1 Samuele 7:3 - La Bible en Otetela (Bible K'Ekila) 1991

³ Samuele akatela khumbu tshe ka Isariyele ati: Naka la etema anyu tshe mbamunyukalula le Latuyalaka, nyunya ditemolatemola diʼasi wedja la WaAshetarota weli lʼatei anyu. Nyediya etema anyu le Latuyalaka, nyotemolaki ndi ndame. Ku ndi ayunyutshungula uma lʼanya wʼasi Filistiya.

1 Samuele 7:3 Iomraidhean Croise

Etatelu 35:2

Jakoba akatela wa lu luudu landi ndu wane tshe waki kame la ndi ati: Nyunya ditemolatemola diʼasi wedja dieli lʼatei anyu, nyuyaedia, nyenguli anondo,

1 Khumi ya Dikanga 11:33

Ne dia vo wakanseke, wakatemola Ashitoreta, etemolatemola ka umuntu kʼasi Sidona; Kemoshe, etemolatemola kʼasi Amona, ndu ne dia vo konkendakenda lu mbuka yami, dia ntsha akambu wʼusimbwi lu ashu ami, ndu dia nama elembe ami la adjangu ami, uku akatshaka Davidi, shi Solomona.

1 Khumi ya Dikanga 8:48

Naka vo wayukalula le ye lʼetema awo tshe ndu la nyumu yawo tshe lu kete yʼatunyi wakatole lu fumbi, ku vo wayukolomba weledi utsha lu kete yawo yakasha washewo, utsha lʼusumba wakayasonola, la utsha lu luudu lakamahikela lukumbu laye,

2 Khumi ya Dikanga 17:39

Keli kanyumbukaki, dimi Latuyalaka, Unyashungu anyu, woma, ku dimi layunyutshungula uma lʼanya wʼatunyi anyu tshe.

2 Khumi ya Dikanga 23:15

Khumʼekanga akahandjula ndu ediakelu kaki la Betele, la dunga diakatatshi Jeroboama, onʼa Nebate, lakanganyia Isariyele. Ndi akanyukula dunga, akadiete ave betshi betshi, akatshumbi Ashera.

1 Ekondo 22:19

Kakiane, nyudji etema anyu la nyumu yanyu dia nyanga Latuyalaka, Unyashungu anyu. Nyuneli, nyuhiki etemwelo ka Latuyalaka, Unyashungu, dia mbela oshete andi wa sheki ndu diango diandi diʼulimu diʼekila, lu luudu layunyuhika lu lukumbu la Latuyalaka.

1 Ekondo 28:9

We onʼami Solomona ulimbiteli Unyashungu a sho, ukambeli ulimu lʼutema otoi la lumu tshe, ne dia Latuyalaka atukembaka etema tshe, atulimbitelaka dikanyiakanyia dia tukanyi. Naka we ayuyanga, ndi ayuyakimo dia we mbutana. Keli naka we ayoseka, ndi ayukukadja pundju.

2 Ekondo 19:3

Keli akambu amotshi wʼololo weko le ye, ne dia we akanya dikishi uma lu kete, ndu we akadji utema aye dia nyanga Unyashungu.

2 Ekondo 20:33

Keli dikambu otoi, alunga kuminyama, ndu antu kumbidja etema awo lu nyanga Unyashungu a washewo.

2 Ekondo 30:19

lambudja utema dia nyanga Unyashungu Latuyalaka, Unyashungu a washi, kuyanga ndi kundjaedia uku elembe wʼekila wa edielo.

Tukedi 16:1

Untu katusanguyaka tukanyi lʼutema andi. Keli diui diatukaluyaka unyo, diatuyakaka uma le Latuyalaka.

Isaya 55:7

Untu a kolo aseke mbuka kandi, La one latusanguyaka kolo akimo tukanyi tandi. Akaluli le Latuyalaka, ku ndi ayuwuka ketshi, Ee, le Unyashungu asu, ne dia ndi ayetawo mbudimanyia tshe.

Jeremiya 24:7

Dimi layuwasha utema dia vo nimbitela vati: Dimi keli Latuyalaka. Vo wayuyala wudja ami, la dimi layuyala Unyashungu awo, ne dia vo wayukalula le mi lʼutema otoi.

Jeremiya 36:3

Ku lamʼayuka khumbu ka Juda lukumu la elanyelu tshe kamumusanguya mbatshela, undu, vo wayuka-dimo untu lʼuntu uma lu mbuka kandi ka kolo, ku dimi layadimanyia ehedia awo la kolo kawo.

