1 Petero 5:8 - La Bible en Otetela (Bible K'Ekila) 1991

⁸ Nyuyali ki, nyendaki. Utunyi anyu uhimnanyi atokendakendaka uku tambwe kadikita kayanga walendi.

1 Petero 5:8 Iomraidhean Croise

Esta 7:6

Ku Esta akûkaluya diui ati: Uhetshi, utunyi, eli Hamana, pami kolo kene! Hamana akandama la woma wa mamba la ntundu ka khumʼekanga la khumʼekanga ka umuntu.

Jobo 2:2

Latuyalaka akambula Satana ati: Uma lendi ayayi? Ku Satana akûkaluya diui ati: Dia ntukindula kete, ndu dia ntengola leko.

Esambu 104:21

Esongo wa tambwe watulelaka lʼokongo wa nyama, Watuyangaka ma diawo le Unyashungu.

Esambu 109:6

Etawo untu a kolo mbulela utunyi ami, Ndu osongwedi memala lu lunya landi la pami!

Tukedi 19:12

Kele ka khumʼekanga eli uku dikita dia tambwe. Keli diandu diandi diatuyalaka uku dihohe diatahemaka lʼadiyu.

Tukedi 20:2

Ngala ka mamba ka khumʼekanga eli uku dikita dia tambwe. One latuwutshaka kele, atuyatshelaka kolo ndame.

Tukedi 28:15

Uku tambwe kadikita, la uku koi ka ngala, Osoku mbeli untu a kolo latulelaka asi wula.

Isaya 50:8

One latunyindjaka, eko suki. Akona ama la mi na? ndi atumbi, temali kame! Akona eli utunyi ami? ndi asukani!

Jeremiya 2:15

Esongo wa tambwe wudikitela, Wuwasuswe, ndu wambulanya kete yandi. Esumba andi wambutshumbama, nduku untu loko.

Jeremiya 51:38

Vo wayudikita kame uku tambwe, Wayukhungula uku ana wa tambwe.

Ezekiyele 19:7

To kakalanyaka mvudu yawo ya khumʼekanga, Kakahandjulaka esumba lʼadikita ato.

Ezekiyele 22:25

Amvutshi awo weli uku tambwe kadikita, kahatula nyama kundjito. Vo wakali nyumu yawo, wakose ukundji la diango diʼushinga a wulu, wakete amantu efula lʼatei awo wadi waki edu.

Danyele 6:24

Khumʼekanga akati diui dia vo mbela antu ako wakafundi Danyele, ku wakayuwakadja lu difuku dia tambwe, vo, la wadiewo la anʼawo. Ntundu vo watakumi lʼesi a difuku, tambwe yakawandi, yakatetshatetsha weka awo.

Hosea 11:10

Vo wayuyela Latuyalaka layudikita uku tambwe. Lamʼayundudikita, ana wʼapami wayuya Uma lʼedjelu ka unya wayadidima.

Hosea 13:8

Dimi layuwanda uku laundu lakawahotodi anʼalo. Dimi layata tulu yawo, Layuwale lu dihuli diako uku tambwe. Dimi layuwatshatsha uku nyama ka ngala ka lʼukunda.

Joele 3:16

Latuyalaka ambudikita uma la Siona, Ndi ambukia diui diandi uma la Jerusalema, Ulungu la kete wamtusukasuka. Keli Latuyalaka eli tshamelu ka wudja andi, Lungeli lʼasi Isariyele.

Amose 1:2

Ndi akati ati: Latuyalaka ambudikita uma la Siona, Ambukia diui diandi uma la Jerusalema. Adiyu wʼalami wʼekoko weko lʼutanda; Ote wʼukungu wa Karamele wambuma.

Amose 3:4

Undi, tambwe mbeyaka ndjikita lʼukunda Lamʼahato la nyama kakatandji? Osongo a tambwe mbeyaka ndela lu wuku ato Lamʼahawandji nduku engo uka?

Amose 3:8

Naka tambwe kambudikita, Akona ahuki woma? Khumadiondjo Latuyalaka amboteketa, Akona aheyi mvuta akambu wahatayi?

Zekariya 11:3

Tukuku tʼalelu tʼalami wʼekoko toso! Ne dia lutumbu lawo lambulanyema. Dikita dia esongo wa tambwe so! Ne dia utaku wa Jorodana wambukitshakitehama.

Zekariya 3:1

Ndi akamenya Jashua, olombedi a ladiku, lakemadi la ntundu ka ondjelo wa Latuyalaka, la Satana emadi lu lunya landi la pami dia mbulunda.

Mateu 13:39

Utunyi lakalune eli uhimbanyi. Dinela dieli ekumelu ka etena kene. Amunyi weli andjelo.

Mateu 24:42

Okone nyewo, ne dia nyu hanyeyi lushi layuya Khumenyu.

Mateu 25:41

Ku ndi ayutela wane wa lu lunya landi la lomoso ati: Nyumanganeli, nyu ambidjami mananu! Nyutshu lu dja ya pundju, yakawahetshiya uhimbanyi la andjelo andi,

Mateu 4:1

Nyuma kʼOlolo akalombola Jesu lʼusui dia ndi ntuhimbama le uhibanyi

Mateu 4:11

Uhimbanyi akutshiki. Ku andjelo wakayi, wakukimanyia.

Mako 4:15

Wehu wakako lʼumamu a mbuka weli wane watukaka diui, ku kemʼedja Satana ambakosola diui diakawuki.

