Amose 1:8 - La Bible en Otetela (Bible K'Ekila) 1991

⁸ Dimi layushiia wane wudjashi la Ashidoda, Ndu one lukimedi danga dia diulelu Dia Ashikelona ushiki. Dimi layukaluya lunya lami dia ndosha Ekerona; Ku atshikadi wʼasi Filistiya wayudiakema.

Amose 1:8 Iomraidhean Croise

2 Ekondo 26:6

Ndi akatshu la ntolosha asi Filistiya, akatuhandjula peli dia lukumbu la Ngata, peli dia lukumbu la Jabine, ndu peli dia lukumbu lʼAshidode. Ndi akahiki esumba lu leke lʼAshidode, ndu lu ahuli akina lʼatei wʼasi Filistiya.

Esambu 81:14

Tshiki dimi lutolembia atunyi awo esadi, Lututshanya atunyi awo la lunya lami.

Isaya 1:25

Dimi layukahe lunya lami, Layolelola akedi aye, Layukunyiya tumi ta mbulu tshe.

Isaya 20:1

Lʼeleku kakatumi Sarangona, khumʼekanga kʼAsuriya, olombodi andi wʼalimbi la ntolosha Ashidode, ndi akatuwalembia.

Jeremiya 47:1

Diui dia Latuyalaka diakayi le umvutshi Jeremiya lu dikambu diʼasi Filistiya ntundu Farayo atalembia Ngaza.

Ezekiyele 25:16

Diako mbata Khumadiondjo Latuyalaka ati: Nyendi, dimi lutsha nsimbula lunya lami ladiku dia asi Filistiya. Dimi layudiaka asi Kerete; layushila atshikadi wa lʼumamu wʼashi a waki ushiki.

Joele 3:4

Kakona kasami la nyu, we Tura la Sidona, ndu nyu beke tshe dia Filistiya? Undi, nyu nangaka somboyami? Naka nyu nyayosomboya, dimi layukaluya esombweyo kanyu lu ete anyu esadi a wulu.

Amose 1:7

Dimi layutuma dja lu peli dia Ngaza, Ku yo yayutshumba mvudu ya Khumʼekanga yeli loko.

Amose 3:9

Nyudianganya lukumu lu mvudu ya khumʼekanga ya la Asuriya, Ndu lu mvudu ya khumʼekanga ya lu kete ya Edjibitu, Nyuti nyati: Nyusangani ladiku diʼekungu wa Samariya; Nyendi ufutanu a wulu weli lʼatei awo, La akambu wa ngala weli loko.

Obadiya 1:18

Khumbu ka Jakoba wayuyala dja, La khumbu ka Josefu lumbi, Ku khumbu ka Esau adiyu. Yo yayoheta lʼatei awo, yayatshumba. Nduku untu ayutshikala lu khumbu ka Esau, Ne dia Latuyalaka kakati dikambu diako.

Zekariya 13:7

Yombo, emo dia ndo lʼulami ami wʼekoko, Dia ndo lʼuntu lemadi lasuki la mi! Mbata Latuyalaka Kanga lulimbilimbi. Udiaki ulami wʼekoko, dia ekoko mpandjwama. Dimi layusimbula lunya lami, Dia ndo la wane wuleki tshitshe.

Zekariya 9:5

Ashikelona ayena dikambu diako, ku vo wayuka woma; Ndu Ngaza ntu, ayundama la sasi, Ndu Ekerona, ne dia elungamelu kawo kambufutana. Khumʼekanga ayuvo uma la Ngaza; Ashikelona huyala la antu ntu.

Zekariya 9:6

Antu wutshikitanyi wauhu wayudjase lu Ashidode Ku dimi layulanya utaku wʼasi Filistiya.

1 Samuele 6:17

Difanelu diʼatshutshu dia paunyi diakakimo asi Filistiya le Latuyalaka, dia ndjala ulambu wʼefutelu ka unungu diaki okone: kemotshi dikambu dia Ashidode, kemotshi dikambu dia Ngaza, kemotshi dikambu dia Ashikelona, kemotshi dikambu dia Ngate, la kekina dikambu dia Ekerona.