1 Petero 5:6 - La Bible en Otetela (Bible K'Ekila) 1991

⁶ Okone nyuyakitshakitsha la tshina dia lunya la wulu la Unyashungu, dia ndi nyumbiya lamʼayukuka etena kanyu.

1 Petero 5:6 Iomraidhean Croise

1 Khumi ya Dikanga 21:29

We menaka uku ambuyakitshakitsha Ahaba la ntundu kami? Ne dia ndi ambuyakitshakitsha la ntundu kami, dimi halela elanyelu lu nshi ya lumu landi. Paka lu nshi ya onʼandi, mbayumela elanyelu lu khumbu kandi.

2 Khumi ya Dikanga 22:19

Ne dia utema aye akalembe, ndu we akayakitshakitsha la ntundu kami, dimi Latuyalaka, lamʼakayuki aui wakamati lu dikambu dia dihuli ne ndu le antu wudjashi loko, dia vo ndjala engo kʼelanyelu la ka mananu; ndu ne dia we akatshatsha ahondo aye, akaleli la ntundu kami, osoku dimi lambukutela, mbata Latuyalaka.

2 Ekondo 12:12

Lamʼakayakitshakitsha khumʼekanga, kele ka Latuyalaka kakamo uma le ndi. Diako mbakindi kumbudiaka ludiaka. Ndu akambu amotshi wʼololo waki lu Juda.

2 Ekondo 30:11

Keli antu amotshi wʼasi Ashere, wʼasi Manase la wʼasi Zebuluna wakayakitshakitsha, wakayi la Jerusalema.

2 Ekondo 32:26

Hezekiya akayakitshakitsha ndi la asi Jerusalema uma lu ndjambiya kandi. Okone kele ka Latuyalaka kunkuma le wo lamʼaki Hezekiya la lumu.

2 Ekondo 33:12

Lamʼakindi lu pa, ndi akasengasenga Latuyalaka, Unyashungu andi, akayakitshakitsha efula la ntundu ka Unyashungu a washi.

2 Ekondo 33:19

Elombelo kandi la wuhu wakawukela Unyashungu, kolo kandi tshe la uhedia andi, alunga wakandatshi, ekishi ka Ashera la difanelu dia losela diakandatshi ntundu ndi atayakitshakitsha, wambufundama lu Ekondo wʼAmenyi wʼakambu wahatayi.

2 Ekondo 33:23

Ndi kundjakitshakitsha la ntundu ka Latuyalaka, uku akayakitshakitsha Manase, shi, ne dia ndi akatatetemalaka ndjaete lʼunungu.

2 Ekondo 36:12

Ndi akatshaka kene kaki kolo lu ashu wa Latuyalaka, Unyashungu andi. Ndi kundjakitshakitsha la ntundu ka umvutshi Jeremiya, lakateketaka aui uma lʼunyo wa Latuyalaka.

Jobo 36:22

Unyashungu eli wuki uma lu wulu andi. Akona eya mbetsha uku ndi?

Esambu 75:10

Ne dia ndi ayukitshakitsha antu wa kolo, Ayumbiya antu wʼololo.

Esambu 89:13

We keli la lunya la wulu, Etambi kaye ka wulu, ka lunya la pami, kambediama utsha ladiku.

Etumbelu 10:3

Ku Mose la Arona wakatshu le Farayo; wakatuwuteia vati: Latuyalaka, Unyashungu wʼasi Heberu, kata ati: Edja ndu kaandi ayuyutuna ndjakitshakitsha la ntundu kami? Ukimo wudja ami watshu dia ntontemola.

Etumbelu 3:19

Dimi mbeyaka nti: Khumʼekanga ka Edjibitu hetawo nyu ntsho, tshikima la lunya la wulu.

Etumbelu 32:11

Mose akasengasenga Latuyalaka, Unyashungu andi, ati: Latuyalaka li! ukundi amboheta kele kaye le wudja aye, wakayatundja la wulu wa mamba ndu la lunya la wulu uma lu kete ya Edjibitu?

Tukedi 29:23

Utaku wʼuntu atukitshakitshaka. Keli kanga ndjakitshakitsha lʼutema, atutumbwamaka.

