Amose 9:2 - La Bible en Otetela (Bible K'Ekila) 1991

² Kuyanga vo wayutsho lʼUdimu a Pengandu, Lunya lami layutuwanda leko. Kuyanga vo wayumbela lʼulungu, Dimi layahuluya uma leko.

Amose 9:2 Iomraidhean Croise

Jobo 20:6

Kuyanga mbendi utali tshwaa utsha lʼulungu, La ote andi nkumaka lu wangi,

Jobo 22:13

We mumbulaka wati: Kakona keya Unyashungu? Ndi mbeyaka numbuya ledia a udjima a tshududu?

Jobo 24:23

Unyashungu atuwashaka eku la ekamelu; Ashu andi watendaka mbuka yawo.

Jobo 26:6

Dihuli diʼEdu dieko hwe la ntundu ka Unyashungu, La ohongo adio kema la ukumbo.

Jobo 34:22

Nduku udjima kuyanga didjidji dia nyoi dieko, Diukuki atshi wa kolo mbishama,

Isaya 2:19

Lamʼayunela Latuyalaka dia ndjidimia kete, Antu wayutushama lu weuku wʼave, Ndu lu minga ya la kete, Ne dia woma andi, ndu ne dia lutumbu la wulu andi.

Jeremiya 49:16

Lukanyi laye la utaku wʼutema aye wamoukukesa, We ludjashi lʼatei a weuku wʼave, Latahemaka lu ote wa dikuna. Kuyanga we ayututsha kefu kaye etali ka hwa uku ka pungu, Dimi layukuhatula uma leko, mbata Latuyalaka.

Jeremiya 51:53

Kuyanga Babilona ayumbela pulu ndu lʼulungu, Ayuyalongoswela ngeli ya wulu, Kana ayuyahikela kumbu yʼetali, Dimi layutumela ananyishi, Mbata Latuyalaka.

Ezekiyele 26:20

dimi layukukadja kame la wane watuholoka utsha lu Difuku, le antu wʼedjedja. Dimi layukukitsha lʼokongo wa kete, lu ahuli wakalanyema pundju, kame la wane watuholoka utsha lu Difuku, dia we ntshikala tongo, aha ndjala la dihuli lu kete ya wasena.

Ezekiyele 31:14

dia etamba tshe weli lasuki lʼashi tawulaki, ndu tawusimbulaki ete awo lʼatei a wangi; dia elungu tshe weli lʼashi tawuhamaki ndu tawulaki etali ndeka etamba ekina tshe wa lʼusui. Ne dia vo tshe wakakimwama dia nkotama la mbikadjema lu difuku, kame la ana wʼantu la wane watahulo utsha lu Difuku.

Obadiya 1:4

Kuyanga mbatunyumbelaka ladiku uku pungu, Kuyanga edjaselu kanyu keko kʼatei a toto, Dimi layutunyuhuluya uma leko, Mbata Latuyalaka.

Luka 10:18

Ku ndi akawatela ati: Dimi lakenyi Satana ako uma lʼulungu uku dingadimu.