1 Petero 1:12 - La Bible en Otetela (Bible K'Ekila) 1991

¹² Akenyama le wo ati: Vo kundjatshela akambu ane vame, keli wakanyutshela akambu ane watama kakiane lʼenyo a wane wakanyusambisha lukumu lʼololo le Nyuma kʼOlolo, kakatumama uma lʼulungu. Andjelo nangaka menda akambu ako.

1 Petero 1:12 Iomraidhean Croise

Etumbelu 25:20

Akeruba kawelaneli, ku ahafu awo kawusamani ladiku, dia nkumba ufudi; dundji diawo kadiokolami utsha lʼufudi.

Tukedi 1:23

Ukadimo lu ehanguhangu ami! Enda, dimi layukutshulwela yimba yami, Layukulimbitshiya aui ami.

Isaya 32:15

Enda, ndu Nyuma ka Unyashungu ambutuhulwela uma lʼulungu. Ku usui wa shenga ayukadimo ekambo kʼelua La ekambo kʼelua ayuyala uku ukunda.

Isaya 53:1

Akona eya mbetawo aui wakatuki? Lunya la Latuyalaka lambenama le na?

Danyele 10:1

Lʼeleku ka satu ka diulelu dia Kuro khumʼekanga ka Peresiya, diui dimotshi diakayi le Danyele, letawo vati: Beleteshaza. Diui diako diaki mete; dio diaki dikambu dia ta dia wulu. Ndi akalangi diui diako ololo, akalimbitela enelo.

Danyele 12:13

Keli we, okendakendaki lu mbuka kaye edja ndu lʼekumelu, ne dia we ayumuya ndu ayemala lu dinuli diave lu ekumelu ka nshi.

Danyele 12:9

Ku ndi akankaluya diui ati: Danyele, tshoka, ne dia aui wambushama, wambudihama ematelu edja ndu lu etena kʼekumelu.

Danyele 2:19

Lʼutshu dikambu diakashami diakenama le Daniele lu enelo. Ku Danyele akatumbula Unyashungu leli lʼulungu.

Danyele 2:22

Ndi katushulaka akambu wa wulu wushami. Ndi kateyaka kene keli lu udjima. La usasi atuyalaka la ndi.

Danyele 2:47

Khumʼekanga akatela Danyele ati: Mete, Unyashungu aye eli Unyashungu weli ladiku dia ditemolatemola, Khumadiondjo ka khumi ya dikanga, umbishudi wʼakambu wushami, ne dia we akeyi mbishula dikambu diushami ne.

Danyele 8:13

Dimi lakuki ukilami omotshi ateketa, ku ukilami ukina akambula one lakateketaka ati: Edja ndu kaandi ayushidiyama enelo lu dikambu dia ulambu wa lutshumba wa la lushi la lushi, ndu lu dikambu dia kolo katulanyaka? Edja ndu kaandi ayukimwama etemwelo la ului wa lʼulungu mpotshahotshama?

Danyele 9:24

Bingu akumi esambeli ya deku yakasonwama lu dikambu dia wudja aye, ndu lu dikambu dia usumba aye wʼekila dia nshidiya uhedia, dia nkumiya kolo, dia ntunga ekesanelu dikambu diʼuhedia, la dia nshikike sambu kʼololo pundju; dia nshikike enelo la aui wʼakambu wahatayi, ndu dia nkidia dihuli diʼuleki ekila.

Joele 2:28

Lʼokongo wʼakambu ane, Dimi layahe antu tshe nyuma kami, Ku anʼanyu wʼapami la wʼamantu wayuta akambu wahatayi, Esumbi anyu wayena alo, La elongo anyu wʼapami wayena waenelo.

Amose 3:7

Mete, Khumadiondjo Latuyalaka hatutshaka nduku dikambu, Tshikima ndi ambutashudi dikambu diandi Dia lu usheshe le ekambi andi amvutshi.

Zekariya 12:10

Dimi layutshulwela khumbu ka Davidi la asi Jerusalema nyuma ka ngandji ka mamba ndu ka osengosengo. Vo wayenda one lakawungula dikonga. Vo wayulela uku atulelaka untu onʼandi etoi. Vo wayuyala la okei lu dikambu diandi, uku atuyalaka untu la okei lu dikambu dia onʼandi lʼenundu.

Mateu 11:25

Lʼetena kako, Jesu akati ati: Dimi lambukuka lusaka, we Papa, Uwandiji wʼulungu la kete, ne dia we akashe akambu ane le akanga a yimba la ewu, ku we ambuwashula le ana wʼashashi.

Mateu 11:27

Papa ambunkimwela diango tshe. Nduku untu leya Ona, tshikima Shi; ndu nduku untu leya Shi, tshikima Ona. Ku Ona ayuwenya untu tshe lalangandi.

Mateu 16:17

Jesu akûkaluya diui ati: Simona Bara-Jona, we eko la otshoko! ne dia antu kunkenya dikambu ne, paka Papa leli lʼulungu.

Mako 16:15

Ndi akawatela ati: Nyutshu lu kete tshe, nvusambisha antu tshe lukumu lʼololo.

Luka 15:10

Okone dimi lambunyutela nti: Ongenongeno ndjalaka lu ashu wʼandjelo wa Unyashungu lu dikambu dia untu a kolo otoi lambukadimula utema.

Luka 2:26

Nyuma kʼOlolo akawenya ati: We huvo ntundu atenyi Kristu ka Khumadiondjo.

