Embadi 15:11 - La Bible en Otetela (Bible K'Ekila) 1991

¹¹ Asi Juda nunu satu wakahulo utsha lu wuku wa dive dia lʼEtame, wakatumbula Samisona vati: Undi, we heyi wati: Asi Filistiya mbutuledi? Na dikambu ne diambuyututshela? Ndi akakaluya diui ati: Uku akawatshela, mbakamatshela.

Embadi 15:11 Iomraidhean Croise

1 Ekondo 4:3

Tukanula ta Etame tone: Jezerele, Ishima, la Idibashi; lukumbu la kadiyewo laki Hazeleleponi.

Akambu wʼAsi Lewi 26:25

Dimi layuya le nyu la yombo, layosombweya sheki yami. Naka nyayomotshama kame lʼesumba anyu, ku dimi layunyutumela asui. Nyu nyayukimwama lu anya wʼutunyi.

Euhwelu kʼElembe 28:13

Latuyalaka ayunyete ete, aha wela; nyu nyayuyalaka paka ladiku, aha la tshina, naka nyu nyayukitanyia dia nama la ntsha elembe wa Latuyalaka Unyashungu anyu, wamumunyudjela elo;

Euhwelu kʼElembe 28:43

Angendangenda weli lʼatei anyu wayutabiyamaka ladiku dianyu, ku nyu nyayutakitshakitshamaka.

Embadi 13:1

Asi Isariyele wakatshi kolo lu ashu wa Latuyalaka ntu. Ku ndi akakimo lu anya wʼasi Filistiya deku akumi anei.

Embadi 14:4

Keli shi la nyangu kumbeya vati: Dikambu ne diambuya uma le Latuyalaka. Ndi akayangi mbuka kukukindi mama lʼasi Filistiya. Lu nshi yako asi Filistiya wakuledi asi Isariyele.

Embadi 15:10

Asi Juda wakawambula vati: Dikambu kuna diakanyayi dia ndjutolosha? Vo wakakaluya diui vati: Dia ndjunda Samisona, la dia mbutshela uku akandatutshela mbuyesu.

Embadi 15:12

Vo wakawutela vati: Shu tambuya dia ndjukunda, dia ntukukimo lu anya wʼasi Filistiya. Samisona akawatela ati: Nyuntshibeli nyati: Shu hatukudiaka.