Embadi 17:4 - La Bible en Otetela (Bible K'Ekila) 1991

⁴ Mika akakaluya fesa le nyangu. Ku nyangu akose tenyi dia fesa kama hyendi, akadisha utshudi. Utshudi akatshi ekishi ka lutshula, ndu ekishi ka lolelola. Ku wakadikitsha lu luudu la Mika.

Embadi 17:4 Iomraidhean Croise

Isaya 30:22

Ku nyu nyayulanya dikishi dianyu diakanyombe la fesa la diakanyombe la paunyi. Nyu nyayudianganya betshi diako uku diango dia mindu, nyayuta nyati: Nyumo lane.

Isaya 44:13

Utshudi wʼabaya atedikaka utamba la ushinga, atusangulaka usatu wʼekishi loko la di-kalanga, atudjaka tulimbitelu tato la okodi wʼutshimbedi. La kaku, mbatu-ndoselaka ekishi kufanyi lʼuntu, dia to ndjalaka lu luudu.

Habakuka 2:18

Waho akona weli le efanelu ka losela, wakakisele osedi? Waho akona weli le efanelu ka lolelola? Le umbetsha wa kashi, lakatshi efanelu kako, Katundekamaka dia ntshaka dikishi dia nyumi?

Euhwelu kʼElembe 27:15

Mananu kayali le untu latsha ekishi ka losela kana ka lolelola, engo ka wononyi le Latuyalaka, ulimu wʼanya wʼutshudi ku ndi nkikitsha lu dihuli dia usheshe. Ku wudja tshe wayukitshiya vati: Ayali osoku!

Embadi 17:3

Mika akakaluya tenyi dia fesa kinunu la lukama le nyangu. Ku nyangu akati ntu ati: Dimi lakalaki Latuyalaka fesa nye dikambu dia onʼami, dia vo mbutshela ekishi ka lutshula; ka lolelola. Okone lambuyikaluya le ndi kakiane.

Embadi 17:5

Mika aki la luudu lakandakitshaka dikishi, ndi akatshi etemolatemola ndu tukishikishi. Ku ndi akakitsha onʼandi a pami omotshi oteketshi.

Embadi 18:17

Ku apami atanu ako wakatshu dia ntotopa kete, wakoto lu luudu, wakose ekishi ka losela, etemolatemola, tukishikishi, la ekishi ka lolelola. Olombedi akemadi lʼeotwelo ka ngelu kame la apami kama shamalu wukimedi diango diawo dia ta.