2 Petero 1:1 - La Bible en Otetela (Bible K'Ekila) 1991

¹ Simona Petero, ukambi la utumami a Jesu Kristu. Le antu wakalungula mbetawo kʼololo pupu uku keli la su lu ololo a Unyashungu asu Ushimbedi Jesu Kristu:

2 Petero 1:1 Iomraidhean Croise

Isaya 12:2

Enda, Unyashungu keli panda kami. Dimi layuwekama, handjuka woma, ne dia Latuyalaka, Ee, Latuyalaka keli wulu ami la usambu ami. Ndi kakayala panda kami.

Jeremiya 33:16

Lu nshi sho, Juda ayushimbamela, la Jerusalema ayuyala la lutui tshitshi. Wayumbeta vati: Latuyalaka eko ololo asu.

Mateu 10:2

Kumbu ya atumami dikumi la ahendi nye. Ntundu ku Simona letawo vati: Petero, la Andere onangu; Jakoba onʼa Zebede, la Joani onangu;

Mateu 4:18

Lamʼakatakendiakendiaka Jesu lʼumamu wʼuduwa wa Ngalili, ndi akenyi untu la onangu, Simona letawo vati: Petero, la Andere, wakadjaka tei lʼuduwa, ne dia vo waki amundiji wa nsi.

Luka 1:47

Lumu lami lambongenangena le Unyashungu, Ushimbedi ami.

Luka 11:49

Diako mbakati ndu yimba ya Unyashungu ati: Dimi layatumela amvutshi la atumami. Vo wayudiaka amotshi, wayuwasuya.

Joani 1:42

Ndi akayi la ndi le Jesu. Jesu akawendi, akati ati: We eli Simona, onʼa Joani. Wayuketa Kefasi (nkadimula ati: Petero).

Joani 12:26

Naka untu ambunkambela ulimu, ndi andjeli. Ukambi ami ayuyala lene ayumuyala. Naka untu ayunkambela ulimu, Papa ayolemia.

Joani 20:21

Ku Jesu akawatela ati: Ki kayali la nyu! Uku akantumi Papa, osoku mbanyutumami.

Etsha wa Atumami 15:14

Simeyona akasanya okone akakendela Unyashungu asi wedja ntundu, dia nsonola antu amotshi uma lʼatei awo dia lukumbu landi.

Romo 1:1

Dimi Paulu, ukambi wa Jesu Kristu, laketama dia ndjala utumami, wukidiami dia mvuta lukumu lʼololo la Unyashungu.

Romo 1:12

Ndu dia shu ndjukikitshanya leku dimi la nyu lu mbetawo kasu.

Romo 1:17

Ne dia lu lukumu lako mbatenamaka ololo a Unyashungu uma lu mbetawo la mbetawo. Uku akafundama ati: Untu ololo ayuyala la lumu uma lu mbetawo kandi.

1 Koreto 1:30

Keli nyu nyeli antu andi le Kristu Jesu, lako lakayala uku yimba yasu uma le Unyashungu, ndu ololo asu, ndu ekidiamelu, la etshungwamelu kasu;

1 Koreto 15:9

Ne dia dimi lambuleka atumami tshe tshitshe, dimi hakuki ololo dia mbetama ati: Utumami, ne dia lakasuyaka ekelizia wa Unyashungu.

1 Koreto 9:1

Dimi kema la ndjadjasela? Dimi kema utumami? Dimi komena Jesu Khumesu? Nyu kema ulimu ami le Khumadiondjo?

2 Koreto 4:13

Keli shu teko la utema a mbetawo kame, uku diui diakafundama ati: Dimi laketawo, okone mbakamateketa, ndu shu tambetawo, okone ndu shu tamboteketa;

2 Koreto 5:21

One laki kumbeya akambu wa kolo, Unyashungu akawete uku ulambu wʼakambu wa kolo dia dikambu diasu; ne dia shu ndjala uku ololo a Unyashungu lʼutema andi.

