2 Petero 3:7 - La Bible en Otetela (Bible K'Ekila) 1991

⁷ Keli ulungu weli kakiane, ndu kete, wambulamema la dja, uma lu diui diku diakandakitsha, edja ndu lushi lʼelumbwelu ndu lʼelanyelu ka antu wa kolo.

2 Petero 3:7 Iomraidhean Croise

2 Petero 3:10

Keli lushi la Khumadiondjo layuya uku uvi. Lu lushi lako, ulungu ayushisho la lundju la wulu. Diango diayolelo la dja ya wulu; ndu kete ndu diango tshe dieli loko, diayulungula.

Isaya 51:6

Nyedia ashu utsha lʼulungu, Ndu nyuhuluya ashu utsha la kete. Ulungu ayunyema uku dinga. Kete yayoko uku umusu wa dihondo. La wane watudjaseka loko wayuvo uku tshingu. Keli panda kami kayutshikalaka pundju, La sambu kami kʼololo huyala lʼekumelu.

2 Petero 3:12

Lamʼalungamelanyu lushi lʼeyelu ka Unyashungu, lu lushi lako layulungula ulungu dja; ndu diango tshe dieli loko, diayolelo la dja ya wulu!

Enyelo 21:1

Dimi lakenyi ulungu wʼuyuyu la kete yʼuyuyu; ne dia ulungu wa ntundu la kete ya ntundu wakadimana, kundjala ashi a wuki ntu.

Mateu 24:35

Ulungu la kete wayushila, keli aui ami hawushila.

2 Petero 2:9

Ku Khumadiondjo mbeyaka wuhu wa nshimbela antu wʼololo uma lʼehimba, la mbete antu wa kolo lu asui edja ndu lushi lʼelumbwelu.

Mateu 25:41

Ku ndi ayutela wane wa lu lunya landi la lomoso ati: Nyumanganeli, nyu ambidjami mananu! Nyutshu lu dja ya pundju, yakawahetshiya uhimbanyi la andjelo andi,

Enyelo 20:11

Dimi lakenyi kiti ka wuki ka wema ka diulelu, ndu one lakadjashi loko; ulungu la kete wakamo uma lu ashu andi. Dihuli diawo kuntanema ntu.

Mateu 12:36

Dimi lambunyutela ndi: Lu lushi lʼelumbwelu, antu wayuta dikambu dia aui tshe a wutata wakawataka.

Jude 1:7

Uku Sodoma la Ngomora, ndu esumba waki lasuki lawo, wakayakimo pupu lu akambu wa munanyi, wakukuya antu akina, wakayala uku djimbitelu ya nsuwa lu dja ya pundju.

1 Timote 6:9

Keli wane wakomiya ndjala engonyi, wayoko lu uhimba la lu djunga ndu lu saki ya dinginya yatutshelaka antu kolo, yayuditsha antu lu elanyelu la eshishwelu.

Filipi 1:28

Tanyutshanyaki woma uma le atunyi. Dikambu so dieko le wo, djimbitelu yʼesambishelu; keli le nyu, djimbitelu ya panda, keli uma le Unyashungu.

1 Joani 4:17

Dia dikambu ne mbambuluwanyema ngandji le su, ne dia shu ndjala la dihunga lu lushi lʼelumbwelu; ne dia uku wendi, mbesu lu kete nye.

2 Tesalonika 2:3

Untu tanyudimbiyaki nduku yema, ne dia dikambu nc hadiuyala, tshikima antu efula wambutatunyi dikambu dia Unyashungu ntundu, la kanga ufutanu, onʼa eshishwelu ambushwama,

Romo 2:5

Keli uma lu hyukihuki yaye la utema aye a lunyu, we atuyamotshiyaka kele lu lushi la kele ndu lʼelumbwelu kʼololo ka Unyashungu.

Mako 6:11

Naka antu wa lu leke lomotshi hawunyulungula, ndu hawuki aui anyu, lamʼayunyumo uma leko, kanyuhumeli ditshu dia lʼekulu anyu uku omenyi le wo.

Mateu 11:24

Keli dimi lambunyutela ndi: Lu lushi lʼelumbwelu, fono kaye kayuleka ka kete ya Sodoma.

Mateu 11:22

Keli dimi lambunyutela ndi: Lu lushi lʼelumbwelu, fono kanyu kayuleka ka Tura la Sidona.

Mateu 10:15

Mete kanyutelami ndi: Lu lushi lʼelumbwelu, fono ka usumba ako kayuleka ka kete ya Sodoma la Ngomora.

Zefaniya 3:8

Okone mbata Latuyalaka ati: Nyunkungeli edja ndu lushi layumunela uku omenyi. Esangweyu kami eli dia motsha wedja, dia dimi motsha waulelu, La mbatshulwela kele kami, ududu ami tshe, Ne dia kete tshe yayulungula la dja ya kandjema kami.

Esambu 102:26

Vo wayushisho, keli weme kayuyalaka; Vo tshe wayuyala esumbi uku emusu wʼahondo. We ayaengula uku dihondo, ku vo wayengwama.

Esambu 50:3

Unyashungu tuyakaka, hatutshikalaka ki. Dja yatohetaka la ntundu kandi, Lʼutshimba andi tshe, atuyalaka uku ngimbi ka wulu.

Enyelo 17:11

Nyama kako kakiko, kemako, keli uku khumʼekanga kʼenanei, keli uma lʼesambeli. To kayutsho lʼelanyelu.

Enyelo 17:8

Nyama kakayenyi kakiko, kemako. To kaya ka ntumba uma lu difuku diaha la ekumelu, dia to ntsho lʼelanyelu. Wa la kete waha la kumbu yawo yufundami lu buku dia lumu umaka etatelu ka kete, wayamba lamʼenawo nyama, uku akiko, la kemako, ndu kaya ka ndja.

Isaya 66:15

Enda, Latuyalaka ayukuma lʼatei wa dja La pusupusu yandi uku punganendji. Ndi ayukadimula kele kandi efuki ka dja, La luhangu landi lumbi la dja.

Danyele 7:9

Lamʼakimi lu menda, Wakakitshaka kiti ya waulelu, Ku tangu andja akadjase. Eloto andi waki wema uku pembe, La divu dia lʼote andi uku diosa diʼekoko dia pudipudi. Kiti kandi ka diulelu kaki nyumbi ya dja, La etshimbi ato uku dja yadikita.

Malaki 4:1

Nyulungi, lushi luyayi! Lo layoheta uku dja lu khuka, ku akanga wʼutaku tshe, la wane tshe watutshaka kolo, wayuyala adiyu. Ku lushi lako layayi, layuwatshumba, hutshikala udiu kuyanga lutahi, mbata Latuyalaka Kanga lulimbilimbi.

Joani 12:48

One latuna, lahalungula aui ami, ndi eko la one layulumbuya. Diui diatami, mba, ulumbuya lushi lʼekumelu.

1 Koreto 3:13

ulimu wa untu lʼuntu wayenama, ne dia lushi la dienyanyu diʼelimu lu dja layuyala; dja yame yayuhimba ulimu wʼuntu lʼuntu okone wewo.

Heberu 12:29

ne dia Unyashungu asu eko dja yaheta.