Embadi 17:3 - La Bible en Otetela (Bible K'Ekila) 1991

³ Mika akakaluya tenyi dia fesa kinunu la lukama le nyangu. Ku nyangu akati ntu ati: Dimi lakalaki Latuyalaka fesa nye dikambu dia onʼami, dia vo mbutshela ekishi ka lutshula; ka lolelola. Okone lambuyikaluya le ndi kakiane.

Embadi 17:3 Iomraidhean Croise

2 Ekondo 33:7

Ndi akakitsha efanelu ka losela kʼekishi kakandasele lu luudu la Unyashungu, lakatela Unyashungu Davidi la onʼandi Solomona ati: Lu luudu lone, ndu la Jerusalema yakamasonola lʼatei a wedja tshe wa Isariyele, kayumushikike lukumbu lami pundju.

Etumbelu 20:23

Tanyuyatshelaki ditemolatemola dia fesa, dia dio ndjala kame la mi, kuyanga ndjatshela ditemolatemola dia paunyi.

Etumbelu 20:4

Tuyaselelaki nduku ekishi, kuyanga efanelu kʼengo kemotshi keli lʼulungu, kana keli la kete, kana keli lʼashi.

Etumbelu 34:17

Tuyatshelaki nduku etemolatemola ka lolelola.

Isaya 30:22

Ku nyu nyayulanya dikishi dianyu diakanyombe la fesa la diakanyombe la paunyi. Nyu nyayudianganya betshi diako uku diango dia mindu, nyayuta nyati: Nyumo lane.

Isaya 66:3

Untu latudiakaka ngombe eko uku one ludiaki untu. Untu latulambulaka onʼokoko, Eki uku one lokodi fo kingu. One lalambula ulambu wa shima, Eko uku one lukimwi dikila dia sumbu. Untu latshumba malashi, Eko uku one latemola dikishi. Vo tshe watosonolaka mbuka yawo; Etema awo watongenangenaka lu akambu awo wa wononyi.

Jeremiya 10:8

Ditemolatemola tshe dieli anyanya, diaha la yimba. Wetshelu awo weli paka anyanya. Dio dieli paka etamba.

Akambu wʼAsi Lewi 19:4

Tanyukadimoki utsha le dikishi, kuyanga ndjatshela ditemolatemola dia lolelola. Dimi keli Latuyalaka, Unyashungu anyu.

Joani 16:2

Vo wayunyutundja uma lu temwelo. Ee, etena kayuyala, lamʼayukana untu layunyudiaka ati: Dimi lambutshela Unyashungu ulimu.

Euhwelu kʼElembe 12:3

Kanyutanyukulaka diakelu diawo, kanyutudiudiaka dimeta diawo. Kanyutatshumbaka dikishi diawo lu dja, kanyutatshatshaka difanelu dia losela dia ditemolatemola diawo. Ndu kanyushisha kumbu yʼahuli akoa

Euhwelu kʼElembe 27:15

Mananu kayali le untu latsha ekishi ka losela kana ka lolelola, engo ka wononyi le Latuyalaka, ulimu wʼanya wʼutshudi ku ndi nkikitsha lu dihuli dia usheshe. Ku wudja tshe wayukitshiya vati: Ayali osoku!

Embadi 17:13

Mika akati ati: Dimi lambeya nti: Latuyalaka ayumpumuya lukulu lʼolo, ne dia dimi lambukundja usi Lewi one olombedi.

Embadi 17:2

Ndi akatela nyangu ati: Tenyi dia fesa diaye kinunu la lukama diakayashisha, diakayadji dokoloko, ndu diakanyamvutela, dieko le mi. Dimi kakadiose. Nyangu akawutela ati: Kawo, onʼami, Latuyalaka akotshokole!

Embadi 17:4

Mika akakaluya fesa le nyangu. Ku nyangu akose tenyi dia fesa kama hyendi, akadisha utshudi. Utshudi akatshi ekishi ka lutshula, ndu ekishi ka lolelola. Ku wakadikitsha lu luudu la Mika.

Embadi 18:30

Asi Dane wakayakitshiya ekishi kako ka losela. Jonatana, onʼa Ngereshome, onʼa Mose, ndi la anʼandi, waki elombedi a wudja wa Dane, edja ndu lamʼakatolama wudja awo lu fumbi.

Embadi 18:5

Vo wakosengasenga vati: Utumbweli Unyashungu, dia shu mbeya kana shu tayuhumo lukulu lʼolo lu lokenao lone latatatshu.