1 Petero 1:11 - La Bible en Otetela (Bible K'Ekila) 1991

¹¹ Vo wakayangi etena kakona la wuhu akona wʼetena kakawatela Nyuma ka Kristu kaki lʼetema awo lamʼakandawatela dia asui wa Kristu la ntundu, la dia lutumbu lakayayakaka lʼokongo awo.

1 Petero 1:11 Iomraidhean Croise

Etatelu 3:15

Dimi layudja luhetshu lʼasaye la umuntu, ndu lʼasa tukanula taye la tukanula tandi. Ndi ayukokomolaka lʼote, ku we ayûlumataka lu etshindji.

Etatelu 49:10

Danga dia diulelu hadiumoki uma le Juda. Kuyanga ukalimba a khumʼekanga uma lʼatei ekulu andi, Edja ndu lamʼayuya Shilo. Wedja tshe wayukitanyiaka aui andi.

Isaya 49:6

Kakiane ndi ambuta ati: Eko dikambu dia tshitshe dia we ndjala ukambi ami, Dia mbulula wedja wa Jakoba, La dia nkaluya atshikadi wa Isariyele. Kakiane dimi lambukete usasi le asi wedja, Dia we nkumia panda kami lu kuma ya la kete.

Danyele 2:44

Lu nshi ya khumi ya dikanga yako, Unyashungu leli lʼulungu ayutundja diulelu diahalanaki pundju. Dio hadiuyala lʼokongo a wudja ukina. Dio diayulanya waulelu ako tshe, diayashila ushiki, ku dio diame diayushikikala pundju.

Zekariya 13:7

Yombo, emo dia ndo lʼulami ami wʼekoko, Dia ndo lʼuntu lemadi lasuki la mi! Mbata Latuyalaka Kanga lulimbilimbi. Udiaki ulami wʼekoko, dia ekoko mpandjwama. Dimi layusimbula lunya lami, Dia ndo la wane wuleki tshitshe.

Zekariya 14:9

Latuyalaka ayuyala khumʼekanga ka kete tshe. Lu lushi loso, Latuyalaka ayuyala otoi, la lukumbu landi otoi.

Mateu 26:24

Onʼa untu ayutsho uku ufundiami dikambu diandi. Keli fono kayayi le untu ako lafunga Onʼa untu! Aki ololo untu ako kumbuto.

Luka 24:44

Jesu akawatela ati: Lamʼakimi la nyu, dimi lakanyutela aui ane nti: Dieli la akambu tshe wakafundama lu dikambu diami lu elembe a Mose, ndu lu aui wʼamvutshi ndu lu esambu wa Davidi nshidiyama.

Joani 12:41

Akambu aso mbakati Isaya ne dia ndi akenyi lutumbu landi. Ndi akati dikambu diandi.

Etsha wa Atumami 16:7

Lamʼakawakumi lu welelo wa Musiya, vo wakayangi ntsho utsha la Bituniya, keli Nyuma ka Jesu akashimbi.

Romo 8:9

Keli nyu nyaha lu akambu wa dimba, nyeko lu akambu wa Nyuma, naka Nyuma ka Unyashungu atudjaseka lʼetema anyu. Naka untu kema la Nyuma ka Kristu, keti ndi kema la ndi.

Ngalatiya 4:6

Ne dia ana wa luta mbenyu, Unyashungu akatumi Nyuma ka Onʼandi lʼetema asu, ata ati: Aba, Shesu.

2 Petero 1:21

Ne dia nduku diui diʼamvutshi diakayi uma lu lulangu la antu, keli antu wakati diui uma le Unyashungu, wakasukuyama uma le Nyuma kʼOlolo.

Enyelo 19:10

Ku dimi lakûkhusamela dia mbotemola. Ku ndi akamvutela ati: Tutshaki wuhu uku. Dimi leko unyaye ukambi ndu onanyo, la wane watukitanyiaka diui dia Jesu. Otemole Unyashungu, ne dia diui dia Jesu dieko nyuma yʼaui wa amvutshi.