Ngalatiya 2:8

(ne dia one lakadji Petero lʼutumami a wane wahema ehekeli kakambidji ndu dimi lʼutumami wʼasi wedja);

Efeso 3:5

Dikambu diako kumbeyama le ana wʼantu lu nonga kina, uku ambudieyama kakiane le atumami andi wʼekila la amvutshi lu Nyuma.

Efeso 4:11

Ndi akasha amotshi dia ndjala atumami; amotshi amvutshi; amotshi amembi wa lukumu lʼololo; amotshi esambisha la embetsha.

Efeso 4:5

Khumadiondjo otoi, mbetawo otoi, batiza otoi,

Filipi 1:1

Paulu la Timote, ekambi wa Kristu Jesu. Le ekilami tshe wa lu Kristu Jesu weli la Filipi, kame la amendji wa lʼekelizia la esambisha:

Filipi 1:29

Ne dia wakanyusha dikambu ne dia Kristu, aha dia nyu mbetawo tshu, keli dia nyu nsuwa dikambu diandi,

Filipi 3:9

la dia menama le ndi, aha la ololo ami weli uma lʼelembe, keli la ololo weli uma lu mbetawo le Kristu, ololo ako wambuya uma le Unyashungu dia mbetawo;

2 Timote 1:5

Dimi latuhoka mbetawo ka mete keli lʼutema aye; kakatatela lʼutema a tsheye Loyi la wa nyo Eyunike. Ndu lambetawo nti: To keko ndu lʼutema aye.

Tito 1:1

Paulu, ukambi a Unyashungu, utumami a Jesu Kristu, uku mbetawo ka esonami wa Unyashungu, la dia eyelu kʼakambu wa mete wedimi la ololo tshe,

Tito 1:4

Le Tito, uku onʼami la mete lu mbetawo kasu: Ngandji ka mamba la ki kʼuma le Unyashungu Shesu la uma le Kristu Jesu Ushimbedi asu, wayali la ye!

Tito 2:13

Tulungameli elungamelu kasu kʼotshoko la enelo ka lutumbu la Unyashungu asu a wuki ndu la Ushimbedi Jesu Kristu,

Jakoba 1:1

Jakoba, ukambi a Unyashungu la Khumadiondjo Jesu Kristu, Le wauhu dikumi la ahendi wakahandjo: Moyo.

1 Petero 1:1

Petero, utumami a Jesu Kristu, Le ambitshanyimi wa lʼehandjwelu wudjashi la Poto, ndu la Ngalatiya, ndu la Kapadokiya, ndu lʼAsiya, ndu la Bituniya,

1 Petero 1:7

Ne dia ehimbelu ka mbetawo kanyu kuleki paunyi, katushishoka lamʼakihimbawo la dja ushinga a wulu, katanemi la diandu la lutumbu la kenemo lʼenelo ka Jesu Kristu!

1 Petero 2:7

Ndi eko ushinga a wulu le nyu, nyu wane wetawo. Keli le wane wahetawo, Dive diakatuni ambiki wa luudu, Diakawakitsha lʼote a tshuku,

1 Petero 5:1

Dimi lambokokomiya dikumanyi dia lʼatei anyu, ndu dimi keli ekumanyi, ndu omenyi wʼasui wa Kristu, ndu ulungudi a lutumbu layanga menama, nti:

2 Petero 1:4

Lu akambu ane, mbakandatusha alaka wa ushinga a wulu la wa waki otekoya. Lu dikambu diawo, mbayuwunyete elungudi wʼakambu wʼololo weli lʼutema a Unyashungu. Nyu nyakahandi uma lʼehondelo keli le wa la kete uma lu saki ya kolo.

Jude 1:1

Jude, ukambi a Jesu Kristu, ndu onangu Jakoba. Le wane wambetama, wambulangema le Unyashungu Shesu, ndu wambulamema dia Jesu Kristu: