Amose 8:2 - La Bible en Otetela (Bible K'Ekila) 1991

² Ku ndi akamumbula ati: Amose, kakona kenaye? Dimi lakûkaluya diui uti: Saka diʼelua wa lʼowo. Ku Latuyalaka akamvutela ati: Ekumelu kambuya lu wudja ami Isariyele; Dimi haluwadimanyia ntu pundju.

Amose 8:2 Iomraidhean Croise

Etatelu 6:13

Unyashungu akatela Noa ati: Ekumelu kʼengo tshe keli la lumu kambukuka lu ashu ami, ne dia vo wambuludia kete too la akambu wa ngala la dihotwanelu. Ulungi, dimi luyanga mbalanya kame la kete.

Isaya 28:4

Dembo diambolengela diateteka elengalenga kandi ngaingai, Dieli lʼote wʼukidi wʼeteto, Diayuyala uku ulua a ntundu wambela. Lamʼayena untu ulua ako lu lunya landi, ndi ayuwole esadi.

Jeremiya 40:10

Nyuki, dimi layudjase la Mizipa, dia memalaka la ntundu kʼasi Kaladiya wayuyakaka le su. Keli nyu kanyumulaki ashi wʼelua kanyumbaki elua wʼowo, kanyuhinaki iso, kanyuwembaki. Nyutshu, nyu-tudjase lu esumba anyu wakanyakundja.

Jeremiya 5:31

Amvutshi watutaka kashi lu akambu wahatayi. Elombedi watulelaka antu uku alangawo. Ku wudja ami watongenangenaka akambu aso. Lʼekumelu kʼakambu ako, kayunyutsha na?

Delu dia Jeremiya 4:18

Antu wakayangaka wanya asu, Diako mbakisu kumbeya nkendakenda lu esese asu. Ekumelu kasu kakasukana; nshi yasu yakalema, Ne dia ekumelu kakakuki.

Ezekiyele 12:23

Okone uwateli wati: Khumadiondjo Latuyalaka kata ati: Dimi layete yukedi nye anyanya. Vo hawuyitaka uku yukedi lu Isariyele ntu. Uwateli wati: Nshi yaya suki ya enelo kʼakambu wahatayi nshidiyama.

Ezekiyele 29:8

Okone Khumadiondjo Latuyalaka kata ati: Enda, dimi lutsha nkutumela yombo, dia nshila antu la nyama yeli lʼatei aye ushiki.

Ezekiyele 3:10

Ndi akamvutela ati: Onʼa untu, udji aui ami tshe wayumukutela lʼutema aye, uhuke atui ololo.

Ezekiyele 3:7

Keli khumbu ka Isariyele hawukukela, ne dia vo hawumbukela. Khumbu ka Isariyele tshe weko la ete wulu ndu la etema wulu.

Ezekiyele 7:6

Ku elo! Ku elo! Nyendi, ekumelu kambuya esadi dia ndjolo la nyu.

Ezekiyele 8:12

Ku ndi akamumbula ati: Onʼa untu, we henyi akambu watsha dihangamendi dia khumbu ka Isariyele lu usheshe, uku eli untu lʼuntu la esatu lu luudu landi? Vo mvutaka vati: Latuyalaka hatenyi, Latuyalaka amboseka kete.

Ezekiyele 8:17

Ku ndi akamumbula ati: Onʼa untu, we henyi dikambu ne? Undi, dikambu dia tshitshe mbedio dia khumbu ka Juda ntsha akambu watuwutshaka lane, dia vo ndudia kete la akambu wa ngala, ndu nkalula lu etshelu ka akambu wa mbutshami kele? Vo wambuludia ehembe awo la sulu kawo.

Ezekiyele 8:6

Ku ndi akamumbula ati: Onʼa untu, we henyi dikambu diatshawo diku? We henyi akambu wa wononyi a waki watutshaka khumbu ka Isariyele lane dia mbitshanyami uma lʼetemwelo kami? Keli we ayena akambu wa wononyi wuleki ane.

Hosea 9:7

Nshi yʼasui yambukuka, nshi yʼesombweyo yambuya. Isariyele utsha mbeya dikambu so. Umvutshi eko enginya, La one leya akambu wushami eko kanga dadi, Ne dia wuki wa kolo yanyu, la wa luhetshu lanyu.

Amose 7:8

Latuyalaka akamumbula ati: Amose, kenaye na? Ku dimi lakûkaluya diui nti: Okodi wa wedikelu. Ku Khumadiondjo akati ati: Enda, dimi layukitsha okodi wa wedikelu Lʼatei wa wudja ami Isariyele. Dimi haluwadimanyia ntu pundju.

Amose 8:1

Khumadiondjo Latuyalaka akamenya enelo kene. Menyi ku saka diʼelua wa lʼowo ne.

Mika 7:1

Omenyi fono mbemi! ne dia lambuyala Uku elua wakawambi lʼetena kʼowo, Uku sandji diʼelua wa vinyo diakawanyinginya. Lʼokongo wa embelu, nduku esandji kekiko ka nde, Nduku ulua wa fingu wakatatela mbela, Watulangaka utema ami wekiko.

Zekariya 5:2

Ndi akamumbula ati: Kakona kenaye? Ku dimi lakakaluya diui nti: Wombo wa mukanda mbenami wayafunibo: utali awo kubita akuma hendi; la wekeki awo, kubita dikumi.