2 Petero 3:4 - La Bible en Otetela (Bible K'Ekila) 1991

⁴ wayuta vati: Daka dia eyelu kandi, lendʼedio? Ne dia umaka lushi lakavu watshesu, diango tshe dieko pupu uku akidio uma lʼetatelu kʼetungelu.

2 Petero 3:4 Iomraidhean Croise

Etatelu 19:14

Lota akatumbi, akatusawula la akilu andi wʼapami wakambela anʼandi. Ndi akawatela ati: Nyuneli, nyumo uma lu dihuli ne, ne dia Latuyalaka utsha nanya usumba one. Keli vo wakonyola aui andi vati: Aui wa sawusawu mbatandi.

Undaki 1:9

Kene kakiko, kayuyala ntu; la kene kakatshama, kayutshama ntu. Nduku dikambu diʼuyuyu lʼesi ulungu.

Undaki 8:11

Ehimbwelu kʼakambu wa kolo hayala esadi. Diako mbatululaka etema wʼantu too la pusa ka ntsha kolo.

Jeremiya 17:15

Enda vo watumvutelaka vati: Lendʼeli diui dia Latuyalaka, dio diashidiyami kakiane.

Ezekiyele 11:3

wakati vati: Etena kene kema etena ka mpika mvudu, usumba one weli puki ka wuki, la shu teko unatshi.

Malaki 2:17

Nyu nyakahekuya Latuyalaka lʼaui anyu, keli nyu nyatumbulaka nyati: Lu na akatuhekuya? Ne dia nyu nyatutaka nyati: Untu tshe latutshaka kolo, eko ololo lu ashu wa Latuyalaka. Ndi ato-ngenangenaka dikambu diawo; ndu ne dia nyu mumbulaka nyati: Lendʼeli Unyashungu wa sambu kʼololo?

Mateu 16:27

Ne dia Onʼa untu ayuya lu lutumbu la Shi, nui la andjelo andi, ku ndi ayufuta untu lʼuntu uku akandiatshi.

Mateu 16:28

Mete kanyutelami ndi: Amotshi wemadi lane, hawunganela nyoi ntundu watenyi Onʼa untu ayayi lu diulelu diandi.

Mateu 24:28

Lenʼeli edu, leko kayusanganaka pungu kame.

Mateu 24:48

Keli lamʼayuta ukambi a kolo uku lʼutema andi ati: Khumemi ambutubiya.

Mako 10:6

Keli umaka etatelu kʼetungelu, Unyashungu akatungi, pami la umuntu.

Mako 13:19

Fono ka wulu kayuyala nshi sho, wuhu wahatayala nduku lushi umaka etatelu kʼandja wakatungi Unyashungu edja ndu kakiane, ndu wuhu wahayalaki ntu pundju.

Luka 12:45

Keli lamʼayuta ukambi ako lʼutema ati: Uwandji ami huya esadi; lamʼayundutatela nkomola ekambi wʼapami la ekambi wʼamantu, la ndekaka, la nokaka, la mbidjoka wanu,

Etsha wa Atumami 7:60

Ku ndi akakhuse adui, akati la diui dia wulu ati: Khumadiondjo, takitshiyaki kolo kene. Lamʼakandati diui so, ndi akavu.

1 Tesalonika 2:19

Kakona keli elungamelu kasu, kana ongenongeno asu, kana dembo diasu dia kusu dia lutumbu? Aha nyu nyame mbeli osoku la ntundu kʼenelo ka Khumesu Jesu lu eyelu kandi uka?

2 Petero 3:12

Lamʼalungamelanyu lushi lʼeyelu ka Unyashungu, lu lushi lako layulungula ulungu dja; ndu diango tshe dieli loko, diayolelo la dja ya wulu!

Enyelo 3:14

Ufundeli ondjelo wʼekelizia ka la Laodikiya wati: Ayali osoku! Omenyi wa kolamelu la mete, etatelu kʼetungelu ka Unyashungu, kata aui ane.