1 Petero 2:12 - La Bible en Otetela (Bible K'Ekila) 1991

¹² Nyuyali la ditshelu diʼololo lʼatei wʼasi wedja. Okone, naka wambunyosongwela vati: Nyu nyeko atshi wa kolo, naka vo wayena etsha anyu wʼololo, ku vo wayutumbula Unyashungu, lu lushi layundakendela.

1 Petero 2:12 Iomraidhean Croise

Esambu 37:14

Antu wa kolo wambosomola tombo tawo, Wambolema eta awo, Dia nembia amenyi fono la asi wula, La dia ndjaka wane watokendakendaka lu mbuka kʼololo.

Esambu 50:23

One latukimoka ulambu wʼeukelu ka lusaka, latumandulaka, Ndu latuluwanyaka lokendo landi, Dimi layuwenya panda ka Unyashungu.

Isaya 10:3

Kayunyutsha lu lushi lʼelumbwelu, Lamʼayuya elanyelu le nyu uma lʼetali? Le na ayunyulawo dia nkundja ekimanyelu, Ndu lendi ayunyutatshiki lutumbu lanyu?

Danyele 6:4

Ewandji la elohe wakatayangaka Danyele la dikambu dia mbufunda lu akambu wa diulelu. Keli vo kumbutana nduku la dikambu kana munga ka mbufunda, ne dia ndi aki la kolamelu. Vo kumbena la munga kuyanga la kiambukambu.

Mateu 10:25

Ambukuka dia umbeki ndjala uku umbetsha andi, la ukambi uku khumendi. Naka vo waketi kanga luudu vati: Belezebulu, hawuleki mbeta antu andi osoku uka?

Mateu 5:11

Lamʼayuwunyotenga, lamʼayuwunyusuya, lamʼayuwunyumamanyia wehu tshe wʼakambu wa kolo dia dikambu diami, nyeko la otshoko.

Mateu 5:16

Okone usasi anyu ahete la ntundu ka antu, dia vo kaweyi etsha anyu wʼololo, kawutumbuli Shenyu le lʼulungu.

Mateu 9:8

Keli lamʼakenyi elui wʼantu dikambu so, vo wakuki woma, wakatemola Unyashungu lakasha antu wulu wa wuhu oso.

Luka 1:68

Wanduli Khumadiondjo, Unyashungu wa Isariyele; Ne dia ndi akakendela antu, akatshela etshungwelu.

Luka 19:44

Vo wayukuhumanya la kete, ndu we ndu anʼaye weli lʼatei aye. Vo hawutshika dive ladiku dia dikina lʼatei aye, ne dia we heyi etena kayukokendela akambu aso.

Luka 6:22

Lamʼayunyuhetsha antu, lamʼayuwunyunya uma lʼului awo, lamʼayuwunyuhangwela, ndu lamʼayuwutundja kumbu yanyu vati: Kolo, lu dikambu dia Onʼa untu, nyeko la otshoko.

Joani 13:31

Lamʼakandatumbi, Jesu akati ati: Kakiane Onʼa untu ambutumbwama, ndu Unyashungu ambutumbwama lʼutema andi.

Etsha wa Atumami 15:14

Simeyona akasanya okone akakendela Unyashungu asi wedja ntundu, dia nsonola antu amotshi uma lʼatei awo dia lukumbu landi.

Etsha wa Atumami 24:13

Vo haweyi nshikike akambu wansongwelawo kakiane.

Etsha wa Atumami 25:7

Lamʼakandayi, asi Juda waki uma la Jerusalema wakemala wudingi, wakosongwela akambu wa wulu efula, wakiwo kumbeya nshikike.

Etsha wa Atumami 28:22

Keli shu nangaka mbuka uku akanaye dia otemwelo one. Shu mbeyaka shati: Lu ahuli tshe, antu mvutaka aui wa kolo lu dikambu diawo.

Romo 12:17

Tanyukaluyaki untu kolo lu kolo, keli nyudjaki tukanyi lu akambu weli nemo lu ashu wʼantu tshe.

Romo 13:13

Tokendekende ololo, uku atokendakendaka antu la yanyi, keli aha lʼongenongeno wʼakambu wa kolo, aha lʼediwelu ka wanu, aha la munanyi la akambu wa sonyi, ndu aha la lundju la kandjema.

Romo 14:18

One latukambelaka Kristu ulimu wuhu oso, atongenyangenyaka Unyashungu, ndu atolemiamaka le antu.

Romo 15:9

dia asi wedja ntumbula Unyashungu dikambu dia ketshi kandi. Uku akafundama ati: Okone dimi layukandula lʼatei wʼasi wedja, Layimbelaka lukumbu laye esambu.

1 Koreto 14:25

Akambu wushami lʼutema andi, wayusho, ku ndi ayukhusama, ayotemola Unyashungu; ayuta ati: Unyashungu eko lʼatei anyu mete.

2 Koreto 1:12

Shu tambuyatumbula lu dikambu ne; ndu khumʼutema keli omenyi asu ati: Shu takakendakenda lʼatei a wa la kete, djekaleka lʼatei anyu, lu ekila la mete ka Unyashungu; aha lu yimba yʼantu, keli lu ngandji ka mamba ka Unyashungu.

2 Koreto 13:7

Shu tambolomba Unyashungu shati: Nyu tanyutshaki dikambu dia kolo. Aha ne dia shu ndjala uku wane wetawonyu, keli dia nyu ntsha akambu wʼamena, kuyanga shu tayuyala uku antu wʼanyanya.

2 Koreto 8:21

Ne dia shu tatukanaka yimba yʼakambu wa kenemo, aha lu ashu wa Khumadiondjo utu, keli ndu lu ashu wʼantu.

Efeso 2:3

Ndu shu tshe takakendakendaka lʼatei awo ntundu la saki yʼalimba asu, takayelaka saki yʼalimba asu la tukanyi tasu, takuto ana wa kele, uku aki akina.

Efeso 4:22

Nyunya ditshelu dia wuhu anyu wa ntundu, untu edjedja, latulanaka dia ndjela saki ya lukesu.

Filipi 1:27

Dikambu otoi, wuhu anyu wa lumu wasungani la lukumu lʼololo la Kristu. Okone kuyanga dimi layuya dia ndjunyenda, kuyanga handji, dimi nangaka mbuka okone wenyu, ati: Nyu nyambushikikala lu Nyuma otoi, la utema otoi; nyambutetemala lu mbetawo ka lukumu lʼololo.

Filipi 4:8

Anyasu, diui diami dia ndjihelu ne nti: Akambu weli mete, akambu weli la kenemo, akambu wʼusimbwi, akambu weli pudipudi, akambu weli amena, akambu weli la lukumu lʼololo; naka dikambu diʼololo dieko, naka dikambu dia mandula dieko, nyukani dia akambu aso.

1 Tesalonika 4:12

Okone nyu nyayeya nkendakenda ololo lu ashu wʼantu wahatetawo, ndu hanyeya mpumba engo.

1 Timote 2:2

ndu khumi ya dikanga ndu wane weli lu ahuli wa ladiku tshe, dia shu ndjala la lumu la memakana ndu ki lu akambu wʼololo tshe la wa kenemo.

1 Timote 4:12

Untu tonyolaki nshi yaye yʼolongo a pami. Keli uvali djimbitelu le wane wetawo, lu aui, ndu lu ditshelu, ndu lu ngandji, ndu lu mbetawo, ndu lu pudipudi kʼutema.

1 Timote 5:10

Keli we mbeyaka nfunda umuntu, naka ndi la lukumu lʼelimu wʼololo; naka ndi akudia ana, naka ndi akatshelaka angendangenda ololo, naka ndi akotshaka ekulu wʼekilami, naka ndi akakimanyiaka antu waki la asui, naka ndi akatetemala ntsha elimu wʼololo tshe.

Heberu 13:18

Nyutolombelaki, ne dia shu tambeya shati: Teko la khumʼutema kʼololo, shu nangaka ndjala la kenemo lu akambu tshe.

Heberu 13:5

Tanyuyalaki la saki ya diango. Nyuyali la ongenongeno lu diango dieli la nyu, ne dia Unyashungu ndame kakati ati: Dimi hakoseke, halakutshiki.

Jakoba 3:13

Untu akona eli la ewu la yimba lʼatei anyu? Ndi enya antu akambu andi wʼololo la etsha andi wʼololo la memakana ka yimba yandi.

1 Petero 2:15

Ne dia Unyashungu nangaka nyu nembohaya eteketateketa wʼakanga a dinginya lu ditshelu dianyu diʼololo.

1 Petero 3:16

Nyuyali la khumʼutema kʼololo, okone lu akambu, wane wanyosongwela, watonyolaka ditshelu dianyu diʼololo le Kristu, wayutshama sonyi.

1 Petero 4:11

Naka untu atutaka diui, ati uku atandi aui wa Unyashungu; naka untu atukambelaka akina ulimu, atshi la wulu watuwushaka Unyashungu, ne dia Unyashungu atumbwami lu akambu tshe uma le Jesu Kristu. Lutumbu la diulelu wayali le ndi pundju pundʼiu! Ayali osoku!

2 Petero 3:11

Ne dia diango ne tshe diayolelo, ku dieli la nyu dia ndjala wuhu akona wʼantu wayunyuyala lu akambu wʼololo tshe la wʼekila.

Ruta 3:14

Ndi akatshikala etami lu ekulu andi edja ndu pindju. Ndi aketo la djikidiki. Boaza akati ati: Antu watukeya vati: Umuntu omotshi akotwe lu luudu lʼesuswelu.