1 Petero 1:5 - La Bible en Otetela (Bible K'Ekila) 1991

⁵ Nyu ane wambulamema lu wulu a Unyashungu dia mbetawo kanyu, nyayuyala la panda kayenyama le nyu lʼetena kʼekumelu.

1 Petero 1:5 Iomraidhean Croise

Jobo 19:25

Keli dimi mbeyaka nti: One layunyindja eko. Ndi ayuyemala lʼekumelu ladiku dia kete.

Esambu 37:28

Latuyalaka atulangaka sambu kʼololo. Ndi hatosekaka ekilami andi. Antu wʼololo watulamemaka pundju, Keli ana wʼantu wa kolo wayunyema.

Tukedi 2:8

Dia ndi nama mbuka ya sambu kʼololo La mumbela ekilami andi mbuka.

Isaya 45:17

Keli nyu, asi Isariyele, nyayushimbamela Le Latuyalaka la panda ka pundju, pundju. Nyu hanyuhananaki, hanyutshamaki sonyi.

Isaya 51:6

Nyedia ashu utsha lʼulungu, Ndu nyuhuluya ashu utsha la kete. Ulungu ayunyema uku dinga. Kete yayoko uku umusu wa dihondo. La wane watudjaseka loko wayuvo uku tshingu. Keli panda kami kayutshikalaka pundju, La sambu kami kʼololo huyala lʼekumelu.

Isaya 54:17

Ehumo tshe kambutshulama dia ndo la ye huluwana. Lulimi tshe layukutungeia dikambu lʼelumbwelu, We ayuludja mananu. Oso eli sangu diʼekambi wa Latuyalaka. Oso eli eyindjamelu kawo ima le mi, mbata Latuyalaka.

Isaya 66:22

Uku wayutshikala ulungu wʼuyuyu la Kete yʼuyuyu yayangami ntunga, Mbayutshikala tukanula taye la lukumbu laye La ntundu kami, mbata Latuyalaka.

Jeremiya 23:4

Dimi layukitsha alami dia mbalamaka. Vo wayaleshaka; hawuyuka woma kuyanga mundama la sasi. Nduku otoi awo ayushisho, mbata Latuyalaka.

Jeremiya 32:40

Dimi layudja la wo sheki ya pundju, yaha dimi nkadimo uma le wo, dia mbatshela ololo. Dimi layudja woma ami lu etema awo diaha vo mumo uma le mi.

Joani 12:48

One latuna, lahalungula aui ami, ndi eko la one layulumbuya. Diui diatami, mba, ulumbuya lushi lʼekumelu.

Joani 17:15

Dimi halombe nti: Uwanya la kete, keli lambukolomba nti: Uwashimbeli uma lu kolo.

Joani 4:14

Keli untu tshe layono ashi wayumuwusha, huki pusa pundju. Keli ashi wayumuwusha, wayuyala lʼutema andi uku eteko kʼashi, kambumbela utsha lu lumu la pundju.

Joani 5:24

Mete, mete, kanyutelami nti: One luka diui diami, letawo lakantumi, ndi eko la lumu la pundju. Ndi huya lʼelumbwelu, keli ndi ambeta uma lu nyoi utsha lu lumu.

Romo 11:20

Osoku mbedio. Vo wakahimbwama ne dia uhedia awo, keli we atushikikalaka uma lu mbetawo kaye. Tuyasemaki, keli ukaki woma.

Romo 8:18

Dimi lambukana nti: Asui wa lʼetena kene hawedima la lutumbu layenama le su lʼokongo diku.

1 Koreto 1:21

Ne dia tambena yimba ya Unyashungu shati: Antu kumbeya Unyashungu uma lu yimba yawo, okone Unyashungu akasonola dinginya dia nsambisha diui diandi, ne dia nshimbela wane wawetawo.

2 Koreto 1:24

Shu hatahamela mbetawo kanyu, keli teko ekimanyidi wʼongenongeno anyu, ne dia nyu nyambushikikala lu mbetawo kanyu.

Ngalatiya 2:20

Dimi lakadiakema lʼutamba a mpeketanya kame la Kristu. Dime kema la lumu, keli Kristu keli la lumu lʼutema ami. Lumu leli la mi kakiane lu dimba leko uma lu mbetawo le Onʼa Unyashungu, ako lakanangi, ndu lakayakimo dikambu diami.

Efeso 2:8

Ne dia nyu nyakashimbamela uma lu ngandji ka mamba dia mbetawo, aha uma le nyu nyame, keli ushasha uma le Unyashungu —

Efeso 3:17

dia Kristu mbidjase lʼetema anyu uma lu mbetawo, dia nyu ndjala la ediu ndu munema lu ngandji.

Filipi 1:6

Dimi latulungamelaka dikambu ne nti: One lakatatela ulimu wʼololo lʼetema anyu, ayuluwanyaka edja ndu lu lushi la Jesu Kristu.

Filipi 4:7

Okone ki ka Unyashungu, kuleki yimba tshe, ayulama etema anyu la tukanyi tanyu le Kristu Jesu.

2 Timote 3:15

Uho wati: Umaka dikenda, we akeyi afundelu wʼekila weya nkewuya dia panda uma lu mbetawo le Kristu Jesu.

Tito 2:13

Tulungameli elungamelu kasu kʼotshoko la enelo ka lutumbu la Unyashungu asu a wuki ndu la Ushimbedi Jesu Kristu,

Heberu 6:12

diaha nyu ndjala tasuasua. Keli nyukuya wane wambukita alaka ne dia mbetawo la etetemala kawo.

Heberu 9:28

okone ndu Kristu akakimoma etena otoi dia memba kolo yʼantu efula. Ndi ayene etena ka hendi, etali la kolo, le wane watukungelaka dia vo ndjala la panda.

1 Petero 1:13

Okone nyolongosole tumba tanyu, nyuyali ki. Nyushikike elungamelu kanyu lu ngandji ka mamba kayuwunyusha lʼenelo ka Jesu Kristu.

1 Petero 4:13

Keli nyongenengene, ne dia nyu nyambusuwa la Kristu, ne dia nyu mbeya ngenangena lʼongenongeno utamanya lʼenyelo ka lutumbu landi.

1 Petero 5:1

Dimi lambokokomiya dikumanyi dia lʼatei anyu, ndu dimi keli ekumanyi, ndu omenyi wʼasui wa Kristu, ndu ulungudi a lutumbu layanga menama, nti:

2 Petero 1:3

Wulu wa Unyashungu ambutusha diango tshe dieli kame la lumu la ololo andi, ne dia shu tambulimbitela one lakateti dia lutumbu landi la ololo andi.

1 Joani 3:2

Elangimi ami, kakiane ana a Unyashungu mbesu, diatenama okone ayutuyala. Shu mbeyaka shati: Naka ndi ayene, shu tayuyala uku ndi, ne dia shu tayuwena uku wendi.

Jude 1:1

Jude, ukambi a Jesu Kristu, ndu onangu Jakoba. Le wane wambetama, wambulangema le Unyashungu Shesu, ndu wambulamema dia Jesu Kristu:

Jude 1:24

One leya nyulama diaha nyu ntakana, leya nyukitsha nyaha la vadi la ntundu ka lutumbu landi la ongenongeno utamanya,

1 Samuele 2:9

We ayulamaka ekulu wa ekilami aye. Keli antu wa kolo wayulanyema lu udjima. Ne dia untu heyi ndjala la elembielo uma lu wulu andi.