1 Petero 3:4 - La Bible en Otetela (Bible K'Ekila) 1991

⁴ Keli nyuyali la elengelo kʼushami lʼutema, elengelo kʼutema a memakana la ki kahalana, kʼushinga a wulu lu ashu a Uanyashungu.

1 Petero 3:4 Iomraidhean Croise

Esambu 131:2

Mete, dimi lakayakimela lʼutema, ku vo wakalembohal a, Uku ona lukidi awele wa nyangu; Utema ami wambuyala uku ona lambukila awele.

Esambu 147:6

Latuyalaka katumbiyaka akanga a ndjakitshakitsha, Katukitshakitshaka antu wa kolo pulu ndu lu kete.

Esambu 149:4

Ne dia Latuyalaka atongenengenelaka wudja andi. Ndi ayolenga akanga a memakana la panda.

Esambu 25:9

Ndi atolombolaka akanga a ndjakitshakitsha lu akambu wʼololo, Atulimbitshiyaka akanga a ndjakitshakitsha mbuka kandi.

Esambu 45:13

Ona umuntu a khumʼekanga atuyalaka la lutumbu tshe lʼatei a luudu la shi. Ekutu andi wakatelama la eshinga wa paunyi.

Esambu 51:6

We atulangaka mete kʼumakʼesi utema, Ayumbetshaka akambu wa yimba lʼatei utema.

Isaya 11:4

Keli ndi ayulumbuya asi wula la sambu kʼololo, Ayusambula akanga a memakana wa la kete aha la shonodi. Ndi ayokomola kete la diui diandi uku ohehela. Ndi avudiaka antu wa kolo la luwi lʼuma lʼunyo andi.

Isaya 29:19

Akanga a memakana wayutamanya ngenangena le Latuyalaka, Ndu asi wula lʼatei wʼantu wayongenangena le lʼEkila la Isariyele.

Isaya 57:15

Ne dia KhumʼUlungu, kanga edjaselu ka pundju Ndu kanga lukumbu lʼekila, kata ati: Dimi layudjase ladiku lu dihuli diʼekila, Kame la kanga utema wambate ndu wa ndjakitshakitsha, Dia mbulula lumu la kanga ndjakitshakitsha La nkikitsha kanga utema wambate.

Isaya 61:1

Nyuma ka Khumadiondjo, Latuyalaka keli la mi, Ne dia Latuyalaka akankiti iso Dia dimi nsambisha amenyi fono lukumu lʼololo. Ndi akantumi dia dimi nkonoya akanga wʼetema wambate, Dia mvutela fumbi dia vo ndjala la ndjadjasela, La dia mvutela asi lukanu dia vo ntshungo;

Jeremiya 51:59

Aui aso mbakatela umvutshi Jeremiya, Seraya, onʼa Neriya, onʼa Masea, lamʼakandatshu ndi la Zedekiya, khumʼekanga ka Juda, utsha la Babilona lu eleku ka nei ka diulelu diandi. Seraya aki olombodi wa ekambi wa lu luudu la khumʼekanga.

Mateu 11:29

Nyembe lokoho lami, nyeki akambu uma le mi. Ne dia dimi la memakana la ndjakitshakitsha lʼutema, ku nyu nyayutana mumuya lʼetema anyu,

Mateu 21:5

Nyuteli ona umuntu a Siona nyati: Endia, khumʼekanga kaye kayayi le ye, Ndi la memakana, ahemi ladiku dia pundia, Ndu ladiku dia osongo a pundia, lakuto le pundia.

Mateu 23:26

We Ufamse a tshungu! utaotshisha lʼetei a dikoho la donga, okone ndu lʼandja ayuyala pudipudi.

Mateu 5:5

Wane weli la memakana, weko la otshoko, ne dia vo wayukita kete.

Luka 11:40

Nyu nyeko dinginya! Undi, one lakadikingi lʼandja awo, ndi kunkinga ndu lʼetei awo?

Luka 16:15

Jesu akawatela ati: Nyu nyeli antu wayayindja lu ashu wʼantu, keli Unyashungu mbeyaka etema anyu. Diango diambolemiama lʼatei wʼantu diambendjwama lu ashu wa Unyashungu.

