Amose 4:9 - La Bible en Otetela (Bible K'Ekila) 1991

⁹ Dimi lakanyutumela elanyelu ka mbu ya nde. Endjo wakali efula ka diango dia lu dikambo dianyu, Ekodi anyu wa vinyo, etamba anyu wa fingu, La etamba anyu wa mbeli. Keli nyu kunkalula le mi, mbata Latuyalaka.

Amose 4:9 Iomraidhean Croise

1 Khumi ya Dikanga 8:37

Lamʼayuyala ndjala ka kasha, sui dia wulu, elanyelu ka mbu ya nde, endjo kana eto, ndu lamʼayuwadinga utunyi lʼesumba awo, kana wehu tshe wʼasui kana kandji;

2 Ekondo 6:28

Lamʼayuyala ndjala ka kasha, sui dia wulu, elanyelu ka mbu ya nde, endjo kana eto, ndu lamʼayuwadinga utunyi lu esumba awo kana wehu tshe wʼasui kana kandji,

Isaya 1:5

Okoko wana wukukinyu nsuyama ntu, Dia nyu nkolamela ntombokwelami? Ote tshe waya kandji ketu, Ndu utema tshe wambokomo.

Isaya 50:11

Enda, nyu tshe wahetsha dja ndu wakime ewa, Nyokendekende lu dja la lu ewa wakanyahetsha. Uma lu lunya lami, mbayukuma dikambu ne le nyu. Nyu nyayetama lʼatei wʼasui.

Isaya 9:12

Asi Suriya lu leke lʼehutwelu, La asi Filistiya lu leke lʼedjelu ka unya, Ku vo wayumana Isariyele lʼenyo hwe. Kuyanga osoku, kele kandi hakitakita, Ndu lunya landi lakasimbemadi.

Jeremiya 3:10

Kuyanga mbake-nyi anengewo, asi Juda, akanga a lukesu akambu aso tshe, vo kunkalula le mi lʼutema otoi, keli paka la lukesu, mbata Latuyalaka.

Jeremiya 5:3

Latuyalaka li, ashu aye hawutenaka mete? We akasuya, keli vo kunyanga. We akalanya, keli vo wakatuni wetshelu. Vo wakakikitsha dundji diawo wulu uleki dive Wakatuni nkadimula etema.

Hosea 11:5

Vo hawukalula lu kete ya Edjibitu, Keli usi Asuriya ayuyala khumʼekanga kawo, Ne dia vo wakatuni nkalula le mi.

Joele 1:4

Kene kakatshiki ondjo wʼanganga, Ondjo wa tufumu wakali. Kene kakatshiki ondjo wa tufumu, Waomoi a dikita wakali; La kene kakatshiki waomoi a dikita, eto wakali.

Joele 1:7

Vo wakalanya ekodi ami wa vinyo, Wakatshatsha etamba ami wa fingu. Vo wakaweuwula, wakawekadja; Tahi yawo yakayala wema.

Joele 2:25

Dimi layukaluya diango diakali ondjo wa tutumu Waomoi a dikita, eto ndu ondjo wʼanganga. Waso mbeli alimbi wakamanyutumela.

Amose 4:6

Dimi lakanyutumela ndjala ka kasha Lu esumba anyu tshe, Ndu uhumba wa ma lu ahuli anyu tshe. Keli nyu kunkalula le mi, mbata Latuyalaka.

Amose 4:8

Wa lu esumba ehendi kana esatu, Wakatshu utsha lu esumba ekina Dia ntuyanga ashi wa no. Keli vo kumunduya pusa. Kuyanga osoku, nyu kunkadimo le mi, mbata Latuyalaka.

Habakuka 3:17

Kuyanga etamba wa fingu hawutundja alembo, Kana elua ndjala lu ekodi wa vinyo, Kuyanga ekambelu ka mbeli huluwana, Dikambo hadiutundja mbu ya nde ntu; Kuyanga ekoko wayutundjama uma lu lukumbu, La ngombe hayuyala ntu lʼekutu,

Hangai 2:17

Dimi lakanyusuya la elanyelu ka mbu ya nde, la pota ndu la mvula ka mboko lu elimu tshe wʼanya anyu. Keli nyu kunkadimo le mi, mbata Latuyalaka.

Malaki 3:11

Dimi layuhangwela undeshi lu dikambu dianyu, ku ndi hulanya elua wa kete yanyu. Kuyanga elua wa vinyo yanyu hawolololo uma lu dikambo dianyu, mbata Latuyalaka Kanga lulimbilimbi.

Euhwelu kʼElembe 28:22

Latuyalaka ayunyusuyaka la diondjelo, dimba dja, adada, luhaladi la owo a wulu, elungwelu ka tumbatumba la ukandu. Vo wayunyohenyahenyaka edja ndu lamʼayunyulanyema.

Euhwelu kʼElembe 28:42

Endjo wayole etamba anyu la diango diʼuma lu dikambo dianyu tshe.