Kale ibo nimi weng kaa bogobelan-temi koyo tinangku-silipta. Ibo, ‘Nuta Abraham imi man ilop o,’ age deng taban-bilip kuta, kanube God iyo, Abraham imi man ilop kemin boyo miton o agan-be nimnam, God beyo tii kale, daak tuum boyo kulu-nala telela imola mitam tinum ke-nilipta, igil mungkup Abraham imi man ilop kwiin tagang kelan agin kuta, God imi tiin diim uyo Abraham imi man ilop kemin boyo fen katip kalaa agesa ko. Kale ibo bogo-nilip, ‘Abraham beyo numi afalik kale, God iyo, bemi tolop o age-nalata, nuyo telela imola tambaliim nan-temup o,’ agan-kalin ba kale, ipkil God imi ilak uyo duga-bilipta o ageta ko.
Fol tebe Rom kutam imi suuk kon dola kobesa uta ko 9:8 - Telefol8 weng bomi iibak tem uyo kulbu kale, God imi tiin diim uyo, Abraham imi man fogo-se bilip iyo alugum nalami man kalaa agesaala kale, nimi weng kwep ku daali suu nala felep unu man dobip beta kup nalami man kalaa age-nalata, God iyo kam age-se kale, Faic an caibideil |
Fol tebe Rom kutam imi suuk kon dola kobesa uta ko 9:8
14 Iomraidhean Croise
Kale bilip imi mitam God imi man kebe-silip umi ilep uyo kulbu kale, amalap imi God imi ilak dosip uta dong dogobesaalu binim e minte, aalap so ogen so agam maagup sinan-bii man fagamin ulutap ba no e minte, tinum ilami aget fugunin boga ba no kale, God ilami aget fugunin uta kup tinum iyo ulaa imdep meng daala mitam ilami man kebe-silip ko.
Kale Abraham iyo tinum usom ke-nalata, dogobe man iyo do-nama binim kela e minte, Sara ugol fuunan no ke-nuluta, dogobe man iyo do-numu binim kelu kuta, God iyo utamata e, Abraham iyo utamata, God imi, “Kanubelan-temi o,” age weng kwep daa-se boyo fen kanubelan-tema kalaa agela kalaa age-nalata, God yagal Abraham iyo titil kobelata, man iyo do-se ko.
Sanasan