1 Petero 2:5 - La Bible en Otetela (Bible K'Ekila) 1991

⁵ Okone ndu nyu nyeko uku ave wa lumu, wambunyete uku luudu la Nyuma, dia nyu ndjala elombedi wʼekila, ne dia nambula elambu wa Nyuma, wangenyangenya Unyashungu le Jesu Kristu.

1 Petero 2:5 Iomraidhean Croise

1 Khumi ya Dikanga 7:11

Vo wakakitsha ave wʼushinga a wulu wakawakolonga uku tediko takawahumbi, ndu etamba wʼesasi ladiku dia atshina.

Esambu 141:2

Dombelo diami diayali uku ulambu wa lutshumba la ntundu kaye, Ndu edielu ka anya ami uku ulambu wa dikolo!

Esambu 50:14

Nyulambuli Unyashungu elambu wʼeukelu ka lusaka, Nyushidiya alaka anyu le KhumʼUlungu.

Esambu 50:23

One latukimoka ulambu wʼeukelu ka lusaka, latumandulaka, Ndu latuluwanyaka lokendo landi, Dimi layuwenya panda ka Unyashungu.

Etumbelu 19:6

Nyu nyayuyala diulelu diʼelombedi ndu wudja wʼekila le mi. Aui aso mbayuyutela asi Isariyele.

Tukedi 9:1

Yimba yakayahikela luudu, Yakasele dikoho dialo esambeli.

Isaya 61:6

Nyu nyayetama elombedi wa Latuyalaka. Antu wayunyeta vati: Ekambi wa Unyashungu asu. Nyu nyayole engonyi wa wedja, Ndu nyayutumbwama uma lʼengonyi awo.

Isaya 66:21

Uma lʼatei awo, mbayumosonola elombedi la asi Lewi, mbata Latuyalaka.

Hosea 14:2

Nyotole aui, nyukaluli le Latuyalaka. Nyutuwateli nyati: Utudimanyia kolo yasu tshe, ulunguli kene keli ololo. Shu tayukulambula elua wʼuma lʼenyo asu uku ulambu.

Malaki 1:11

Uma lʼehutwelu ka unya pulu ndu lʼedjelu kawo, lukumbu lami layuyala wuki lʼatei a wedja. Wayulambula lukumbu lami malashi la ulambu wa pudipudi lu ahuli tshe, ne dia lukumbu lami layuyala wuki lʼatei a wedja, mbata Latuyalaka Kanga lulimbilimbi.

Romo 12:1

Anyasu, dimi lambunyosengasenga uma lʼakambu wa ketshi wa Unyashungu nti: Nyulambuli alimba anyu uku ulambu wa lumu, la wʼekila, la wa ngenyangenya Unyashungu. Wuhu oso mbukukinyu ntsha.

Romo 15:16

dimi lambuyala usambisha wa Jesu Kristu le asi wedja. Lʼesambishelu kako ka lukumu lʼololo la Unyashungu kambuyala ulambu wʼasi wedja nungwama la nkidiama le Nyuma kʼOlolo.

1 Koreto 3:16

Nyu hanyeyi nyati: Uku etemwelo ka Unyashungu mbenyu, la Nyuma ka Unyashungu atudjaseka lʼetema anyu?

1 Koreto 3:9

Ne dia shu teko ekambi kame la Unyashungu, nyu nyeko ekambo ka Unyashungu, la luudu la Unyashungu.

1 Koreto 6:19

Nyu hanyeyi nyati: Alimba anyu weko etemwelo ka Nyuma kʼOlolo, keli le nyu, kakanyalungula uma le Unyashungu? Alimba waha wanyu;

2 Koreto 6:16

Etemwelo ka Unyashungu la ka dikishi weko la esohanelu kakona ne dia shu teko etemwelo ka Unyashungu a lumu; uku akati Unyashungu ati: Dimi layuyala lu etema awo, Layokendakenda lu etema awo. Dimi layuyala Unyashungu awo, Ndu vo wayuyala antu ami.

