Amose 3:12 - La Bible en Otetela (Bible K'Ekila) 1991

¹² Latuyalaka kata ati: Uku atuhatulaka ulami wʼekoko dimba pendi, kana etshi ka tui uma lʼunyo a tambwe, osoku mbayuwuhatula asi Isariyele wudjashi la Samariya, kame la tshuku dia mbetu ndu etenyi ka tangi.

Amose 3:12 Iomraidhean Croise

1 Khumi ya Dikanga 20:30

Wane wakatshikala, wakalawo utsha lʼusumba wʼAfeka. Eheli ka lukumbu lʼusumba kakanyukwela antu nunu akumi ahendi la esambeli wakatshikala. Ndu Bene-Hadada akalawo utsha lʼusumba, akatushama lu luudu lomotshi la lʼatei.

1 Khumi ya Dikanga 20:34

Bene-Hadada akawutela ati: Dimi layukukaluya esumba wakatahodi papa sho. Kuyateli esese la Damaseke uku akatayatedi papa esese lu Samariya. Ku Ahaba akûkaluya diui ati: Dimi layukukimo lu dikambu dia daka ne. Ku ndi akakote la ndi lusalu, akukimo.

1 Khumi ya Dikanga 22:25

Mikaya akûkaluya diui ati: Ulungi, we ayena dikambu ne lushi luku lamʼayuyoto lu luudu la lʼatei dia ntuyashe.

2 Khumi ya Dikanga 16:9

Ku khumʼekanga kʼAsuriya akawulela, akayi dia ndjolosha Damaseke, akalembia, akatole antu lu fumbi utsha la Kire, akadiaki Rezina.

Esta 1:6

Wakahane ahondo a wema, ndu wʼedima wakakelekami la ekodi wa linene wʼololo la wʼengingi lu ashingu wa fesa ndu lu dikoho diʼave wʼawadiawadi. Tangi ya paunyi la ya fesa yaki lʼudihi yakatshama lʼave wʼushinga a wulu wa tilili, wa ngaingai, wʼendondo ndu wʼedima.

Esta 7:8

Lamʼakakalula khumʼekanga uma lʼekambo ka luudu la khumʼekanga uya lene akawanoka wanu, atani ku Hamana one akayasungutudi lu tangi, lene aki Esta. Ku ndi akati ati: Aha dia ntshela khumʼekanga ka umuntu la ngala la ntundu kami, ka lʼatei a luudu lami? Kamʼakatumbi diui so uma lʼunyo wa khumʼekanga, wakakumbi elundji ka Hamana.

Esambu 132:3

Mete, dimi haloto lu luudu lami la dipema, Kana manda lu tangi kami;

Isaya 17:7

Lushi lako antu wayenda utsha le Utungi awo, ndu ashu awo wayolemia lʼEkila lʼlsariyele.

Isaya 31:4

Okone mbakamvutela Latuyalaka ati: Lamʼatudikitaka tambwe la ona tambwe ladiku dia nyama kakayandji, Kuyanga ului wʼelami wʼekoko wayuyihangwela, Yo hayuki woma la luhangu lawo, kuyanga ndjamonye, Ne dia efula ka lundju lawo. Okoso mbayuhulo Latuyalaka Kanga lulimbilimbi Dia ndjolo ta la Ukungu a Siona ndu la dikuna diawo.

Isaya 8:4

Ntundu ona ateyi mvuta ati: Papa! kana nyomi! ekundji Wa Damaseke la diango dia lohotola dia Samariya diayembama la ntundu ka khumʼekanga kʼAsuriya.

Amose 6:4

Mananu kayali le wane wetami lu tangi yʼewanga, Watuyakokolaka lu mbetu yawo; Watolekaka esongo wʼekoko wʼuma lu limba, La esongo wa ngombe wʼuma lʼukutu.

Amose 9:8

Nyulungi, ashu ami, dimi Khumadiondjo Latuyalaka, Weko le diulelu dia kolo. Dimi layudilanya ladiku dia kete, Tshikima khumbu ka Jakoba ketu kahamulanya tshe, Mbata Latuyalaka.