Amose 4:1 - La Bible en Otetela (Bible K'Ekila) 1991

¹ Nyu ngombe ya wadi ya la Bashana yeli lʼukungu wa Samariya, Nyulungi diui ne; Nyu wane watusuyaka asi wula, watohotshahotshaka ehumbi, Watutelaka waumewo nyati: Nyela, tuyono!

Amose 4:1 Iomraidhean Croise

1 Khumi ya Dikanga 16:24

Ndi akasumbi ukungu wa Samariya uma le Shemere lʼushinga wa talata hyendi ya fesa. Ndi akahiki usumba waki la lungeli la ta lʼukungu, akawole ati: Samariya, uma lu lukumbu la Shemere kanga ukungu.

Jobo 20:19

Ne dia ndi akasuya akanga a weula, akaseke. Ndi akahotola luudu la ngala lakindi kumpika.

Jobo 24:4

Vo watusukulaka uhumbi uma lu mbuka, Akanga a weula tshe wa la kete watuwashamaka.

Esambu 12:5

Latuyalaka kata ati: Kakiane dimi layunela ne dia asui wʼomenyi fono, Ndu ne dia tukuku tʼalelu tʼasi wula. Layuwaela panda katuwukumbulaka.

Esambu 140:12

Dimi mbeyaka nti: Latuyalaka ayusambula ololo le amenyi fono, La sambu kʼololo le ahumbi.

Esambu 22:12

Waumi wa ngombe efula weko lʼutshimba ami, Waumi wa ngombe wa wulu wʼuma la Bashana wambunyinga.

Tukedi 22:7

Kanga ongonyi atulelaka usi wula, Ndu esombi atuyalaka fumbi kʼosondjanyi.

Undaki 4:1

Lʼokongo diku, dimi lakenyi asui tshe watuyalaka lʼesi ulungu, ndu lakenyi asoi a wane watuwusuyaka. Keli nduku untu atasambaka. Lu leke lʼasu-yanyi awo kaki wulu, ku nduku untu lasamba.

Undaki 5:8

Naka we menaka sui diʼusi wula la enyelu ka sambu kʼololo la akambu wʼusimbwi lu leke lomotshi la wudja, tukashimoki dikambu so, ne dia untu la wuki atulamemaka le one luleki wuki. Ku ladiku diawo, keli wane waleki waki.

Isaya 28:1

Mananu kayali le dembo dia kusu diʼutaku diʼambidjoki wa la Efarayima. Ndu le dembo diambolengela, diateteka elengalenga kandi ngaingai. Lʼote wʼukidi wʼeteto wa wane watudjoka wanu!

Isaya 5:8

Mananu kayali le waku waturaamanyaka Luudu lomotshi la lukina, Ndu ekambo kemotshi la kekina, Edja ndu dihuli hadiutanema ntu. Ku vo vame wayudjase lʼatei a wudja.

Isaya 56:12

Ata ati: Nyuyi, lutsha nyanga wanu. Tono dinono dia wulu wuhu wʼanyanya. Katono ndu lui, ku lui djekaleka.

Isaya 58:6

Aha wuhu one wa kilu katumulangaka: Nkelekula molola wa kolo, Nkelekula okodi wa lohombo, Ntshungula asuyami, La mpimbula weuhu tshe wa koho?

Jeremiya 50:11

Kuyanga nyu nyatongenangenaka, Nyatongenangenaka utamanya, nyu ananyishi wʼukito ami! Kuyanga nyu nyambulimbolimbo uku ngombe ka wadi lu adiyu, La mbawana uku falasa kʼumi keta wadi,

Jeremiya 50:27

Nyudiaki esongo awo wa ngombe, nyehimbuli ete. Mananu le wo, ne dia lushi lawo lambusukana, Etena kʼelumbwelu kawo.

Jeremiya 51:34

Nebukadineza, khumʼekanga ka Babilona, Akampatula, akananya. Ndi akambete mbaka ka hwe. Ndi akamene usudia uku atomenaka shimiamba. Ndi akaludia dikhundju diandi La diango diaki la mi diʼololo; akambitshanya.

Jeremiya 6:6

Ne dia Latuyalaka Kanga lulimbilimbi kata ati: Nyunyukuli etamba awo; nyutshimeli Jerusalema ngeli. Dieli la usumba one nsuyama. Wengiya utu mbeli lʼatei awo.