Ngalatiya 6:10

Okone lamʼekisu la etena kʼololo, tutshelaki antu tshe ololo, ndjekaleka le embetawudi.

Euhwelu kʼElembe 18:2

Vo hawuyala la ukito lʼatei wʼanengewo. Latuyalaka keli etenyi kawo kʼukito uku akandawatela.

Filipi 1:11

la dia nyu ndudiama la elua wʼakambu wʼololo weli uma le Jesu Kristu, ne dia lutumbu la diandu dia Unyashungu.

Filipi 2:17

Ee, naka dimi layutshulwama uku ulambu wa lutela ladiku dia nyama kʼulambu wa mbetawo kanyu, dimi leko la ongenongeno, lambongenangena kame la nyu tshe.

Filipi 4:18

Keli dimi la diango tshe, lambongona. Dimi lambuluta, ne dia lakalungula diango diakanyatumela le Epaforodito, dieli uku upumu wʼololo, uku ulambu wʼololo wa ngenyangenya Unyashungu.

Kolosai 3:17

Akambu tshe watanyu la watshanyu, nyutshi tshe lu lukumbu la Khumadiondjo Jesu. Nyuki Unyashungu Shesu lusaka dia dikambu diandi.

1 Timote 3:15

Keli naka dimi layutshikala etenyi kʼutali, we ayeya ikainbu weli ololo antu ntsha lu luudu la Vnyashungu, leli ekelizia ka Unyashungu a lumu, ekoho la usuko wʼakambu wa mete.

Heberu 3:6

Keli Kristu aki ladiku dia luudu la Unyashungu uku ona. Shu teli uku luudu landi, naka shu tayushikikala lu dihunga diasu, lu lutumbu ndu lu elungamelu kasu edja ndu lʼekumelu.

1 Petero 2:9

Keli nyu nyeko wudja wakawasonola, nyeko elombedi wa lu diuhu dia khumʼekanga, la wudja wʼekila, antu wa Unyashungu ndame, dia nyu menya akina ololo wa one lakanyeti uma lu udjima utsha lu yanyi yandi ya mamba.

1 Petero 4:11

Naka untu atutaka diui, ati uku atandi aui wa Unyashungu; naka untu atukambelaka akina ulimu, atshi la wulu watuwushaka Unyashungu, ne dia Unyashungu atumbwami lu akambu tshe uma le Jesu Kristu. Lutumbu la diulelu wayali le ndi pundju pundʼiu! Ayali osoku!

1 Petero 4:17

ne dia etena kambukuka dia elumbwelu ntatela le wa lu luudu la Unyashungu. Naka to kambutatela le su, ukundi ayuyala ekumelu ka waku wahakitanyia lukumu lʼololo la Unyashungu?

Enyelo 1:6

lakatete akanga a diulelu, la elombedi a Unyashungu Shi; lutumbu la diulelu wayali le ndi pundju pundju! Ayali osoku!

Enyelo 20:6

Wane wakulo uma lu nyoi lu eulwelu ka ntundu, weko la otshoko ndu ekila! Nyoi ka hendi huyala wulu le wo, keli vo wayuyala elombedi wa Unyashungu la wa Kristu; vo wayulela kame la ndi deku kinunu.

Enyelo 3:12

One laleka akambu wa kolo wulu, dimi layuwete uku ekoho ka lu etemwelo ka Unyashungu ami; ndi hatumbi uma loko pundju. Ku dimi layufunda lukumbu la Unyashungu ami lu dimba diandi, ndu lukumbu la usumba wa Unyashungu ami, Jerusalema yʼuyuyu, yayuya uma lʼulungu uma le Unyashungu ami, ndu lukumbu lami lʼuyuyu

Enyelo 5:10

We kawaete uku diulelu la elombedi le Unyashungu asu; Vo wayulelaka la kete.