Amose 7:2 - La Bible en Otetela (Bible K'Ekila) 1991

² Lʼokongo diku lamʼakawashili nde adiyu wa la kete, ku dimi lakati nti: We Khumadiondjo Latuyalaka, udimanyia Jakoba kolo, Mbakosengasengami. Ukundi ayundeya memala? Ndi eko tshitshe!

Amose 7:2 Iomraidhean Croise

Esambu 12:1

Latuyalaka li, unkimanyia ne dia nduku ololo lekiko. Ndu kolamelu yambumo lʼatei wʼantu.

Etumbelu 10:15

Vo wakakumbi diku dia kete tshe, ku kete yakayala udjima. Wakali tumbatumba tshe dia la kete ndu elua tshe wa lʼetamba wakatshiki ngimbi ka mboko. Nduku engo kʼeleselese kakatshikala, utamba kana eunune ka lʼekambo, kakiwo konde lu kete ya Edjibitu.

Etumbelu 34:9

Ndi akati ati: Khumemi li! Naka dimi lakahumo lukulu lʼolo lu ashu aye, lambukosengasenga nti: We Khumemi, utshu lʼatei asu, kuyanga mbeli wudja one la ete wulu. Utudimanyia wengiya asu la kolo yasu. Utose dia shu ndjala wudja aye wʼukito.

Isaya 37:4

Undu, Latuyalaka, Unyashungu aye, akuki aui wʼolombodi wʼalimbi wakatumi khumendi, khumʼekanga kʼAsuriya, dia monyola Unyashungu a lumu. Latuyalaka, Unyashungu aye, ayuhangwela ne dia aui wakanduki, undu. Okone olombele atshikadi ane Unyashungu.

Isaya 51:19

Akambu ane ahendi wambukunda, ayukulela na? Ohenyohenyo la elanyelu, ndjala ka kasha la yombo. Ayukusamba na?

Jeremiya 14:7

Kuyanga kolo yasu yambutamia, we Latuyalaka, Ukambeli lukumbu laye ulimu, Ne dia ehedia asu weko efula. Shu takakutshela kolo.

Jeremiya 42:2

wakatosengasenga umvutshi Jeremiya vati: Etawo esengosengo asu! Utoteketele le Latuyalaka, Unyashungu aye, lu dikambu dia wane tshe wambutshikala, ne dia taki efula, ku kakiane tambutshikala djui ya tshitshe, uku wenaye weme.

Ezekiyele 11:13

Kamʼakamataka akambu wahatayi, Pelatiya, onʼa Benaya, akavu. Ku dimi lakako ekhukhumadi la kete, lakadi tukuku ta wulu nti: Hai, Khumadiondjo Latuyalaka! Undi, we ayushila atshikadi wa Isariyele ushiki?

Ezekiyele 9:8

Lamʼakiwo lu ndjaka antu, dimi lakatshikala, ku dimi lakako ekhukhumadi la kete. Dimi lakaleli nti: Hai, Khumadiondjo Latuyalaka! we ayudiaka atshikadi wa Isariyele tshe lamʼatshululaye kolo kaye lu Jerusalema?

Danyele 9:19

Latuyalaka li, ulungi; Latuyalaka li, udimanyia; Latuyalaka li, uhuke tui! Ne dia dikambu diaye, we Unyashungu ami, ndu ne dia watetaka usumba aye la wudja aye lukumbu laye, utshi, tutshimbatshimbaki.

Joele 2:17

Elombedi ekambi wa Latuyalaka, Waleli lʼasa mbalasa lʼediakelu wati vati: Latuyalaka li, ushimbeli wudja aye! Tukimoki wudja aye lu sonyi, Tukimoki ukito aye lu dionyo lʼatei a wedja, Okoko wana wukukiwo mumbwama lʼatei a wedja vati: Lendʼeli Unyashungu awo?

Amose 4:9

Dimi lakanyutumela elanyelu ka mbu ya nde. Endjo wakali efula ka diango dia lu dikambo dianyu, Ekodi anyu wa vinyo, etamba anyu wa fingu, La etamba anyu wa mbeli. Keli nyu kunkalula le mi, mbata Latuyalaka.

Amose 7:5

Ku dimi lakati nti: Khumadiondjo Latuyalaka li, lambukosengasenga nti: Utukukunga! Ukundi ayeya Jakoba memala? Ndi eko tshitshe efula!

Zekariya 4:10

Ne dia untu tshe lakonyola lushi lʼakambu wa tshitshe, ayongenangena, ndu ayena okodi a wedikelu lu lunya la Zerubabele. Ne dia atala ako esambeli weko ashu wa Latuyalaka, watetetaka lu ahuli tshe wa la kete.

Enyelo 9:4

Wakawatela vati: Tanyulanyaki adiyu wa la kete, kuyanga engo kʼuyuyu, kuyanga utamba, paka antu waha la djimbitelu ya Unyashungu lu fumu yawo.