Jeremiya 7:6

naka nyu hanyengiya ongendangenda, ona etshiki, wadi aki udu; naka nyu hanyutshulula dikila diʼuntu laha la unungu lu dihuli ne, ndu naka nyu hanyuyeli dite-molatemola dia ndjatungela elanyelu,

Ezekiyele 18:12

atusuyaka amenyi fono la ehumbi, atahotolaka diango lohotola, hatukaluyaka kene kakandose okole, atedi-yaka ashu andi utsha le dikishi, atutshaka akambu wa wononyi,

Ezekiyele 22:12

Vo watulungulaka weedi dia ntshulula dikila lʼatei anyu. Nyu nya-tulungulaka osombelo la waho. Nyu nyatongonaka lu diango diatunyohotolaka anyanyu la wulu, nyu nyatumbuhelaka, mbata Khumadiondjo Latuyalaka.

Ezekiyele 22:27

Ewandji awo weli uku ndjaundu mbahatula nyama yundjiyo. Vo watutshululaka dikila, watulanyaka nyumu yʼantu dia nkundja ukundji la lukesu.

Ezekiyele 22:29

Antu wa wudja wakasuya antu usuyasuya, wakahotola diango lohotola. Vo wakahenyahenya omenyi fono la uhumbi, wakatshela ongendangenda kolo.

Ezekiyele 22:7

watonyolaka washewo la anyengewo, watusuyaka angendangenda, watutshelaka ana wa ditshiki la wadi waki edu kolo lʼatei anyu.

Ezekiyele 34:16

Dimi layuyanga one wakashisho, layukaluya one wakawatshanya. Dimi layusula puta ka one wakahumo, ndu layokonoya one weli la kandji. Keli dimi layulama one weli la wata ndu weli la wulu. Dimi layuwelesha lu dialelu diʼololo.

Ezekiyele 39:18

Nyu nyayole emunyi wʼahuka, nyayono dikila diʼewandji wa la kete, ekoko a waumi, ana wʼekoko, mbudi, esongo wa ngombe; yo tshe enunyu etu uma la Bashana.

Joele 3:3

Wakuki wudja ami uwali, wakakimoka dikenda dia pami tshindu le umuntu kanga luseka, wakasumbaka usekaseka a umuntu wanu, wakanokaka.

Amose 3:1

Nyu asi Isariyele, nyulungi diui ne, Mbakati Latuyalaka lu dikambu dianyu, Lu dikambu dia khumbu tshe kakandatundja Uma lʼEdjibitu ati:

Amose 3:3

Antu ahendi mbeyaka nkendakenda kame, Aha vo ntukanyi uka?

Amose 5:11

Okone ne dia nyu nyakakamelakamela usi wula, Nyakose epunga ushasha uma le ndi, Nyu nyakahiki mvudu la ave wa lokolonga, Keli nyu hanyudjase loko Nyu nyakune ekodi wʼololo wa vinyo, Keli nyu hanyono ashi wʼelua awo

Amose 6:1

Mananu kayali le amenyi olo wa la Siona, Ndu le wane weli la lutui tshitshi lʼukungu wa Samariya, Le antu a waki wa lu wudja wuleki wedja, Wako watuyakaka khumbu ka Isariyele le wo.

Amose 6:6

Vo watonokaka wanu lu dikoho dia wuki, Watuyashinulaka biso diʼushinga a wulu, Keli vo hawutunyangaka dia elanyelu ka Josefu.

Malaki 3:5

Dimi layusukana lasuki la nyu lu elumbwelu. Dimi layusamanya dia ndjala omenyi lu dikambu dia akanga wʼaloka, dia akanga wa munanyi, dia atshibi wa lu kashi, dia wane watukimelaka afutu wʼasi ulimu, watusuyaka wadi waki edu la ana wa ditshiki, dia wane watukadimulaka sambu kʼololo uma le ongendangenda, ndu wahatumbukaka woma, mbata Latuyalaka Kanga lulimbilimbi.

Walelu 21:33

Vo wakakadimo, wakatshu lu mbuka kʼutsha la Bashana. Ku Onga, khumʼekanga ka Bashana, akayi la antu andi tshe dia ndjolo la wo la Ederei.

Euhwelu kʼElembe 24:14

Tusuyaki usi ulimu leli usi wula la uhumbi usikanyu, kana ongendangenda wudjashi lu kete yanyu mbendi.

Euhwelu kʼElembe 28:33

Wedja wahanyeyi wayole elua wa kete yanyu la waho tshe wʼulimu anyu. Nyu nyayohenyahenyamaka, nyayohotshahotshamaka tena tshe.