Isaya 2:11

Untu leli la endelu ka lahi ayuhuluyama, La kanga utaku ayukitshakitshama. Ku Latuyalaka ndame kayediama lu lushi lako.

Isaya 40:4

Ekidi tshe wayutediama, La ekungu la akuna tshe wayukitshakitshama, Ahuli wʼakote akote wayusimbo, La ahuli wʼafuku afuku wayukitanyiama.

Isaya 57:15

Ne dia KhumʼUlungu, kanga edjaselu ka pundju Ndu kanga lukumbu lʼekila, kata ati: Dimi layudjase ladiku lu dihuli diʼekila, Kame la kanga utema wambate ndu wa ndjakitshakitsha, Dia mbulula lumu la kanga ndjakitshakitsha La nkikitsha kanga utema wambate.

Jeremiya 13:18

Uteli khumʼekanga la nyangu lakawuti wati: Nyudjase lu kete, Ne dia dembo diaye dia kusu dia dimena diamboko uma lʼote ave.

Jeremiya 44:10

Nyu nyatayakitshakitsha edja ndu elo, nyatuki woma, nyatakendakenda lu elembe ami ndu lu adjangu ami wakamakitsha la ntundu kanyu ndu ka washenyu.

Ezekiyele 17:21

Waku watalawo la ndi la alimbi andi, wayudiakema la yombo; la waku wayuhanda, wayuhandjwama lu beke tshe dia kete, dia nyu mbeya nyati: Dimi Latuyalaka kambuta dikambu so.

Ezekiyele 21:6

Okone we onʼa untu ukhumi akhumu; uyali la okei, ukhumi akhumi la lunyangu la wulu la ntundu kawo.

Danyele 5:22

Keli we onʼandi Beleshaza, kuyanga we akeyi akambu aso tshe, we kundjala la ndjakitshakitsha.

Akambu wʼAsi Lewi 26:41

wako wakamasemanela la wo, ndu wakamatole lu kete ya atunyi awo; naka etema awo wahatalongoswama wambuyakitshakitsha, ndu vo wambufuta usahu wa kolo yawo,

Mika 6:8

We untu, ndi akakenya kene keli ololo, Kakona katuyanga Latuyalaka uma le ye? Paka dia ntsha akambu wʼololo, dia nanga ketshi, Ndu dia nkendakendaka la ndjakitshakitsha kame la Unyashungu aye?

Mateu 23:12

Untu tshe layambiya, ayukitshakitshama. Untu tshe layakitshakitsha, ayumbiyama.

Luka 1:52

Ndi akakitshakitsha akanga wulu uma lu kiti yawo ya waulelu, Akambiya antu kʼantu.

Luka 14:11

Ne dia tshe layambiya, ayukitshakitshama; one layakitshakitsha, ayumbiyama.

Luka 18:14

Dimi lambunyutela nti: Untu oso akatshu lakandi uyindjami ndeka ukina; ne dia untu tshe layambiya, ayukitshakitshama; keli one layakitshakitsha, ayumbiyama.

Romo 5:6

Lamʼakisu weodu, lamʼakakuki etena kako, Kristu akavwela amonyodi wa Unyashungu.

1 Koreto 10:22

Khumadiondjo kutshasu kandjema uka? Wulu mbulekisu?

Euhwelu kʼElembe 32:35

Somboya eli dikambu diami, ndu difutu, Lamʼayoselo ekulu awo! Ne dia lushi lʼelanyelu kawo aya suki, La elumbwelu kawo kambuya esadi.

1 Timote 2:6

Ndi akayakimo dia ntshungula antu tshe. Dikambu ne dieyami lu tena diadio.

Tito 1:3

keli lu tena diandi, mbakandatenya diui diandi, diakawambisha dia mvutela antu uku weli olembe wa Unyashungu, Ushimbedi asu.

Jakoba 4:10

Nyuyakitshakitsha lu ashu wa Khumediandjo, ku ndi ayunyumbiya.

Jakoba 4:7

Okone nyukitanyiaki aui wa Unyashungu. Nyosemaneli le uhimbanyi, ku ndi ayunyulawo.

Jakoba 5:10

Anyasu, nyendi amvutshi wakataka diui lu lukumbu la Khumadiondjo, vo wayali djimbitelu ya fono la ya etetemalu.