2 Petero 2:4 - La Bible en Otetela (Bible K'Ekila) 1991

⁴ Naka Unyashungu kunshimbela andjelo lamʼakawatshi kolo, keli akawakadja lu luwinga la dja, akawadji lu afuku wa udjima, dia vo ndjala loko edja ndu elumbwelu;

2 Petero 2:4 Iomraidhean Croise

Jobo 21:30

Lu lushi lʼelanyelu, untu a kolo atuhandaka; Lu lushi la kele, ndi atushimbamelaka?

Jobo 4:18

Naka ndi hatekamaka ekambi andi, Naka ndi atushaka andjelo andi enungu,

Esambu 78:50

Ndi akalongoswela kele kandi mbuka. Ndi kumpandja nyumu yawo uma lu nyoi. Keli ndi akadiaki lʼelandu.

Isaya 14:12

Ndi wuhu wamboyoko uma lʼulungu, We Yoto ya Pindju, onʼa Ehutwelu li! Ndi wuhu wambuyoko la kete, We lakalembiaka wedja li!

Ezekiyele 5:11

Okone Khumadiondjo Latuyalaka kata ati: Uku wemi la lumu! ne dia nyu nyakalanya etemwelo kami la diango dianyu tshe dia sonyi la dia wononyi, diako mbayumunyudiaka. Ashu ami hawunyuhandja; dimi halunyuka ketshi.

Ezekiyele 7:4

Ashu ami hawunyuhandja. Dimi halunyuka ketshi, layunyutshela uku etsha anyu, la akambu a wononyi weli lʼatei anyu. Ku nyu nyayeya nyati: Dimi keli Latuyalaka.

Ezekiyele 7:9

Ashu ami hawunyuhandja; dimi halunyuka ketshi. Dimi layunyutshela uku etsha anyu, la akambu anyu a wononyi weli lʼatei anyu. Ku nyu nyayeya nyati: Dimi Latuyalaka kanyusuya.

Mateu 25:41

Ku ndi ayutela wane wa lu lunya landi la lomoso ati: Nyumanganeli, nyu ambidjami mananu! Nyutshu lu dja ya pundju, yakawahetshiya uhimbanyi la andjelo andi,

Mateu 8:29

Nyulungi, vo wakahangohango vati: Dikambu diakona dia-sasu la ye, we Onʼa Unyashungu? We ambuya lindu dia ndijutusuya la ntundu ka etena kasu?

Mako 5:7

Ndi akahangohango la diui dia wulu ati: Dikambu diakona diasami la ye, we Jesu, we Onʼa Unyashungu KhumʼUlungu? Dimi lambukutshiba lu lukumbu la Unyashungu nti: Tunsuyaki!

Luka 10:18

Ku ndi akawatela ati: Dimi lakenyi Satana ako uma lʼulungu uku dingadimu.

Luka 8:31

Ku wakosengasenga vati: Tututelaki dia shu ntsho lu ohongo waha la ekumelu.

Joani 8:44

Ana wa uhimbanyi shenyu mbenyu. Nyu nangaka ntsha uku shenyu. Uma lʼetatelu ndi aki udjakanyi. Ndi hatemalaka lu mete, ne dia mete kema lʼutema andi. Lamʼatandi kashi, ndi atutaka akambu weli lʼutema andi ndame. Ne dia kanga kashi kendi, ndu shi kashi.

Romo 11:21

Naka Unyashungu kuntshika tahi yʼutamba ako, keti ndi hukutshika ndu we nduku yema.

Romo 8:32

One laki kumpandja Onʼandi hita, keli akukimo dikambu diasu, ukundi ahandutusha ndu diango tshe kame la ndi?

Euhwelu kʼElembe 29:20

Latuyalaka hudimanyia. Keli kele la kandjema ka Latuyalaka wayufulanela le pami kako, la mananu tshe yufundami lu buku ne yayuya le ndi. Ku Latuyalaka ayudimula lukumbu landi uma lʼesi ulungu.

2 Petero 2:11

Keli andjelo mbaleka waki la wulu, hawasongwela la diui dia lotengo la ntundu ka Khumadiondjo.

2 Petero 2:5

naka ndi kunshimbela antu wa ntundu, keli akashimbela Noa, umvutshi wʼakambu wʼololo, la antu akina esambeli, lamʼakandatumi elula ka wuki le antu wa kolo waki la kete;

2 Petero 2:9

Ku Khumadiondjo mbeyaka wuhu wa nshimbela antu wʼololo uma lʼehimba, la mbete antu wa kolo lu asui edja ndu lushi lʼelumbwelu.

1 Joani 3:8

Untu latutshaka kolo, eko untu a uhimbanyi, ne dia uhimbanyi akatshaka kolo uma lʼetatelu. Dia dikambu diako, mbakenama Onʼa Unyashungu, dia ndjulanya elimu wa uhimbanyi.

Jude 1:13

Vo weko uku asukhu wʼashi a wuki, watutumbaka lufulu la sonyi yawo. Vo weko uku toto teteta lʼulungu, takawakitshiya udjima a tshududu pundju.

Jude 1:6

Ndu andjelo waki kumamema diulelu diawo, keli wakamo uma lu dihuli diawo, ndi akawadji lu kanu pundju, lu udjima edja ndu lushi la wuki wʼelumbwelu.

Enyelo 20:10

Ku uhimbanyi lakakesaka, akadjama lʼeduwa ka dja, ndu mboko ya dja, lene aki nyama kako la umvutshi ako a kashi. Vo wayusuyama ndu yanyi ndu utshu pundju pundju.