1 Petero 1:7 - La Bible en Otetela (Bible K'Ekila) 1991

⁷ Ne dia ehimbelu ka mbetawo kanyu kuleki paunyi, katushishoka lamʼakihimbawo la dja ushinga a wulu, katanemi la diandu la lutumbu la kenemo lʼenelo ka Jesu Kristu!

1 Petero 1:7 Iomraidhean Croise

Jobo 23:10

Keli ndi mbeyaka mbuka katumokendakendaka, Lamʼayundushidiya mbedika asui ane, dimi layutumba uma loko pudipudi uku paunyi.

Jobo 28:1

Mete, dihuli dieko lene atuwosaka diango dia ntsha fesa, Ndu dia paunyi yatuwutshulaka.

Esambu 17:3

Naka we ayedika utema ami, naka we ayumenda lʼutshu, Naka we ayunshishima, we hutana nduku engo ka kolo le mi. Kanyi yami hayutshikitana lʼaui watumba uma lʼunyo ami.

Tukedi 16:16

Ndi nkundja yimba ndeka nkundja paunyi olo li! Dia nkundja ewu ndeka nsonola fesa ololo.

Tukedi 17:3

Puki keko dia ndelola fesa, khuka ka ntshula paunyi. Keli Latuyalaka katediaka etema.

Tukedi 8:19

Ulua ami ndeka paunyi ololo, ee, ndeka paunyi ka lutshula; La waho ami ndeka fesa kʼololo dimena.

Undaki 5:14

Ekundji ako watushishoka lu ulimu wʼanyanya, ndi ambuta ona, ku nduku engo lu anya andi.

Isaya 48:10

Dimi lakakutshulula, aha uku atuwutshululaka fesa, Keli lakedika lu khuka kʼasui.

Jeremiya 48:36

Okone utema ami atukhumaka akhumu uku dikhumu dia pungi lu dikambu dia Kire-Herese, ne dia diango tshe diakawamotsha, diakashisho.

Jeremiya 9:7

Okone Latuyalaka Kanga lulimbilimbi kata ati: Enda, layaedika, layahimba. Na dikambu dikina dieyami ntsha dikambu dia wudja ami?

Zekariya 13:9

Dimi layudja etenyi otoi ka satu lu dja, Layuwaedia uku atuwediaka fesa. Dimi layahimba uku atuwuhimbaka paunyi. Vo wayetaka lukumbu lami, ku dimi layuwaukelaka. Dimi layutaka nti: Vo weko wudja ami! Ku vo wayutaka vati: Latuyalaka keli Unyashungu asu!

Malaki 3:3

ndi ayudjase uku ondelodi, la ombedishi wa fesa. Ndi ayedia ana apami wa Lewi, ayalelola uku paunyi la fesa. Okone vo wayulambula Latuyalaka elambu wʼololo.

Walelu 5:28

Keli naka untu kundjasanya, eko pudipudi, ndi ayuhanda, ndu ayuyala la diwutshi.

Mateu 19:28

Jesu akawatela ati: Mete kanyutelami ndi: Lu lushi layuyala andja wʼuyuyu, lamʼayudjase Onʼa untu lu kati ka diulelu ka lutumbu landi, ndu nyu nyayudjase lu kati ya diulelu dikumi la hyendi, nyayulumbuya wedja dikumi la ehendi wa Isariyele.

Mateu 25:21

Khumendi akawutela ati: Kawo, we ukambi wʼololo la kolamelu. We aki la kolamelu lu diango tshitshe, dimi layukukitsha ladiku dia diango efula. Oto lu ongenongeno wa khumeye.

Mateu 25:23

Khumendi akawutela ati: Kawo, we ukambi wʼololo la kolamelu. We aki la kolamelu lu diango tshitshe, dimi layukukitsha ladiku dia diango efula. Oto lu ongenongeno wa khumeye.

Luka 12:33

Nyusundja dieli la nyu; nyusha antu diango la ketshi. Nyuyatsheli atapa wahuyala emusu, la eumbelu lʼulungu kahashili, lene ahatusukanaka uvi, lene ahatulanyaka yumumbu.

Luka 17:30

wuhu oso mbayuyala lushi layushwama Onʼa untu.

Joani 12:26

Naka untu ambunkambela ulimu, ndi andjeli. Ukambi ami ayuyala lene ayumuyala. Naka untu ayunkambela ulimu, Papa ayolemia.

Joani 5:44

Ukundi weyanyu mbetawo nyu wane watuyatumbulaka, wahatuyangaka lutumbu laya uma le Unyashungu ndame?

Etsha wa Atumami 8:20

Keli Petero akawutela ati: Fesa yaye yavu la ye! ne dia we ambukana wati: Dimi layulungula ushasha a Unyashungu la falanga.

Romo 2:10

Keli lutumbu, kenemo, la ki le untu tshe latutshaka ololo, ntundu le usi Juda, ku le usi Ngirika.

Romo 2:29

Keli untu eli usi Juda dia akambu wa lʼutema. Ahemelu kʼuhekeli ka mete keli ka lʼutema uma le Nyuma, aha la aui. Diandu diandi diaha uma le antu. Dio dieli uma le Unyashungu.