Romo 1:23

Vo wakingula lutumbu la Unyashungu lahalana la efanelu kʼuntu layuvo, ndu ka fudu, ndu ka nyama ya sanga nyei, ndu ka diango diayakutula.

Romo 2:29

Keli untu eli usi Juda dia akambu wa lʼutema. Ahemelu kʼuhekeli ka mete keli ka lʼutema uma le Nyuma, aha la aui. Diandu diandi diaha uma le antu. Dio dieli uma le Unyashungu.

Romo 6:6

Shu mbeyaka shati: Utundu asu wʼedjedja wakadiakema kame la ndi lu utamba a mpeketanya ne dia dimba diʼakambu wa kolo nanyema, diaha shu ndjala fumbi yʼakambu wa kolo ntu.

Romo 7:22

Dimi ngenangenaka lʼelembe wa Unyashungu umakʼesi utema.

2 Koreto 10:1

Dimi Paulu lambunyosengasenga dia memakana la kenemo ka Kristu — dimʼako lukitshikitshi la ntundu kanyu lamʼemi la nyu, keli amakina dimi ndjalaka la di anga lu dikambu dianyu! —

2 Koreto 4:16

Okone shu hatuheko. Keli kuyanga dimba diasu diatuvokaka, utema asu atuyalaka uyuyu la lushi la lushi.

Ngalatiya 5:23

memakana, ndjaenda. Kema olembe lu akambu wa wuhu oso.

Efeso 4:2

la ndjakitshakitsha tshe ndu memakana, ndu la ndjakimela, ndu nyimanyanyiana kolo la ngandji.

Kolosai 3:12

Ne dia nyu nyeko esonami wa Unyashungu, la ekilami wa ngandji, osoku nyolote etema wa ketshi, la wa memakana, la wa ndjakitshakitsha, la wa kenemo, la wa kolamelu.

Kolosai 3:3

Ne dia nyu nyakavu, ku lumu lanyu lambushama la Kristu le Unyashungu.

1 Tesalonika 4:11

la dia nyu nyanga ndjala la ki, la dia untu lʼuntu ndjatshela akambu andi, la dia nkamba lʼanya andi, uku akatanyutela.

2 Tesalonika 3:12

Kakiane, shu tambosengasenga antu wa wuhu oso, ndu tambasengasenga le Khumadiondjo Jesu Kristu, dia vo nkamba ulimu la ki, ndu dia ndjayangela ma diawo.

1 Timote 2:2

ndu khumi ya dikanga ndu wane weli lu ahuli wa ladiku tshe, dia shu ndjala la lumu la memakana ndu ki lu akambu wʼololo tshe la wa kenemo.

2 Timote 2:25

Ewuli atunyi wa dikambu la memakana, kana Unyashungu ayukadimula etema two dia vo mbeya akambu wa mete,

Tito 3:2

Tawotengaki untu, tawuyalaki la ngala, keli wayali la memakana, wenya antu tshe ndjakitshakitsha lu akambu tshe.

Jakoba 1:21

Okone nyunya akambu wa sonyi la wa kolo tshe. Nyetawo diui diunewo lʼetema anyu la memakana; dio mbeya nshimbela nyumu yanyu.

1 Petero 1:23

Nyu nyakutama ntu, aha lu wuhu wa diango diatulanaka, keli lu wuhu wa diango diahalana, lu diui dia Unyashungu dieli la lumu, dieli pundju.

1 Petero 3:15

Keli nyukidia Kristu uku Khumadiondjo lu etema anyu. Nyutayalongosodi dia nyu mbeya lama nkaluya diui le untu tshe lanyumbula, dia elungamelu keli lʼetema anyu. Keli nyutshi okone la memakana la woma.

1 Samuele 16:7

Keli Latuyalaka akatela Samuele ati: Tendaki elundji kʼuntu kuyanga diema diandi, ne dia dimi lakutuni. Latuyalaka hatendaka kene katendaka untu. Ne dia untu atendaka kene kenandi lu ashu, keli Latuyalaka atendaka utema.