Jeremiya 4:1

Isariyele li, naka nyu nyayukalula, mbata Latuyalaka, Le mi kahumbanyu nkalula. Naka nyu nyayunya akambu anyu wa wononyi la ntundu kami, Nyu hanyuyala tekeko.

Ezekiyele 14:6

Okone uteli khumbu ka Isariyele wati Khumadiondjo Latuyalaka kata ati: Nyukaluli, nyukadimo uma lu dikishi dianyu, nyunya ashu anyu uma lu akambu tshe wa wononyi.

Ezekiyele 18:31

Nyunya ehedia anyu tshe wakanyatshaka, nyuyali la etema wʼeyuyu la lumu lʼuyuyu. Nyu khumbu ka Isariyele, ukundi ayunyuvo?

Hosea 14:1

Isariyele, nyukaluli le Latuyalaka, Unyashungu anyu, Ne dia nyu nyakako lʼuhedia anyu.

Mateu 15:8

Antu ane watonemiaka lʼelomo. Keli etema awo weko etali uma le mi.

Mateu 4:10

Ku Jesu akawutela ati: Satana, mo! ne dia akafundiama ati: Kotemolaki Khumadiondjo, Unyashungu aye, Kûkambelaki ndiame ulimu.

Mateu 6:24

Nduku undi leya nkamuela ewandiji ehendi ulimu. Ne dia ndi ayuhetsha omotshi, avulanga ukina, kana ayekela omotshi, ayonyola ukina. Nyu hanyeyi nkambela Unyashungu la ukundiji ulimu.

Luka 4:8

Jesu akûkaluya diui ati: Ambufundama ati: Otemole Khumadiondjo, Unyashungu aye, ukambeli ndame ulimu.

Joani 4:24

Unyashungu eko Nvuma. Wane watotemolaka, dieli la wo dia mbotemola lu Nyuma la lu mete.

Euhwelu kʼElembe 10:20

Kanyukaki Latuyalaka, Unyashungu anyu, woma, kanyukambelaki ulimu. Kanyumamemi ndu kanyutshibaki lukumbu landi.

Euhwelu kʼElembe 13:4

Nyuyelaki Latuyalaka, Unyashungu anyu, nyuwukaki woma. Nyulamaki elembe andi, nyukitanyiaki diui diandi. Nyukambelaki ulimu, ndu nyumamemi.

Euhwelu kʼElembe 4:29

Leko kayunyutuyanga Latuyalaka, Unyashungu anyu, ndu kayunyututana, naka nyu nyayutuyanga lʼetema anyu tshe ndu la lumu lanyu tshe.

Euhwelu kʼElembe 6:13

Kanyukaki Latuyalaka, Unyashungu anyu, woma, kanyukambelaki ulimu, ndu kanyutshibaki lu lukumbu landi.

Jashua 13:31

etenyi ka hendi ka Ngiliyade, Ashitarota la Ederei, esumba wa diulelu dia Onga ka la Bashana. Oso aki kete yʼukito yʼasi Makira, onʼa Manase, etenyi ka hendi kʼasi Makira uku khumbu yawo.

Jashua 24:14

Okone nyukaki Latuyalaka woma. Nyukambelaki ulimu lu mete ndu la kolamelu. Nyunya ditemolatemola diakatemolaka washenyu la wedi wa Efarate, ndu lʼEdjibitu. Nyukambelaki Latuyalaka ulimu.

Jashua 24:23

Jashua akawatela ati: Kakiane, nyunya ditemolatemola diʼasi wedja dieli lʼatei anyu. Nyusha Latuyalaka, Unyashungu wa Isanyele, etema anyu.

Embadi 10:16

Ku vo wakanya ditemolatemola diʼasi wedja uma lʼatei awo. Vo wakatemolaka Latuyalaka. Ku ndi akalembe utema, ne dia asui wa Isariyele.

Embadi 10:6

Asi Isariyele wakatshi kolo lu ashu wa Latuyalaka ntu. Vo wakatemola WaBala, WaAshetarota, ndu ditemolatemola diʼasi Suriya, diʼasi Sidona, diʼasi Moaba, diʼasi Amona, ndu diʼasi Filistiya. Vo wakaseke Latuyalaka, kumbotemola ntu.

Embadi 2:11

Asi Isariyele wakatshi kolo lu ashu wa Latuyalaka, wakatendela WaBala.

Embadi 2:13

Vo wakaseke Latuyalaka, wakatemola Bala la WaAshitarota.

1 Samuele 31:10

Vo wakakitsha dihumo dia ta diaki Saulu lu luudu la WaAshitarota. Ku wakamami udu andi lu eheli ka Bete-Shana.