Amose 8:9 - La Bible en Otetela (Bible K'Ekila) 1991

⁹ Khumadiondjo Latuyalaka kata ati: Lushi lako, dimi layudje unya lʼatei ote. Dim layete kete udjima la yanyi yʼekumbikumbi.

Amose 8:9 Iomraidhean Croise

Mako 15:33

Lamʼakakuki unya lʼatei ote, udjima akayala lu kete tshe, edja ndu lʼeshidi esatu.

Mateu 27:45

Udjima akayala lu kete tshe umaka unya lʼatei wʼote edja ndu unya lʼeshidi esatu.

Luka 23:44

Lamʼakayala unya lʼatei wʼote, udjima akayala lu kete tshe edja ndu lʼeshidi esatu.

Jeremiya 15:9

Umuntu lakuti ana esambeli ambokomo, ambukitshiya; Unya akawudjela eki yanyi. Ndi akutshama sonyi, akakanana. Dimi layukimo waku wakatshikala lu tombo tʼatunyi awo, Mbata Latuyalaka.

Mateu 24:29

Kemʼedja lʼokongo wʼasui wa lu nshi sho, unya ayukadimo udjima, ngondio hukashiya ntu, toto tayoko uma lʼulungu. Diango dia wulu dia lʼulungu diayusutshasutshama.

Mika 3:6

Okone utshu wayuyala le nyu waha la enelo, Ndu udjima wayuyala le nyu waha la diendjelu. Unya wayudjela amvutshi, yanyi yayuyala udjima ladiku diawo.

Amose 5:8

Nyuyangi one lakatungi “Ana wʼUlui”, “Tshula la Fo la Nyaira” One latukadimulaka dedi dia nyoi pindju, Latukadimulaka yanyi utshu, Latetaka ashi ama lʼashi a wuki, Ndu latatshululaka ladiku dia kete, Latuyalaka keli lukumbu landi.

Isaya 13:10

Ne dia toto ta lʼulungu la elui ato hawoheta ntu; Unya ayuyala udjima lʼehutwelu kawo, La ngondo hukashiya ntu.

Jobo 5:14

Vo watuhumanaka la udjima kʼatei a yanyi, Watamambaka unya lʼatei ote uku lʼutshu.

Amose 4:13

Nyulungi, one lakatshi ekungu ndu lakatungi lopepe, Latulimbitshiyaka antu tukanyi tandi, Latukadimulaka pindju udjima, Ndu latokendakendaka ladiku diʼahuli wa ladiku dia kete, Latuyalaka, Unyashungu Kanga lulimbilimbi, Keli lukumbu landi.

Enyelo 8:12

Ondjelo a nei akadi, ku etenyi ka satu ka unya, ndu etenyi ka satu ka ngondo, ndu etenyi ka satu ka toto wakakomama, ne dia etenyi kawo ka satu kayali udjima, ndu yanyi tahetaki etenyi ka satu, ndu utshu pupu.

Enyelo 6:12

Dimi lakenyi lamʼakandadihula djimbitelu ya samalu, kete yakadidima efula. Unya akayala tshududu uku dikuniya dia diosa, utundu a ngondo akayala uku dikila.

Jeremiya 13:16

Nyutumbuli Latuyalaka, Unyashungu anyu, ntundu ndi atela udjima; Ntundu ekulu anyu watatakana lu ekungu wa udjima; Ntundu ndi atakadimula usasi watunyuyangaka didjidji dia nyoi, La mbete udjima wa tshududu.

Ezekiyele 32:7

Lamʼayumukushisha, layukumba ulungu, layete toto udjima. Dimi layukumba unya dingi, Ndu ngondo hukashiya.

Zekariya 14:7

Keli lo, layuyala lushi otoi leyama le Latuyalaka: huyala yanyi ndu huyala utshu, keli usasi wayuyala lʼetena ka dikolo.