Luka 21:34

Keli nyuyalamaki, ne dia etema anyu watukuyala wutshu la dishi, la edjwelu ka wanu la edinganu wa lumu lone. Lushi loso, latukuya le nyu shashimuya, uku shuni ya djunga,

Luka 21:36

Keli nyendaki, nyolombaki lʼosengosengo dia nyu mpanda lu akambu aso tshe wayuya, la dia memala la ntundu ka Onʼa untu.

Luka 22:31

Simona, Simona, ulungi, Satana akalombe dia nkosa, dia nkuyungula uku epunga,

Joani 8:44

Ana wa uhimbanyi shenyu mbenyu. Nyu nangaka ntsha uku shenyu. Uma lʼetatelu ndi aki udjakanyi. Ndi hatemalaka lu mete, ne dia mete kema lʼutema andi. Lamʼatandi kashi, ndi atutaka akambu weli lʼutema andi ndame. Ne dia kanga kashi kendi, ndu shi kashi.

2 Koreto 2:11

ne dia Satana atukutuleka wulu: shu mbeyaka ditshelu diandi.

Efeso 4:27

Tanyushaki uhimbanyi dihuli.

Efeso 6:11

Nyolote eloto tshe wa ta wa Unyashungu, dia nyu mbeya nshikikala la ntundu ka kesu tshe ya uhimbanyi.

1 Timote 2:15

Keli nd, ayushimbamela lu diutelu dia ana, naka vo wayokolamela lu mbetawo la lu ngandji la lu ekidiamelu kame la memakana.

1 Timote 2:9

Okone ndu amantu walote ahondo kʼahondo, la wolamu la memakana. Vo tawelaki divu, tawolotaki paunyi kana mboko yʼakeso kana ahondo wʼushinga a wulu

1 Timote 3:11

Ndu amantu pupu, wayali la kenemo, aha atendanyi, keli wayakimeli, wayali la kolamelu lu akambu tshe.

1 Timote 3:2

Okone umendji tayalaki la unungu. Ndi ayali kanga wadi otoi utu; ayakimeli, ayali la wolamu, la okomi. Ndi atshelaki angendangenda ololo; ayali la yimba ya mbetsha.

2 Timote 4:17

Keli Khumadiondjo akemala la mi, akankikitsha, dia dimi mvutelaka antu diui ololo, la dia asi wedja tshe mbuka. Dimi lakahandi uma lʼunyo a tambwe.

Tito 1:8

Keli ndi atshelaki angendangenda ololo, ayali unangi wʼakambu wʼololo, ayali lʼutema a ki, atsheli antu tshe ololo, ayali uku untu lʼekila, ayakimeli.

Tito 2:12

kambutetsha lama ntuna akambu wa dionyo la saki yʼakambu wa la kete, dia shu ndjala la nyumu ya ki, yʼuluwanyi ndu yʼololo la kete nye.

Tito 2:2

dia dikumanyi ndjakimela, ndjala la kenemo, la ki, la wulu lu mbetawo, ndu ngandji, ndu lu kolamelu.

Tito 2:4

dia vo mbekiya esekaseka wʼamantu dia nanga waumewo, la anʼawo;

Tito 2:6

Okokomiya ndu elongo wʼapami dia vo ndjala la etema wa ki.

Jakoba 4:7

Okone nyukitanyiaki aui wa Unyashungu. Nyosemaneli le uhimbanyi, ku ndi ayunyulawo.

1 Petero 1:13

Okone nyolongosole tumba tanyu, nyuyali ki. Nyushikike elungamelu kanyu lu ngandji ka mamba kayuwunyusha lʼenelo ka Jesu Kristu.

1 Petero 4:7

Keli ekumelu kʼakambu tshe kaya suki, okone nyuyali la yimba yʼololo, nyolembohali, nyolombaki.

Enyelo 12:10

Ku dimi lakuki diui dia wulu lʼulungu diata ati: Kakiane panda kambuyala ndu wulu, ndu diulelu dia Unyashungu, ndu luwandji la Kristu kandi, ne dia osongwedi wa anyasu ambukadjema, one latasongwelaka la ntundu ka Unyashungu ndu la yanyi ndu lʼutshu.

Enyelo 12:12

Ulungu li, ongenengene, ndu wane watudjaseka loko. Fono kayuyala la kete ndu lʼashi a wuki, ne dia uhimbanyi akayi le nyu. Ndi eko la kele ka wuki; ndi mbeyaka ati: Etena kami kambusukana.

Enyelo 12:9

Wakakadja ului ako a wuki wʼedjedja, wetawo vati: Uhimbanyi, Satana, ukeshi a wa la kete tshe — wakawukadja la kete ndi la andjelo andi.

Enyelo 20:10

Ku uhimbanyi lakakesaka, akadjama lʼeduwa ka dja, ndu mboko ya dja, lene aki nyama kako la umvutshi ako a kashi. Vo wayusuyama ndu yanyi ndu utshu pundju pundju.

Enyelo 20:2

Ndi akandi ului a wuki wʼedjedja, eli Uhimbanyi, Satana ndame, akukeleka deku kinunu;

Embadi 14:5

Samisona akahulo utsha la Timisa, ndi la shi la nyangu. Lamʼakawakumi lu dikambo dia vinyo diʼasi Timina, enyi ku osongo a tambwe one wayadikita uya le ndi.