2 Petero 1:4 - La Bible en Otetela (Bible K'Ekila) 1991

⁴ Lu akambu ane, mbakandatusha alaka wa ushinga a wulu la wa waki otekoya. Lu dikambu diawo, mbayuwunyete elungudi wʼakambu wʼololo weli lʼutema a Unyashungu. Nyu nyakahandi uma lʼehondelo keli le wa la kete uma lu saki ya kolo.

2 Petero 1:4 Iomraidhean Croise

Romo 9:4

Vo mbeli asi Isariyele, wane weli ana wa luta, wa lutumbu, wa tuseki, wa eshelu kʼelembe, wʼotemwelo, ndu wʼalaka.

2 Koreto 1:20

Ne dia alaka tshe wa Unyashungu watutanaka Elu kawo le ndi. Okone ndu Ayali Osoku ndjalaka le ndi, dia Unyashungu ntumbwama.

2 Koreto 3:18

Keli shu tshe, lamʼendasu lutumbu la Khumadiondjo la dundji diahakumbami, uku lu lulindu, shu tambuhilwama lu efanelu kandi, uma lu edelu kemotshi utsha lu edelu kekina ka lu lutumbu, uma le Khumadiondjo leli Nyuma.

2 Koreto 6:17

Okone nyumo uma lʼatei awo, Nyuyatuli uma le wo, mbata Khumadiondjo, Tanyunandaki engo ka kolo; Ku dimi layunyulungula,

Ngalatiya 3:16

Alaka wakalakema le Abarahama ndu le tukanula tandi. Ndi kumvuta ati: Le tukanula efula; keli paka le untu otoi, Kristu, ati: Le kanula yaye kayuyala alaka ane.

Ngalatiya 6:8

Ne dia one latuneka lu dimba diandi, ayuna ehondelo uma lu dimba. Keli one latuneka lu Nyuma, ayuna lumu la pundju uma le Nyuma.

Efeso 4:13

edja ndu shu tshe tambumamana lʼutundu wa mbetawo, wa yimba yʼOnʼa Unyashungu, edja ndu tambuyala dikumanyi diʼapami, lu yediko ya diema yʼelulelu ka Kristu.

Kolosai 3:10

nyambolota untu uyuyu, lufanyi la utungi andi lu yewu yʼuyuyu.

Heberu 12:10

Vo wakatekiyaka oshi motshi uku aki ololo lu ashu awo. Keli ndi ambutekia lu ololo asu, dia shu odjala elungudi wʼakambu andi wʼekila.

Heberu 9:15

Dia dikambu so, mbukutukanya Kristu la sheki yʼuyuyu. Ndi akavu ne dia nyimanyia antu kolo yaki lu sheki ya ntundu, ne dia wane kukundeti walunguli daka dia ukito a pundju.

Jakoba 1:27

Otemwelo weli pudipudi, waha la vadi lu ashu a Unyashungu Shesu, weko okone: ntsho dia ntenda ana wa tshiki la wadi waki edu lu asui awo, la dia untu ndjalama diaha ndi ndjala la akambu wa kolo wa la kete.

2 Petero 1:1

Simona Petero, ukambi la utumami a Jesu Kristu. Le antu wakalungula mbetawo kʼololo pupu uku keli la su lu ololo a Unyashungu asu Ushimbedi Jesu Kristu:

2 Petero 3:13

Keli ne dia daka diandi, mbalungamelasu ulungu wʼuyuyu la kete yʼuyuyu, lene udjashi akambu wʼololo.

2 Petero 3:9

Khumadiondjo huhela dia nshidiya alaka andi, uku atedikaka antu wauhu awo, keli ndi eko la nyu memakana. Ndi halangi nduku omotshi nshisho, keli ndi nangaka tshe wakadimuli etema.

1 Joani 2:25

Daka diakandatulaki dieli lumu la pundju.

1 Joani 3:2

Elangimi ami, kakiane ana a Unyashungu mbesu, diatenama okone ayutuyala. Shu mbeyaka shati: Naka ndi ayene, shu tayuyala uku ndi, ne dia shu tayuwena uku wendi.