Embadi 14:5 - La Bible en Otetela (Bible K'Ekila) 1991
5 Samisona akahulo utsha la Timisa, ndi la shi la nyangu. Lamʼakawakumi lu dikambo dia vinyo diʼasi Timina, enyi ku osongo a tambwe one wayadikita uya le ndi.
Benaya, onʼa Jehoyada, onʼa kanga wulu a la Kabizele, akatshaka akambu wa mamba. Ndi akatudiaka esongo ehendi wa tambwe la Moaba. Ndi akoto ndu lu difuku lu nshi ya lungi, akadiaki tambwe.
Benaya, onʼa Jehoyada, onʼa kanga wulu omotshi usi Kabize, akatshaka akambu wa mamba. Ndi akatudiaka ana ahendi wa tambwe la Moaba. Ndi akoto ndu lu difuku lu nshi ya lungi lʼekama la tshitshi akadiaki tambwe.
Uma la Bala ku ulelu ako nkadimo utsha lʼedjelu, lʼUkungu a Seire, ku vo ntenanya leke la ngelʼa kushi lʼUkungu a Jerima (wetawo vati: Kesalona). Ku vo mpulo la Bete-Shemeshe, ku mbeta lu Timina.
Keli shi la nyangu kumbeya vati: Dikambu ne diambuya uma le Latuyalaka. Ndi akayangi mbuka kukukindi mama lʼasi Filistiya. Lu nshi yako asi Filistiya wakuledi asi Isariyele.
Nyuma ka Latuyalaka akawahema, ku ndi akatshatsha tambwe uku untu latshatsha yana ya mbudi. Ndi taki la engo lu lunya. Ndi kumvutela shi la nyangu dikambu diakandatshi.
dimi lakakiyeli, lakakikomola, lakahatula yana yʼokoko yaki lʼunyo ato. Naka to kambukhunguso uya le mi, ku dimi nkekimela lu kingu, ku nkihina la nkidiaka.