Amose 4:10 - La Bible en Otetela (Bible K'Ekila) 1991

¹⁰ Dimi lakatumi asui lʼatei anyu Wuhu waki lʼEdjibitu. Dimi lakadiaki elongo anyu wʼapami la yombo, Lakandamia punda yanyu. Dimi lakanyukia sulu ka lu pangu kanyu lu ehembe anyu, Keli nyu kunkadimo le mi, Mbata Latuyalaka.

Amose 4:10 Iomraidhean Croise

2 Khumi ya Dikanga 10:32

Lu nshi sho, Latuyalaka akatatela nanya beke dimotshi dia Isariyele; Hazaele akadiaki lu elelu tshe wa Isariyele.

2 Khumi ya Dikanga 13:3

Ku Latuyalaka akuki Isariyele kele ka wulu, akakimoka tena tshe lʼanya wa Hazaele, khumʼekanga ka Suriya, ndu lʼanya wa onʼandi Bene-Hadada.

2 Khumi ya Dikanga 13:7

Latuyalaka akatshikela Jehoahaza paka ambahemi wa falasa akumi atanu, pusupusu dikumi, la alimbi watokendakendaka lʼekulu nunu dikumi uma lu wudja tshe, ne dia khumʼekanga ka Suriya akadiaki, akawaete uku ditshu diatuwukamelaka lʼekulu.

2 Khumi ya Dikanga 8:12

Hazaele akawumbula ati: Dikambu kuna dialelaye, we khumemi? Ndi akûkaluya diui ati: Ne dia dimi mbeyaka kolo kayuyutshela asi Isariyele; we ayutshumba esumba awo weli la kumbu ya wulu, ayudiaka elongo awo wʼapami la yombo, ayatshatsha anʼawo wa tshitshe, ndu ayata wadiewo weli la waemi.

Etumbelu 10:27

Keli Latuyalaka akakikitsha utema wa Farayo; ndi kumbetawo mbakimo.

Etumbelu 10:3

Ku Mose la Arona wakatshu le Farayo; wakatuwuteia vati: Latuyalaka, Unyashungu wʼasi Heberu, kata ati: Edja ndu kaandi ayuyutuna ndjakitshakitsha la ntundu kami? Ukimo wudja ami watshu dia ntontemola.

Etumbelu 14:4

Dimi layukikitsha utema a Farayo; ndi ayayela. Dimi layukundja lutumbu lu dikambu dia Farayo la ului andi tshe wʼalimbi. Ku asi Edjibitu wayeya vati: Dimi keli Latuyalaka. Ku vo wakatshi osoku.

Etumbelu 15:26

Ndi akawatela ati: Naka nyu nyayulungaka diui dia Latuyalaka, Unyashungu anyu, naka nyayutshaka akambu wʼololo lu ashu andi, naka nyayuhukeka atui lu elembe andi, ndu naka nyayukitanyiaka adjangu andi, dimi halunyutumela asui wakamatumela asi Edjibitu; ne dia dimi keli Latuyalaka, latunyokonoyaka.

Etumbelu 8:19

Akanga wʼaloho wakatela Farayo vati: Luhita la Unyashungu lone! Keli utema wa Farayo wakakikitala. Ndi kumbukela Mose la Arona, uku akati Latuyalaka.

Etumbelu 9:12

Keli Latuyalaka akakikitsha utema a Farayo, ku ndi kumbaukela, uku akatela Latuyalaka Mose.

Etumbelu 9:17

Ku we ntetemalaka ndjambiya dia nsuya wudja ami, we hetawo mbakimo dia vo ntsho.

Isaya 34:3

Edu wa wavo wayukadjema, wayutumba sulu. Ku ekungu wayolelo la dikila diawo.

Isaya 50:11

Enda, nyu tshe wahetsha dja ndu wakime ewa, Nyokendekende lu dja la lu ewa wakanyahetsha. Uma lu lunya lami, mbayukuma dikambu ne le nyu. Nyu nyayetama lʼatei wʼasui.

Isaya 9:12

Asi Suriya lu leke lʼehutwelu, La asi Filistiya lu leke lʼedjelu ka unya, Ku vo wayumana Isariyele lʼenyo hwe. Kuyanga osoku, kele kandi hakitakita, Ndu lunya landi lakasimbemadi.

Isaya 9:13

Keli wudja hawukadimo le one latasuyaka, Kuyanga nyanga Latuyalaka Kanga lulimbilimbi.

Isaya 9:17

Okone Khumadiondjo hangenangena dia elongo awo wʼapami, Kuyanga mbuka ana awo wa ditshiki kana wadi waki edu awo ketshi. Vo tshe weli amonyodi la atshi wa kolo, Ndu enyo awo tshe nteketaka oteketateketa. Kuyanga osoku, kele kandi hakitakita, Lunya landi lakasimbemadi.

Jeremiya 11:22

Okone Latuyalaka Kanga lulimbilimbi kata lu dikambu diawo ati: Mete, dimi layasuya, elongo wʼapami wayudiakema la yombo, anʼawo wʼapami la anʼawo wʼamantu wayuvo la ndjala.