Luka 9:6

Ku vo wakunela, watakindula lu ngelu la ngelu, watasambisha lukumu lʼololo, la watakonoya antu lʼahuli tshe.

Joani 15:26

Keli lamʼayuya Ukimanyidi, wayumunyutumela uma le Papa, Nyuma ka mete, ndi ayumvuta.

Etsha wa Atumami 10:44

Lamʼakati Petero aui aso, Nyuma kʼOlolo akahulwela tshe wakuki diui.

Etsha wa Atumami 16:10

Lamʼakandenyi enelo, kemʼedja shu takayangi ntsho utsha la Makedoniya. Shu takakani shad: Unyashungu kambuteta leko dia ntasambisha lukumu lʼololo.

Etsha wa Atumami 2:33

Okone ndi akambiyama la lunya la pami la Unyashungu, ndu akalungula daka dia Nyuma kʼOlolo uma le Shi; ndi akaditshulula uku wenanyu la wukanyu.

Etsha wa Atumami 4:31

Lamʼakawalombe, dihuli diakawasangana diakasutshasutshama. Vo tshe wakaludiama la Nyuma kʼOlolo, wakati diui dia Unyashungu la dihunga.

Etsha wa Atumami 4:8

Ku Petero, lakaluli la Nyuma kʼOlolo, akawatela ati: Nyu embuledi wa wudja la dikumanyi,

Etsha wa Atumami 8:25

Lamʼakawashili menya la mvutela antu diui dia Khumadiondjo, vo wakakalula la Jerusalema; wakasambisha lu ngelu efula yʼasi Samariya lukumu lʼololo.

Romo 1:15

Okone dimi la pusa efula dia ndjunyusambisha lukumu lʼololo ndu nyu weli lu Romo.

Romo 1:17

Ne dia lu lukumu lako mbatenamaka ololo a Unyashungu uma lu mbetawo la mbetawo. Uku akafundama ati: Untu ololo ayuyala la lumu uma lu mbetawo kandi.

Romo 10:15

Ukundi eyawo nsambisha, lamʼahawatatumama? Uku akafundama ati: Ndi amena weli ekulu a wane wasambisha lukumu lʼololo li!

Romo 15:19

Uma lu wulu wa tulimbitelu la akambu wa mamba, uma lu wulu wa Nyuma kʼOlolo ka Unyashungu, mbakamadianganya lukumu lʼololo la Kristu uma la Jerusalema, pulu ndu lʼutshimba wa Iluriko.

1 Koreto 2:10

Keli Unyashungu akatenyawo uma le Nyuma kandi, ne dia Nyuma atushishimaka akambu tshe, ee, ndu akambu a waki wa Unyashungu.

2 Koreto 1:22

Ndi ambutudja djimbitelu, ambutusha Nyuma okole lʼetema asu.

2 Koreto 6:6

lu pudipudi, lu ewu, lu ndjakimela kʼedja, lu ketshi, lu Nyuma kʼOlolo, lu ngandji kaha la lukesu;

Ngalatiya 1:12

ne dia dimi kulosa uma le untu, kana letshama uma le untu, keli lo lakayi uma lʼenyelo ka Jesu Kristu.

Ngalatiya 1:16

dia ndi mbishwelami Onʼandi, dia dimi mbusambisha le asi wedja, dimi kumumbwana la antu,

Efeso 3:10

Ne dia ekelizia wenya antu wa lu waulelu lʼambahemedi wa lu ahuli a wulu wa lʼulungu weyi yimba ya Unyashungu,

1 Tesalonika 2:9

Anyasu, nyu mbuhoka ulimu asu la pa kasu; shu takakambaka utshu la yanyi, dia shu tatukunyuyalela wutshu. Okone takanyusambishaka lukumu lʼololo la Unyashungu.

1 Timote 3:16

Aha tamu, ne dia dikambu diushami dia otemwelo asu dieko wuki, ati: Unyashungu akenama lu cunha, Akayindjama le Nyuma, Akenama le andjelo, Akasambishama lʼatei a wedja, Aketawoma le wa la kete, Akalungwama utsha lʼulungu lu lutumbu.

Heberu 11:13

Wane tshe wakavu lu mbetawo la ntundu watalungula alaka, keli vo wakawaenyi uma lʼetali, wakalemia; waketawo vati: Antu wa kana la angendangenda mbesu la kete nye.

Heberu 2:4

Ndu Unyashuagu kukati diui kume la wo lu tulimbitelu la akambu wu mamba, lu akambu wa wulu wu wehu efula, ndu lu eshushu wu Nyuma kʼOlolo, uku lulungu landi.

Heberu 4:2

Mete, wakatusambisha lukumu lʼololo uku vo, keli diui diakawuki kundjala waho le wo, ne dia dio kundjala kame la mbetawo le wane wakadiuki.

1 Petero 1:25

Keli diui dia Khumadiondjo dieko pundju. Diui diako dieli lukumu lʼololo lakawanyusambisha.

1 Petero 4:6

Dia dikambu ne, mbakawasambisha ndu wakavu lukumu lʼololo, dia vo numbuyama uku antu wasena, keli dia vo ndjala la lumu lʼetema uku eli Unyashungu.

Enyelo 5:11

Ku dimi lakendi, lakuki aui wʼandjelo efula wudingi kiti ka diulelu ndu dikumanyi. Efula kawo kaki nunu akumi wa nunu akumi, ndu nunu dia nunu,