumʼekanga ka Babilona akemala lu sanga dia mbuka hyendi dia mendja diwulu. Akasutshasutsha pitu, akendja lu nyembo, akendi uvo.

Hosea 4:12

Wudja ami watumbulaka utamba awo akambu, Ku etenyi kawo kʼutamba katalimbitshiyaka; Ne dia saki ka ntemola dikishi kambuwanganyia. Vo watotemolaka ditemolatemola, Wambumo etali uma le Unyashungu awo.

Etsha wa Atumami 8:10

Vo tshe wakuhukama, ndu wa tshitshe ndu wa waki, wakati vati: Untu one eko wulu a Unyashungu, wetawo vati: Wuki.

Embadi 17:13

Mika akati ati: Dimi lambeya nti: Latuyalaka ayumpumuya lukulu lʼolo, ne dia dimi lambukundja usi Lewi one olombedi.

Embadi 17:5

Mika aki la luudu lakandakitshaka dikishi, ndi akatshi etemolatemola ndu tukishikishi. Ku ndi akakitsha onʼandi a pami omotshi oteketshi.

Embadi 18:14

Ku apami ako atanu wakatshu dia ntotopa kete ya Laishi, wakambula anengewo vati: Nyu hanyeyi nyati: etemolatemola kemotshi, tukishikishi tomotshi, ekishi ka losela la ka lolelola, dieko lu mvudu nye? Nyukani yimba wuhu wukukinyu ntsha.

Embadi 18:4

Ku ndi akakaluya diui ati: Mika akantshela ngane la ngane. Ndi akambotshiya lʼulimu, la dimi lambuyala olombedi andi.

Embadi 18:6

Ku olombedi akakaluya diui ati: Nyutshu la ki; Latuyalaka ayutanyulamaka lu lokendo lanyu.

1 Samuele 9:9

Lu nshi ya ntundu, lamʼakalangi untu mumbula Unyashungu, ndi akati ati: Yeti, tutshu le umbeyi wʼakambu wahatayi. Ne dia one latuwetaka nshi nye vati: Umvutshi, wakawetaka lu nshi yʼedjedja vati: Umbeyi wʼakambu wahatayi.