Jeremiya 15:3

Dimi layatumela wehu enei wa ananyishi, mbata Latuyalaka: yombo, dia mbadiaka; fo, dia mbalumata; fudu ya lʼulungu la nyama ya la kete, dia mbahahula la mbalanya.

Jeremiya 16:4

Vo wayuvo la elandu a wulu, hawuwalela kuyanga mbakhunde. Vo wayuyala uku tumi ladiku dia kete. Vo wayudiakema la tombo la ndjala ka kasha. Edu awo wayuyala ma dia fudu ya lʼulungu la dia nyama ya la kete.

Jeremiya 18:21

Okone ukimo anʼawo dia vo mvo la ndjala ka kasha. Akimo dia vo ndjakema la yombo. Wadiewo wayali aha la ana, ndu wadi waki edu. Waumewo wadiakemi, elongo awo wʼapami wadiakemi la yombo lu ta.

Jeremiya 48:15

Moaba ambulanyema, unanyishi ambukuma lʼesumba andi, Elongo wʼapami andi wuleki ololo wambudiakema, Mbata Khumʼekanga, lukanga lukumbu la Latuyalaka Kanga lulimbilimbi.

Jeremiya 49:26

Uma lu dikambu so, mbayoko elongo awo wʼapami lu esese, Ndu mbayuvo alimbi awo tshe lushi lako, Mbata Latuyalaka Kanga lulimbilimbi.

Jeremiya 5:3

Latuyalaka li, ashu aye hawutenaka mete? We akasuya, keli vo kunyanga. We akalanya, keli vo wakatuni wetshelu. Vo wakakikitsha dundji diawo wulu uleki dive Wakatuni nkadimula etema.

Jeremiya 6:11

Diako mbamumulula too la ududu wa Latuyalaka, Handjeya mbukike ntu. Utshululi ladiku diʼana weli lʼosese, Ladiku diʼelongo wʼapami wusanganyi kame, Ne dia umi la wadi wayosama kame, Ndu ekumanyi la usumbi wa lukusumbi kame.

Jeremiya 9:22

Uti wati: Latuyalaka kata okone ati: Edu wʼantu wayukalema uku tumi lʼusui, Uku washa lʼokongo wʼumunyi, ku nduku layatongona.

Hosea 11:5

Vo hawukalula lu kete ya Edjibitu, Keli usi Asuriya ayuyala khumʼekanga kawo, Ne dia vo wakatuni nkalula le mi.

Joele 2:20

Dimi layunyanganyia ntunyi Wʼuma lu leke la ngelʼa kushi. Layuwutshanya utsha lu kete yʼelanyelu yahalo mvula, Alimbi andi wa la ntundu lu ashi a waki wa lu leke lʼehutwelu, Alimbi andi wa lʼokongo lu ashi a waki wa lu leke lʼedjelu. Puta kandi kayulalo, La sulu kato ka kolo kayudiangana lu lopepe, Ne dia nai akatshi akambu a waki.

Akambu wʼAsi Lewi 26:16

dimi layunyutshela okone. Dimi layunyutumela woma wa mamba; wondju la dimba dja wayunyula ashu, wayulingiya etema anyu. Nyu nyayuneka wehu anyu wunune, ne dia atunyi anyu wayuwele.

Akambu wʼAsi Lewi 26:25

Dimi layuya le nyu la yombo, layosombweya sheki yami. Naka nyayomotshama kame lʼesumba anyu, ku dimi layunyutumela asui. Nyu nyayukimwama lu anya wʼutunyi.

Amose 4:6

Dimi lakanyutumela ndjala ka kasha Lu esumba anyu tshe, Ndu uhumba wa ma lu ahuli anyu tshe. Keli nyu kunkalula le mi, mbata Latuyalaka.

Amose 8:3

Esambu wa lʼetemwelo wayuyala alelu lushi lako, Edu wʼantu wayuyala efula; Antu wayuwekadja la ki lu ahuli tshe, Mbata Khumadiondjo Latuyalaka.

Hangai 2:17

Dimi lakanyusuya la elanyelu ka mbu ya nde, la pota ndu la mvula ka mboko lu elimu tshe wʼanya anyu. Keli nyu kunkadimo le mi, mbata Latuyalaka.

Euhwelu kʼElembe 28:21

Latuyalaka ayunyumamanya la asui, edja ndu lamʼayunyushila lu kete yatanyatshu dia ntukita.

Euhwelu kʼElembe 28:22

Latuyalaka ayunyusuyaka la diondjelo, dimba dja, adada, luhaladi la owo a wulu, elungwelu ka tumbatumba la ukandu. Vo wayunyohenyahenyaka edja ndu lamʼayunyulanyema.

Euhwelu kʼElembe 28:60

Ndi ayunyukia ndu dandulandu tshe dia lʼEdjibitu, diakanyukaka woma; dio diayunyukimela wulu.

Euhwelu kʼElembe 7:15

Latuyalaka ayunyunyiya elandu tshe. Ndi hunyutumela nduku ulandu otoi wʼuma lu elandu wa kolo waki lʼEdjibitu weyanyu. Keli ndi ayetumela waku tshe watunyuhetshaka.