1 Petero 1:21 - La Bible en Otetela (Bible K'Ekila) 1991

²¹ Nyu nyambuyala embetawudi wa Unyashungu uma le Jesu lakandulula uma lu nyoi ndu lakandasha lutumbu, dia mbetawo la elungamelu kanyu ndjala le Unyashungu.

1 Petero 1:21 Iomraidhean Croise

Esambu 42:5

Utema ami, ukundi ambuyolembiama, Ukundi ambuyutshutshumala na? Ulungamelaki le Unyashungu, Ne dia dimi layuwandula ntu. Ndi keli panda kami la Unyashungu ami.

Jeremiya 17:7

Untu latekamaka Latuyalaka eli la otshoko; La Latuyalaka eli elungamelu kandi.

Mateu 28:18

Jesu akayi le wo, akawatela ati: Wakambisha wulu tshe ndu lʼulungu ndu la kete.

Joani 12:44

Jesu akahangohango ati: One lambetawo, hambetawo dime, keli ambetawo one lakantumi.

Joani 14:1

Etema anyu tawudidimaki: nyetawo Unyashungu, nyumbetawo ndu dimi.

Joani 14:6

Jesu akawutela ati: Dimi leli mbuka, mete la lumu. Nduku untu laya le Papa, tshikima uma le mi.

Joani 17:1

Lamʼakati Jesu akambu aso, ndi akedia ashu utsha lʼulungu, akati ati: Papa, etena kambukuka. Utumbuli Onʼaye, dia Ona akutumbuli,

Joani 17:24

Papa, dimi nangaka wane wakayambisha ndjala la mi lene ayumuyala, dia vo mena lutumbu lami lakayambisha, ne dia we akanangi la ntundu kʼetatelu kʼandja.

Joani 17:5

Kakiane, Papa, untumbuli la ntundu kaye la lutumbu laki la mi kame la ye ntundu andja watatungama.

Joani 3:34

Ne dia one lakatumi Unyashungu, atutaka akambu wa Unyashungu, ne dia ndi kunkimo Nyuma la yediko.

Etsha wa Atumami 2:24

Keli Unyashungu akawulula, akukelekula uma lu shoko ya nyoi, ne dia nyoi kumbeya mtukimela pundju.

Etsha wa Atumami 3:13

Unyashungu wa Abarahama, wa Isaka, wa Jakoba, Unyashungu a watshesu, ambutumbula ukambi andi Jesu; lakanyakimo, lakanyanguna lu ashu wa Pilata, lamʼakandasanguya mbutshungula.

Etsha wa Atumami 3:15

Nyu nyakadiaki Uwandji a lumu. Unyashungu akawulula uma lu nyoi. Shu teko emenyi wa dikambu diako.

Etsha wa Atumami 4:10

Nyu tshe nyeyi, ndu asi Isariyele tshe, nyati: Lu lukumbu la Jesu Kristu yʼusi Nazareta, lakanyadiaki lu utamba a mpeketanya, lakulula Unyashungu uma lu nyoi, ne dia lukumbu lone mbemadi untu one la ntundu kanyu.

Romo 10:9

Diui diako ati: Naka we ayushula lʼunyo aye wati: Jesu keli Khumadiondjo, ndu naka we ayetawo lʼutema aye wati: Unyashungu akawulula uma lu nyoi, ku we ayushimbamela.

Romo 4:24

Keli ndu shu, wavutalela mbetawo kasu uku ololo asu, le su shu wane watetawoka Unyashungu lakulula Jesu Khumesu uma lu nyoi.

2 Koreto 6:15

Kristu eko la Beliyala ekesanelu kakona? Umbetawudi la untu lahetawo weko la etenyi kakona kame?

Efeso 1:15

Dia dikambu ne, ndu dimi lakuki lukumu la mbetawo le Khumadiondjo Jesu, keli lʼatei anyu, ndu ngandji kenyanyu ekilami tshe.

Kolosai 1:27

le wane wakalangi Unyashungu mbewuya dia ongonyi la lutumbu la dikambu ne diushami lʼatei wʼasi wedja, dieli Kristu lʼetema anyu, elungamelu ka lutumbu.

1 Timote 1:1

Paulu, utumami a Kristu Jesu uku olembe a Unyashungu Ushimbedi asu, la Kristu Jesu elungamelu kasu.

1 Timote 3:16

Aha tamu, ne dia dikambu diushami dia otemwelo asu dieko wuki, ati: Unyashungu akenama lu cunha, Akayindjama le Nyuma, Akenama le andjelo, Akasambishama lʼatei a wedja, Aketawoma le wa la kete, Akalungwama utsha lʼulungu lu lutumbu.

Heberu 2:9

Keli shu menaka Jesu, one lakawaete lʼokongo wa andjelo yema, ulimbi dembo dia kusu la lutumbu ndu la kenemo ne dia asui wa nyoi, ne dia ndi mvwela antu tshe, dia ngandji ka mamba ka Unyashungu.

Heberu 6:1

Okone tutshiki dietshelu dia ntunduntundu dia Kristu, tutetemali lu ditshetu diʼetshundju wʼantu. Tatuhikaki tshina diʼekadimwelu kʼetema kʼuma lu etsha wa nyoi ntu, ndu dia mbetawo kʼutsha le Unyashungu,

Heberu 7:25

Okone ntu, ndi mbeyaka nshimbela wane watusukanaka le Unyashungu tena tshe dia dikambu diandi, ne dia ndi atuyalaka la lumu pundju ne dia mbateketela.

1 Petero 1:11

Vo wakayangi etena kakona la wuhu akona wʼetena kakawatela Nyuma ka Kristu kaki lʼetema awo lamʼakandawatela dia asui wa Kristu la ntundu, la dia lutumbu lakayayakaka lʼokongo awo.

1 Petero 1:3

Watumbuli Unyashungu Shi Khumesu Jesu Kristu! Ndi akatuti ntu uma lu ketshi kandi ka wuki, dia shu ndjala la elungamelu ka lumu ne dia eulwelu ka Jesu Kristu uma lu nyoi;

1 Petero 3:22

Ndi akatshu lʼulungu, eko la lunya la pami la Unyashungu; andjelo, akanga a waulelu la akanga a wulu wakayala lʼokongo andi.