2 Petero 1:8 - La Bible en Otetela (Bible K'Ekila) 1991

⁸ Naka akambu ane wambuhama lu etema anyu, vo hawunyete tusuasua kana uku antu wahato elua dia nimbitela Khumesu Jesu Kristu.

2 Petero 1:8 Iomraidhean Croise

Tukedi 19:15

Nende atuladiaka antu djo ya wulu; La untu lahakambi ulimu atukaka ndjala.

Mateu 13:22

One lakukama lʼatei wʼatende eli untu latukaka diui, ku tukanyi ta akambu wa la kete, la lukesu lʼekundji, atutshidiaka diui. Ku ndi ambuyala aha la tongo.

Mateu 20:3

Ndi akatshu ntu uku lʼeshidi divwa, akenyi akina wemadi wemalemala lu kituka.

Mateu 20:6

Lamʼakakuki unya lʼeshidi etanu, ndi akatshu, akatani akina wemadi. Ndi akawambula ati: Ukundi wemalanyu lane unya tshe wemalemala?

Mateu 25:26

Keli khumendi akûkaluya diui ati: We ukambi a kolo la shuasua! We akeyi wati: Dimi katunaka lamʼakimi kumune, ndu katusanganyaka lamʼakimi kunyanganya?

Joani 15:2

Lutahi lami tshe lahato elua, ndi ayulunya. Lutahi tshe latotokaka elua, ndi ayulolongosola dia lo ndeka nto elua efula.

Joani 17:3

Lumu la pundju lone, eli nkeya, weme Unyashungu wa mete, la Jesu Kristu, lakayatumi.

Joani 5:42

Keli dimi nyeyaka nti: Nyu kema la ngandji ka Unyashungu lʼetema anyu.

Romo 12:11

Tanyukitakitaki lu saki yanyu pundju, nyohetaki ngaingai la Nyuma; nyukambelaki Khumadiondjo ulimu.

1 Koreto 15:58

Okone, anyasu wa ngandji, nyutetemali, nyushikikali, nyutamanya ntsha ulimu wa Khumadiondjo nshi tshe, ne dia nyu mbeyaka nyati: Pa kanyu le Khumadiondjo kema anyanya.

2 Koreto 13:5

Nyuyaunganeli nyame, kana nyu la mbetawo; nyuyaediki nyame. Nyame hanyeyi nyati: Jesu Kristu eko lʼetema anyu? Naka kema, keti anyanya mbenyu.

2 Koreto 8:2

Okone lu ehimbelu kʼasui, ongenongeno awo efula la wula awo wakatamanya mbudia lukahu lawo.

2 Koreto 8:7

Uku akanyakuki lu akambu tshe lu mbetawo, ndu lu wutelu, ndu lʼewu, ndu lʼukalanganu tshe, ndu lu ngandji kanyu le su, okone nyuyangi nkukanya ndu ngandji ka mamba kene.

2 Koreto 9:14

Ndu vame watunyolombelaka Unyashungu, wambunyukumbula wulu, ne dia ngandji ka mamba kʼutamanya ka Unyashungu keli lʼetema anyu.

Filipi 1:9

Dimi lambunyolombela dia ngandji ka mamba kanyu katamanya mbula lu bewu la yimba tshe,

Filipi 2:5

Nyuyali la yimba nye lʼatei anyu yaki ndu le Kristu Jesu.

Filipi 3:8

Mete, dimi lambete diango so tshe anyanya dia ololo wa nimbitela Kristu Jesu Khumemi. Dimi lakashisha diango tshe dikambu diandi, lambudiala uku diango dia mbikadja, dia dimi kundja Kristu,

Kolosai 1:10

dia nyu nkendakenda ololo uku alanga Khumadiondjo, dia nyu nto elua lu elimu wʼololo tshe, la dia mbula lu nimbitela Unyashungu.

Kolosai 2:7

Nyuyakikitsha, nyuyaudia, nyuyashikike lu mbetawo kanyu le ndi, pupu uku akatanyetsha. Nyukaki lusaka efula.

Kolosai 3:16

Diui dia Kristu diadjase, diangone lʼetema anyu. Nyetshanya lu yimba tshe, nyewani la kimbu la esambu wʼololo la wa Nyuma. Nyimbeli Unyashungu esambu la ngandji ka mamba lʼetema anyu.

1 Tesalonika 3:12

Khumadiondjo anyuhamia, ndu anyuludia la ngandji untu la unyandi untu la unyandi, ndu le antu tshe, uku anyulangasu.

1 Tesalonika 4:1

Anyasu, diui diasu dia ndjihelu ne shati: Tambunyosengasenga ndu tambunyokokomiya le Khumadiondjo Jesu shati: Uku akatanyetsha lama nkendakenda, ndu lama ngenyangenya Unyashungu, uku watunyokendakendaka, dia nyu ntetemala nkendakenda wuhu ako,

2 Tesalonika 1:3

Anyasu, dieli la su dia mbuka Unyashungu lusaka nshi tshe dikambu dianyu. Dikambu diako dieko ololo, ne dia mbetawo kanyu katulaka otekoya, la ngandji kukananyu kambuyala efula.

1 Timote 5:13

Ntu wayeya ndjala la tusuasua, wayukindula lu luudu la luudu. Vo hawuyala la tusuasua tutu, keli wayuyala la shonganya la esaku; wayuta aui wahawakuki mvuta.

Tito 3:14

Ndu asikasu weki lama ntsha elimu wʼololo dia nungula diango diahumbawo, diaha vo ndjala waha la elua.

Filemona 1:6

mbalangami ekesanelu ka mbetawo kaye atombosha ewu kʼakambu wʼololo tshe weli lʼutema aye le Kristu.

Heberu 6:12

diaha nyu ndjala tasuasua. Keli nyukuya wane wambukita alaka ne dia mbetawo la etetemala kawo.

2 Petero 1:2

Ngandji ka mamba la ki waludiami le nyu lu nimbitela Unyashungu le Jesu Khumesu!

2 Petero 1:3

Wulu wa Unyashungu ambutusha diango tshe dieli kame la lumu la ololo andi, ne dia shu tambulimbitela one lakateti dia lutumbu landi la ololo andi.

2 Petero 2:20

Naka vo wambuhanda akambu wa kolo wa la kete ne dia vo wakalimbitela Khumadiondjo, Ushimbedi Jesu Kristu, la naka vo wayudingitana, ndu wayolembiama ntu lu akambu ako, ku ekumelu kawo kayuleka etatelu kawo kolo.

2 Petero 3:18

Keli nyuli lu ngandji ka mamba la lu elimbitelu ka Khumesu, Ushimbedi Jesu Kristu. Lutumbu layali le ndi kakiane ndu pundju! Ayali osoku!