Amose 1:5 - La Bible en Otetela (Bible K'Ekila) 1991

⁵ Dimi layokola kengeti ya Damaseke. Dimi layushila wane wudjashi lʼukidi wa Avena. La one lukimedi danga dia diulelu Diʼuma lu khumbu ka Bete-Edena ushiki. Ku wudja wa Suriya wayutsho utsha lu lohombo la Kire, Mbata Latuyalaka.

Amose 1:5 Iomraidhean Croise

2 Khumi ya Dikanga 14:28

Undi, etsha ekina wa Jeroboama la akambu tshe wakandatshaka, wulu andi lu ta, ndu uku akandakaluya Damaseke la Hamata waki le asi Juda le Isariyele, hawufundami lu Buku diʼEkondo wa Khumi ya dikanga ya Isariyele?

2 Khumi ya Dikanga 16:9

Ku khumʼekanga kʼAsuriya akawulela, akayi dia ndjolosha Damaseke, akalembia, akatole antu lu fumbi utsha la Kire, akadiaki Rezina.

Isaya 22:6

Asi Elame wakahakata ekulu wa pitu, wakalongosola Pusupusu yʼandoshi wa ta, la ambahemi wa falasa, Ndu asi Kire wakatundja dingawu diawo.

Isaya 43:14

Okone mbata Latuyalaka, Utshungudi anyu, lʼEkila lʼlsariyele, ati: Lu dikambu dianyu, mbamumutuma utunyi la Babilona, Ku dimi layalembia. Dielu diʼongenongeno diʼasi Kaladiya Diayukadimo dielu dia lunyangu.

Isaya 8:4

Ntundu ona ateyi mvuta ati: Papa! kana nyomi! ekundji Wa Damaseke la diango dia lohotola dia Samariya diayembama la ntundu ka khumʼekanga kʼAsuriya.

Jeremiya 50:36

Yombo yambukuma dia ndosha asaki awo wʼawulu, Dia vo ndjala akanga a dinginya. Yombo yambukuma le andoshi awo wa ta dia vo ndjakema.

Jeremiya 51:30

Ahuka wa Babilona wambukimo ndo ta, Vo wambutshikala lʼesumba wudingami kumbu. Wulu awo wambushila, vo wambuyala uku amantu. Mvudu ya Babilona yambulungula, Tukingiti tawo tambokoko.

Delu dia Jeremiya 2:9

Kuki yawo yakakhundema lu kete. Ndi akokola ndu akalanya tukingiti tawo. Khumʼekanga kawo la ewandji awo waya lʼatei a wedja; Elembe kema ntu; ndu amvutshi awo hawuyena Nduku enelo uma le Latuyalaka.

Ezekiyele 27:23

Harana, Kane la Edena, Ashura la Kilimade wakatshaka la ye ukanda.

Ezekiyele 30:17

Elongo wʼapami wʼasi One La wʼasi Pi-Besite wayudiakema la yombo, Ku amantu wayotolama lu fumbi.

Hosea 10:8

Alunga wa la Avena, Lene akatshaka Isariyele kolo wayulanyema. Atende la adungu wayutumba ladiku dia diakelu diawo. Vo wayutela ekungu vati: Nyutukumbi, La akuna vati: Nyutukungutweli.

Amose 5:5

Tanyuyangaki Betele, Tanyutshokaki la Ngilingala, Tanyetaki la Bere-Sheba. Mete, Ngilingala ayutsho lu fumbi, La Betele ayutshikala hwe.

Amose 9:7

Latuyalaka kambula ati: Nyu asi Isariyele, nyu kema uku asi Etiyopiya le mi uka? Dimi kumbeli Isariyele uma lu kete ya Edjibitu, Ndu asi Filistiya uma ia Kafetore, La asi Suriya uma la Kire?

Nahuma 3:13

Ulungi, alimbi aye weko amantu lʼatei aye. Asuku wa kete yaye wambudihwama le atunyi aye, Dja yakatshumbi ekengiti aye.