Amose 2:10 - La Bible en Otetela (Bible K'Ekila) 1991

¹⁰ Dimi lakanyutundja uma lu kete ya Edjibitu, Lakayanyolombolaka deku akumi anei lʼusui wa shenga, Dia nyu nkita kete yʼasi Amora.

Amose 2:10 Iomraidhean Croise

Nehemiya 9:21

Lʼatei wa deku akumi anei, we akakanelaka lʼusui wa shenga. Vo Kumpumba nduku engo; ahondo awo kundjala emusu; ekulu awo kumvuda.

Esambu 95:10

Lolonga lako wakampenyahenya deku akami anei, Ku lakati nti: Etema wʼantu ane wambunganela; Hawulimbitela mbuka yami.

Etumbelu 12:51

Lushi lako mbakatundja Latuyalaka asi Isariyele uku elui awo uma lu kete ya Edjibitu.

Etumbelu 20:2

Dimi keli Latuyalaka, Unyashungu aye, lakakutundja uma lu kete ya Edjibitu, uma lu luudu la lohombo.

Etumbelu 3:8

Okone lambuhulo dia ndjatshungula uma lʼanya wʼasi Edjibitu, la mbatundja uma lu kete ku, utsha lu kete yʼololo ya wuki, lu kete yuludi too lʼawele la usanga. Dimi layalombola utsha lʼahuli wudjashi asi Kanana, asi Hiti, asi Amora, asi Perizi, asi Hiwi, la asi Jebuse.

Jeremiya 2:6

Vo kumumbula vati: Lendʼeli Latuyalaka, Lakatutundja uma lu kete yʼEdjibitu, Lakatolombola lʼusui wa shenga, Lu kete ya shenga yuludi too lʼafuku, Lu kete ya wumuma la udjima a tshududu, Lu kete yahatetaka antu, ndu yahatudjaseka antu?

Ezekiyele 20:10

Okone dimi lakatundja uma lu kete ya Edjibitu, lakalombola utsha lʼusui wa shenga.

Amose 3:1

Nyu asi Isariyele, nyulungi diui ne, Mbakati Latuyalaka lu dikambu dianyu, Lu dikambu dia khumbu tshe kakandatundja Uma lʼEdjibitu ati:

Amose 9:7

Latuyalaka kambula ati: Nyu asi Isariyele, nyu kema uku asi Etiyopiya le mi uka? Dimi kumbeli Isariyele uma lu kete ya Edjibitu, Ndu asi Filistiya uma ia Kafetore, La asi Suriya uma la Kire?

Mika 6:4

Dimi lakanyutundja uma lu kete ya Edjibitu, Lakanyutshungula uma lu luudu la lohombo. Dimi lakatumi Mose, Arona la Miriyama la ntundu kanyu.

Walelu 13:32

Vo wakela asi Isariyele lukumu la kolo la kete yakawatukemba. Vo wakawatela vati: Kete yakatatukemba, yatushilaka antu watudjaseka loko. Antu tshe wakatatena leko, waki paka alundoki atu.

Walelu 21:25

Asi Isariyele wakose esumba ene tshe, ku vo wakadjase lʼesumba tshe wʼasi Amora, lu Heshibona la ngelu yato tshe.

Walelu 32:13

Ku Latuyalaka akuki asi Isariyele kele, akawaekekuya lʼusui wa shenga deku akumi anei, edja ndu wa lu lolonga luku tshe wakatshi kolo lu ashu wa Latuyalaka wakashili.

Etsha wa Atumami 13:18

Uku deku akumi anei mbakandatawaembaka lʼusui uku wali.

Etsha wa Atumami 7:42

Keli Unyashungu akawaediya okongo, akakimo dia vo nkambela ului a diango dia lʼulungu ulimu. Uku akafundama lu abuku ati: Nyu khumbu ka Isariyele, Lamʼakinyu lʼusui deku akumi anei, Nyakanambula nyama ya ludiaka la elambu ekina uka?

Euhwelu kʼElembe 1:39

Dikambu dikina, anʼanyu wa tshitshe wakanyataka nyati: Wayuyala diango dia dimbu, ndu anʼanyu wahateyi dikambu diʼololo kana dia kolo elo, mbayukuma leko. Vo mbayumuyisha. Vo mbayuyikita.

Euhwelu kʼElembe 2:7

Latuyalaka, Unyashungu anyu, akanyotshokola lʼulimu tshe wʼanya anyu. Ndi mbeyaka lokendo lanyu lʼusui one a wuki wa shenga. Deku akumi anei ne, Latuyalaka, Unyashungu anyu, aki la nyu; nyu kumpumba nduku engo.

Jashua 13:4

lu leke la diku dia kushi, kete tshe yʼasi Kanana, la Meara keli lu Sidona, pulu la Afoka, edja ndu lʼulelu wʼasi Amora;

Jashua 24:8

Dimi lakanyolombola lu kete yʼasi Amora, wakadjashi la wedi wa loudana. Vo wakalo la nyu. Keli dimi lakakimo lʼanya anyu, ndu lakalanya la ntundu kanyu. Ku nyu nyakakiti kete yawo.