2 Petero 1:5 - La Bible en Otetela (Bible K'Ekila) 1991

⁵ Dia dikambu ne, nyutetemali dia nsanganya ololo wʼutema lu mbetawo kanyu; lu ololo wʼutema nyusanganya yimba;

2 Petero 1:5 Iomraidhean Croise

Esambu 119:4

We akatudjangela adjangu aye, Dia shu mbalama lʼutema otoi.

Tukedi 4:23

Okolamelaki nama utema aye lʼeteti, Ne dia uma loko katutumbaka teko dia lumu.

Isaya 55:2

Okoko wana atunyukimoka falanga yanyu lu kene kaha na? Dikambu kuna diatunyushishaka wulu anyu lu kene kahanyulutsha? Nyumbukeli, nyolekaki kene keli ololo. Etema anyu wangenangenaki lu mbu ya nde yʼololo.

Zekariya 6:15

Ku wane weli etali, wayuya, wayuyukimanyia dia mpika etemwelo ka Latuyalaka; ku nyu nyayeya nyati: Latuyalaka Kanga lulimbilimbi kakantumi le nyu. Dikambu so diayuyala, naka nyu nyayukitanyia diui dia Latuyalaka, Unyashungu anyu.

Luka 16:26

Dikambu dikina, luwinga la wuki leko lʼasasu la nyu. Wane walanga mbeta uma lindu utsha le nyu, haweyi mbeta. La nduku untu leya mbeta uma leko uya le su.

Luka 24:21

Keli shu takalungamela shati: Ndi kayutshungula Isariyele. Ee, ladiku diʼaui aso tshe, elo keli lushi la satu lʼokongo wʼakambu aso.

Joani 6:27

Tanyukambelaki ma diatulanaka ulimu, keli nyukambeli ma diayutshikala edja ndu lu lumu la pundju, diayunyusha Onʼa untu, ne dia Papa, Unyashungu ndame, akukitsha djimbitelu.

1 Koreto 14:20

Anyasu, tanyuyalaki uku akenda lu yimba. Nyuyali uku ana wʼashashi lu kolo, keli nyuyali uku dikumanyi lu yimba.

Efeso 5:17

Okone tanyuyalaki uku dinginya, keli nyushihudia lulangu la Khumadiondjo.

Filipi 1:9

Dimi lambunyolombela dia ngandji ka mamba kanyu katamanya mbula lu bewu la yimba tshe,

Filipi 2:12

Okone, elangimi wa ngandji, uku akanyakitanyiaka diui tena tshe, aha paka lamʼatumuyalaka la nyu, keli kakiane nyu nyambuleka nkitanyia efula lamʼemi kema la nyu. Nyutshaki ulimu a panda kanyu la woma la lukumba,

Filipi 4:8

Anyasu, diui diami dia ndjihelu ne nti: Akambu weli mete, akambu weli la kenemo, akambu wʼusimbwi, akambu weli pudipudi, akambu weli amena, akambu weli la lukumu lʼololo; naka dikambu diʼololo dieko, naka dikambu dia mandula dieko, nyukani dia akambu aso.

Kolosai 1:9

Dia dikambu ne, ndu shu, uma lu unya wakatuki lukumu lone, hatuheko nyolombela lu dombelo diasu, dia nyu ndudiama lu nimbitela lulangu landi, dia nyu ndjala la yimba ya nshihudia akambu tshe wa Nyuma,

Kolosai 2:3

ongonyi a yimba la bewu wambushama le ndi.

Heberu 11:6

Untu laha la mbetawo, heyi mbongenyangenya. Ne dia dieli la one layuya le Unyashungu mbetawo ati: Ndi eko, la ndi keli ufutshi a wane watuyangaka.

Heberu 12:15

Nyendaki ololo, ne dia untu atukunga ngandji ka mamba ka Unyashungu; udiu a lutunu atukutumba lʼatei anyu dia nyohenyahenya, ndu dia nanya antu efula.

Heberu 6:11

Shu nangaka nyu tshe untu lʼuntu ntetemala dia ndjala la ukalanganu one lu akambu tshe wʼelungamelu edja ndu lʼekumelu,

Jashua 7:3

Vo wakakalula le Jashua, wakayuwutela vati: Kema uhumba wʼantu tshe ntsho leko. Apami nunu pendi kana nunu satu nkukaka ndo lʼasi Ai. Tenyaki wudja tshe pa, ne dia vo weko paka djui ya tshitshe.

1 Petero 3:7

Ndu nyu apami, nyudjase la wadienyu la yimba, uyuwalemiane dia vo wambunyuleka wodu, la dia vo weko ekito kame la nyu wa ngandji ka mamba ka lumu, dombelo dianyu diatukushimbama.

2 Petero 1:10

Okone anyasu, nyutetemali dia nshikimala lu leta lanyu la lu osonamelu anyu. Naka nyu nyayutsha akambu aso, ku hanyutakana pundju.

2 Petero 1:11

Okone wayunyusha eotwelo ka lu diulelu dia pundju dia Khumesu, Ushimbedi Jesu Kristu.

2 Petero 3:14

Okone, elangimi ami, ne dia nyu nyambulungamela akambu ane, nyutetemali dia nyu ntanema la ki, aha la vadi, aha la unungu lu ashu andi.

2 Petero 3:18

Keli nyuli lu ngandji ka mamba la lu elimbitelu ka Khumesu, Ushimbedi Jesu Kristu. Lutumbu layali le ndi kakiane ndu pundju! Ayali osoku!