Amose 5:2 - La Bible en Otetela (Bible K'Ekila) 1991

² Usekaseka wʼemuma wa Isariyele amboko, ndi hunela ntu. Ndi ambukalema lu kete yawo, Nduku untu lawetula.

Amose 5:2 Iomraidhean Croise

2 Khumi ya Dikanga 15:29

Lu nshi ya Peka, khumʼekanga ka Isariyele, kakayi Tingilate-Pilesere, khumʼekanga kʼAsuriya akose Idjona, Abele-Bete-Maka, Janoa, Kadeshe, Hazora, Ngiliyade la Ngalili, kete tshe ya Nafetali. Ku ndi akatole antu fumbi utsha la Asuriya.

2 Khumi ya Dikanga 17:16

Vo wakaseke elembe tshe wa Latuyalaka, Unyashungu awo, wakayatshela tana ta ngombe tuhendi ta lolelola, wakatshi ndu ekishi ka Ashera, wakakhusamelaka ului a diango tshe dia lʼulungu, wakakambela Bala ulimu.

Isaya 14:21

Nyolongosole dihuli dia ndjaka anʼandi, Ne dia kolo ka watshewo. Vo watukunela dia mbulela kete, La watukufulanela lʼandja.

Isaya 24:20

Kete yambusukosuko uku umbidjoki, Yambengengo uku kipoi. Kolo kayo kambuyala wutshu ladiku diayo; Yo yamboko, ku hayunela ntu.

Isaya 3:8

Jerusalema ambulanyema, La Juda ambuhandjo, Ne dia aui awo la etsha awo watotombokwelaka Latuyalaka, Watudjaka ashu andi wa lutumbu tofwefwe.

Isaya 37:22

Okone mbakati Latuyalaka lu dikambu diandi ati: Siona, ona umuntu leki emuma ambukonyola, ambukosoka. Jerusalema, ona umuntu, ambukusukiasukiya ote.

Isaya 43:17

Ndi katelaka pusupusu la falasa, Alimbi la andoshi wa ta wa wulu. Ndi atokoshaka atunyi kame, edja ndu vo wambulanyema, Wambudimala uku ushinga wa tala, haweyi munela ntu.

Jeremiya 14:17

Uwateli diui ne wati: Ashu ami wakediaki asoi ndu la yanyi ndu lʼutshu. Tawuhimboki nkela Ne dia ona umuntu a wudja ami lʼemuma Ambuhumo puta ka wuki, puta ka wulu kahangone.

Jeremiya 18:13

Diako mbata Latuyalaka okone ati: Nyumbuli wedja, akona wakuki akambu wa wuhu oso? Usekaseka wʼemuma Isariyele akatshi dikambu dia kolo kuleki.

Jeremiya 2:27

Vo watutelaka utamba vati: We keli shesu; La dive vati: We kakatuti! Vo wambombediya ekongo awo, aha dundji. Keli lu nshi yawo ya pa, vo wayuta vati: Uneli, utushimbeli.

Jeremiya 31:4

Dimi layukuhika ntu. We ayuhikama, we umuntu lʼemuma Isariyele! We ayolota dengalenga diaye ntu, Ayutsho la ntono wenye a waku wateyaka mpuma.

Jeremiya 4:20

Wambuta dia elanyelu ladiku diʼelanyelu, Ne dia wudja tshe wambulanyema. Mvudu yami yʼapema yambulanyema shashimuya, Apema ayo wambate lʼetena otoi.

Jeremiya 50:32

Kanga utaku ayutakana, ayoko, Nduku untu layuwunyiya. Dimi layongonya dja lu esumba andi, ku yo yayutshumba wa lʼutshimba awo tshe.

Jeremiya 51:64

Kuti wati: Ukuku mbayudita Babilona, huteha, ne dia elanyelu kayumuwela, vo wayoko balakata. Ekumelu kʼaui wa Jeremiya keso.

Jeremiya 8:4

Kuwateli ntu wati: Latuyalaka kata ati: Lamʼamboko antu, vo haweto ntu? Naka untu ambetola, ndi hakalula uka?

Jeremiya 9:21

Ne dia nyoi kambumbela lu adidishi asu. To kambuyoto lu mvudu yasu ya khumʼekanga. To katushilaka akenda lu aseke, la elongo wʼapami lu esese.

Jeremiya 9:9

Undi, dimi haluwalumbuya lu akambu aso? Dimi halosombweya utema ami wuhu one wa wudja? Mbata Latuyalaka.

Delu dia Jeremiya 2:13

We ona umuntu Jerusalema, Eyami mvuta lu dikambu diaye, la na ayumukedika? We ona umuntu lʼemuna Siona, La na ayumukedika dia dimi nkusamba? Puta kaye keki wuki uku ashi a waki, ayeya nkokonoya na?

Hosea 14:1

Isariyele, nyukaluli le Latuyalaka, Unyashungu anyu, Ne dia nyu nyakako lʼuhedia anyu.

Hosea 6:2

Lʼokongo a nshi hyendi, ndi ayutokonoya. Ndi ayutunyiya lushi la satu, Ku sha tayuyala la lumu la ntundu kandi.

Amose 8:14

Wane watutshibaka Ashima wa la Samariya, Ndu watutaka vati: Uku eli etemolatemola kaye la lumu! we Dane, Ndu uku eli mbuka kʼasi Bere-Sheba la lumu! Vo wayoko, hawunela ntu pundju.

Amose 9:11

Lushi lako, dimi layunyia etumbu ka Davidi kakanyuko. Dimi layolongosola ahuli wakatatundo, Layolongosola ahuli wakatalana. Dimi layukihika uku akito lu nshi ya ntundu,