Embadi 14:3 - La Bible en Otetela (Bible K'Ekila) 1991

³ Shi la nyangu wakawumbula vati: Undi, nduku umuntu omotshi lʼatei wʼana amantu wakuti ananyo kana lʼatei wa wudja asu tshe, mbambuyutsho dia ntosa wadi uma lʼatei wʼasi Filistiya, wane wahahemaka uhekeli? Samisona akatela shi ati: Utombosendi, ne dia ndi nkalangami.

Embadi 14:3 Iomraidhean Croise

Etatelu 13:8

Abarama akatela Lota ati: Dimi lambukosengasenga nti: Tamu tatuyalaki lʼasami la ye, ndu lʼasa alami ami la alami aye wa dungalunga, ne dia wali la ona mbesu.

Etatelu 21:27

Okone Abarahama akandi ekoko la ngombe, akasha Abimeleke, ku vo ahendi wakakotsha lusalu.

Etatelu 34:14

Vo wakawatela vati: Shu hateyi ntshukamia kadiyesu le untu lahatahema uhekeli. Dikambu diku ndjalaka sonyi le su.

2 Samuele 1:20

Tanyutaki dikambu diako la Ngata, Tanyudianganyaki lukumu ladio lu esese wa la Ashikelona, Ne dia ana amantu wʼasi Filistiya watukongenangena, Ne dia ana amantu a waku wahatahemaka ehekeli watukuyasema.

Jashua 23:12

Keli naka nyu nyayukadimo, nyayumamema wedja ene wambutshikala lʼatei anyu, ndu naka nyu nyayutshuka anʼawo la vo ntshuka anʼanyu,

Embadi 14:2

Lamʼa-kandakalula, ndi akatutela shi la nyangu ati: Dimi lakatena umuntu omotshi la Timina lʼatei wʼana amantu wʼasi Filistiya. Okone nyutuntshukendi.

Embadi 15:18

Ndi akuki pusa ashi, akalombe Latuyalaka ati: We kakatungi etshungwelu kene ka wuki la lunya lʼukambi aye; ku kakiane dimi mvo la pusa kʼashi, la mboto lu anya a wane wahatahemaka uhekeli?

1 Samuele 14:6

Jonatana akatela olongo a pami wakatembaka dihumo diandi ati: Yeti tuteho utsha lu pangu ka wane wahatahemaka uhekeli aku. Undu Latuyalaka ayutukimanyia, ne dia nduku lukuki mbushimba dia ntushimbela la ului one wa tshitshe uku ului a wuki.

1 Samuele 17:26

Davidi akambula apami wakemadi lasuki la nti ati: Kayuwutshela untu lavudiaka usi Filistiya uku, ndu layunya Isariyele lu sonyi? Na usi Filistiya uku laki kumbahema uhekeli, ladja elui wʼalimbi wa Unyashungu a lumu tofwefwe?

1 Samuele 17:36

Ukambi aye akadiaki tambwe la laundu, usi Filistiya one, laki kumbahema uhekeli, ayuyala uku kemotshi lʼatei ayo, ne dia ndi ambudja elui wʼalimbi wa Unyashungu a lumu tofwefwe.

1 Samuele 31:4

K Saulu akatela omembi andi a dihumo dia ta ati: Osomole yombo yaye. Umpiki, ne dia wane wahatahemaka ehekeli aku, watukuyumbika ehumo ndu watukuyontenga. Keli omembi andi a dihumo dia ta kunanga, ne dia ndi akandama la woma. Ku Saulu akose yombo yandi, akayahumanya ladiku diayo.