Embadi 13:5 - La Bible en Otetela (Bible K'Ekila) 1991

⁵ Enda, we ayutsho diemi, ayuta ona pami. Ndi tanyaki divu dia lʼote andi pundju; ne dia ona ako ayukidiama le Unyashungu umaka utema a nyangu. Ndi keli one layutatela ntshungula Isariyele uma lu anya wʼasi Filistiya.

Embadi 13:5 Iomraidhean Croise

2 Samuele 8:1

Lʼokongo diku, Davidi akalo lʼasi Filistiya, akawele. Ndi akose Metenge-Ama uma lʼanya wʼasi Filistiya.

1 Ekondo 18:1

Lʼokongo diku, Davidi akalo lʼasi Filistiya, akawele. Ndi akose Ngata la ngelu ya lʼokongo awo uma lʼanya awo.

Amose 2:11

Dimi lakatundja amvutshi lʼatei wa anʼanyu, La akidiami lʼatei wʼelongo anyu wʼapami. Aha osoku mbedio, nyu asi Isariyele? Mbambula Latuyalaka.

Walelu 6:5

Nshi tshe yendi la kilu, ndi tanyaki divu lʼote andi; ndi kayali ekila. Kaduya divu edja ndu nshi yambunduyakidia le Latuyalaka yambukuka.

Luka 1:15

Ndi ayuyala wuki lu ashu wa Khumadiondjo. Ndi hono wanu kana enono ka wulu. Ndi ayuludiama la Nyuma kʼOlolo uma lʼutema a nyangu.

Embadi 16:17

Ku Samisona akawushwela utema tshe; akawutela ati: Umaka mbuto kami, dimi hatunyaka divu diami, ne dia dimi lakakidiama le Unyashungu leki lʼutema a nyomi. Naka ayuminya divu, ku layuyala wodu uku apami akina.

1 Samuele 1:11

Ndi akatshiki dokoloko ati: Latuyalaka, Kanga lulimbilimbi, naka we ayetawo menda lunyangu lami lone, dimi ukambi aye, naka we ayumbuho aha mbuhelami, dimi ukambi aye, ndu naka we ayumbisha, dimi ukambi aye, ona pami, dimi layukimo le ye, we Latuyalaka, nshi tshe ya lumu landi. Ndi hanyaki divu dia lʼote andi pundju.

1 Samuele 7:13

Okone vo wakalembia asi Filistiya, vo kunkalula ntu lu kete ya Isariyele. Lu nshi tshe ya lumu la Samuele lunya la Latuyalaka laki wulu le asi Filistiya.