1 Petero 1:15 - La Bible en Otetela (Bible K'Ekila) 1991

¹⁵ Keli one lakanyeti, eko ekila, okone ndu nyu nyuyali ekila lu ditshelu dianyu tshe.

1 Petero 1:15 Iomraidhean Croise

Isaya 35:8

Mbuka kayuyala leko, osese a wuki wayuweta vati: Osese wʼekila. Wane wahatalongoswama haweti loko. Tekeko la akanga a dinginya haweyi mbetola utsha loko. Osese ako ayuyala dikambu diʼekilami etu.

Isaya 6:3

Vo wakawelanela, wata vati: Ekila, Ekila, Ekila eli Latuyalaka Kanga lulimbilimbi, kete tshe yambulula la lutumbu landi!

Mateu 5:48

Okone nyuyali ololo tshe, uku weli Shenyu le lʼulungu ololo tshe.

Romo 9:24

Osoku mbakandateti, aha paka uma lʼatei wʼasi Juda, keli ndu uma lʼatei wʼasi wedja.

2 Koreto 7:1

Okone, anyasu wa ngandji, ne dia shu teko la alaka ane, tuyalongosole uma lu mindu tshe ya dimba ndu yʼetema, tuluwanya akambu wʼekila la woma a Unyashungu.

Filipi 1:27

Dikambu otoi, wuhu anyu wa lumu wasungani la lukumu lʼololo la Kristu. Okone kuyanga dimi layuya dia ndjunyenda, kuyanga handji, dimi nangaka mbuka okone wenyu, ati: Nyu nyambushikikala lu Nyuma otoi, la utema otoi; nyambutetemala lu mbetawo ka lukumu lʼololo.

Filipi 3:14

Dimi lambusamanya utsha lu dihuli diatamatshu, dia nungula difutu dia leta lʼuma lʼulungu, lakambeti Unyashungu le Kristu Jesu.

Filipi 3:20

Ne dia lakasu eko lʼulungu, uma leko kalungamelasu Ushimbedi, Khumadiondjo Jesu Kristu.

1 Tesalonika 2:12

dia nyu nkendakenda uku alanga Unyashungu, latunyetaka lu diulelu diandi la lu lutumbu landi.

1 Timote 4:12

Untu tonyolaki nshi yaye yʼolongo a pami. Keli uvali djimbitelu le wane wetawo, lu aui, ndu lu ditshelu, ndu lu ngandji, ndu lu mbetawo, ndu lu pudipudi kʼutema.

2 Timote 1:9

lakatushimbela, lakateti la leta lʼekila, aha dia etsha asu etu, keli uku esangweyu kandi la ngandji ka mamba kandi, kakandatusha le Kristu Jesu nshi yʼedjedja.

Tito 3:14

Ndu asikasu weki lama ntsha elimu wʼololo dia nungula diango diahumbawo, diaha vo ndjala waha la elua.

Tito 3:8

Diui ne dieko mete. Dimi nangaka we mvuta akambu ane la eteti, dia wane waketawo Unyashungu ntetemala vame lu ditshelu diʼololo. Akambu aso weko ololo ndu waho le antu.

Heberu 12:14

Nyuyelaki akambu wa ki la antu tshe, ndu ekidiamelu keli untu laha la to, henyi Khumadiondjo.

Heberu 13:5

Tanyuyalaki la saki ya diango. Nyuyali la ongenongeno lu diango dieli la nyu, ne dia Unyashungu ndame kakati ati: Dimi hakoseke, halakutshiki.

Jakoba 3:13

Untu akona eli la ewu la yimba lʼatei anyu? Ndi enya antu akambu andi wʼololo la etsha andi wʼololo la memakana ka yimba yandi.

1 Petero 2:12

Nyuyali la ditshelu diʼololo lʼatei wʼasi wedja. Okone, naka wambunyosongwela vati: Nyu nyeko atshi wa kolo, naka vo wayena etsha anyu wʼololo, ku vo wayutumbula Unyashungu, lu lushi layundakendela.

1 Petero 2:9

Keli nyu nyeko wudja wakawasonola, nyeko elombedi wa lu diuhu dia khumʼekanga, la wudja wʼekila, antu wa Unyashungu ndame, dia nyu menya akina ololo wa one lakanyeti uma lu udjima utsha lu yanyi yandi ya mamba.

1 Petero 3:16

Nyuyali la khumʼutema kʼololo, okone lu akambu, wane wanyosongwela, watonyolaka ditshelu dianyu diʼololo le Kristu, wayutshama sonyi.

1 Petero 5:10

Unyashungu a ngandji ka mamba tshe lakanyeti lu lutumbu landi la pundju le Kristu, lamʼayunyusuwa etenyi ka tshitshe, ndame ayunyuluwanya, ayunyushikike, ayunyukikitsha.

1 Joani 3:3

Untu tshe leli la elungamelu kene lʼutema andi, atuyaediaka uku wendi pudipudi.

Enyelo 3:7

Ufundeli ondjelo wʼekelizia ka la Filadelefiya wati: One leli ekila, leli mete, leli la sapi ka Davidi, latudihulaka, ku nduku untu ladiha; latudihaka, ku nduku untu latudihulaka, kata aui ane.

Enyelo 4:8

Nyama sho nyei yaki la ahafu asamalu asamalu. Yo yaki la ashu utundu tshe ndu lʼetei. Yo hayumuya kuyanga la yanyi kuyanga lʼutshu, yatutaka vati: Ekila, ekila, ekila, eli Khumadiondjo Unyashungu, Kanga-Wulu-Tshe, lakiko, leko, laya ka ndja.

Enyelo 6:10

Vo wakawana la diui dia wulu, wata vati: Yee! Khumadiondjo ka ladiku kʼekila la ka mete, edja ndu etena kakona kayuyulumbuya ndu kayuyosomboya dikila diasu le wa la kete nye?