Romo 2:7

lumu la pundju le wane watuyangaka lutumbu, kenemo la lumu lahalana uma lu eteti kawo ka ntsha ololo.

Romo 8:19

Ne dia ditungatunga tshe diatulungamelaka la pusa ka wulu dia mena enelo kʼana wa Unyashungu.

1 Koreto 3:13

ulimu wa untu lʼuntu wayenama, ne dia lushi la dienyanyu diʼelimu lu dja layuyala; dja yame yayuhimba ulimu wʼuntu lʼuntu okone wewo.

1 Koreto 4:5

Okone tanyulumbuyaki akambu ntundu Khumadiondjo atayi, one layushula akambu wushami wa lu udjima, layushula tukanyi tʼetema. Ku untu lʼuntu ukuyala la diandu diandi uma le Unyashungu.

Jakoba 1:12

Untu lakikitala lʼehimba eko la otshoko, ne dia lamʼayunduleka ehimba wulu, ndi ayulungula dembo dia kusu dia lumu, diakalaki Khumadiondjo wane wulanga.

1 Petero 1:13

Okone nyolongosole tumba tanyu, nyuyali ki. Nyushikike elungamelu kanyu lu ngandji ka mamba kayuwunyusha lʼenelo ka Jesu Kristu.

1 Petero 1:5

Nyu ane wambulamema lu wulu a Unyashungu dia mbetawo kanyu, nyayuyala la panda kayenyama le nyu lʼetena kʼekumelu.

1 Petero 2:4

Nyuyi le ndi, le dive dia lumu, diakatuni antu, keli dio diakasonwama le Unyashungu, ndu dieko ushinga a wulu.

1 Petero 2:7

Ndi eko ushinga a wulu le nyu, nyu wane wetawo. Keli le wane wahetawo, Dive diakatuni ambiki wa luudu, Diakawakitsha lʼote a tshuku,

1 Petero 4:12

Elangimi ami, tanyambaki dia akambu wa wulu weli lʼatei anyu, wambuya le nyu dia nyuhimba, nyati: Dikambu dʼuyuyu diambuya le su.

1 Petero 4:13

Keli nyongenengene, ne dia nyu nyambusuwa la Kristu, ne dia nyu mbeya ngenangena lʼongenongeno utamanya lʼenyelo ka lutumbu landi.

1 Petero 5:1

Dimi lambokokomiya dikumanyi dia lʼatei anyu, ndu dimi keli ekumanyi, ndu omenyi wʼasui wa Kristu, ndu ulungudi a lutumbu layanga menama, nti:

2 Petero 1:1

Simona Petero, ukambi la utumami a Jesu Kristu. Le antu wakalungula mbetawo kʼololo pupu uku keli la su lu ololo a Unyashungu asu Ushimbedi Jesu Kristu:

2 Petero 1:4

Lu akambu ane, mbakandatusha alaka wa ushinga a wulu la wa waki otekoya. Lu dikambu diawo, mbayuwunyete elungudi wʼakambu wʼololo weli lʼutema a Unyashungu. Nyu nyakahandi uma lʼehondelo keli le wa la kete uma lu saki ya kolo.

2 Petero 3:14

Okone, elangimi ami, ne dia nyu nyambulungamela akambu ane, nyutetemali dia nyu ntanema la ki, aha la vadi, aha la unungu lu ashu andi.

Jude 1:24

One leya nyulama diaha nyu ntakana, leya nyukitsha nyaha la vadi la ntundu ka lutumbu landi la ongenongeno utamanya,

Enyelo 1:7

Enda, ndi uyayi lu angi. Ashu tshe wayuwena, ndu wane wakawungula dikonga. Ku wedja tshe wa la kete wayulela dia dikambu diandi? Elu. Ayali osoku!

Enyelo 2:10

Tukaki akambu wayangaye nsuwa woma. Ulungi, uhimbanyi uyanga mbidja amotshi anyu lu lukanu dia nyuhimba, keli nyu nyayusuwa nshi dikumi. Utetemali edja ndu lu nyoi, ku dimi layukusha dembo dia kusu dia lumu.

Enyelo 3:10

Ne dia we akakitanyia diui diʼetetemalu kami, dimi layukulama uma lu unya uku wʼehimba, wayuyala le wa la kete tshe, ne dia mpimba wane wudjashi la kete.

Enyelo 3:18

Okone dimi lambukutela nti: Usumbi paunyi le mi yakawalongosola la dja, dia we ndjala kanga ongonyi; ndu ahondo wa wema, wa ndota, sonyi ka utakataka aye katukenama; ndu iso ka mbidja lu ashu, dia we nsena.

1 Samuele 2:30

Okone Latuyalaka, Unyashungu wa Isariyele, kata ati: Dimi lakataka nti: Mete, wa lu luudu laye la wa lu luudu la sho wayokendakendaka la ntundu kami pundju. Keli kakiane dimi Latuyalaka, kata nti: Kanyi sho yeko etali uma le mi. Wane watonemiaka, mbayumolemia, la wane watomonyolaka, wayonywama.