Fol tebe Rom kutam imi suuk kon dola kobesa uta ko 7:9 - Telefol

⁹ Kale siin uyo niyo God imi ulo kwep daasa uyo utamin-tem bom-nilita, kuguup iip maak maak uyo kanu-bii-sii kuta, aaltam kota God imi ulo uyo utamita, kota fengmin uyo mitam kemanuta,

Fol tebe Rom kutam imi suuk kon dola kobesa uta ko 7:9 Iomraidhean Croise

Matyu 19:20

kamaa tinum beyo Yesus imi bogobela ko. “Niyo God imi ulo boyo alugum suun kup waafulin kup bomi kuta, niyo utamita, kuguup tambal umaak duumatan-bii tap kalaa agebi kale minte, dogonupmin kuguup uta maak so waafulal o nagan-balap o?” agela e,

Luk imi tebe Yesus imi sang dola kosa uta ko 15:29

man isiik aalap imi bogobe-nala e, ‘Aatum kabaa. Atol kwiin tagang dakan kem tebesi komi kapmi ogok waafupkesi uyo, kapmi weng umaak kwaasulepkesaali kuta, kabo meme man tambal umaak ungkwapnelapta, nimi duup isino deng umaak tebesaalup kuta,

Luk imi tebe Yesus imi sang dola kosa uta ko 18:21

kota tinum kamok beyo bogola, “Niyo sugayok man katip kutop ilota kwep tal tinum kiim ke kaa diibeli uyo, God imi ulo boyo waafuu kwep tebesi o,” agela e,

Fol tebe Rom kutam imi suuk kon dola kobesa uta ko 10:5

Moses iyo suuk kon uyo dola ko-nala e, unang tinum imi ulo waafulip God tebe bogobe-nala, “Ibo tol kup unang tinum o,” agan-kalin bomi sang uyo bogo-nala e, “Tam unang tinum iyo dok ita ulo kwep daa-sii uyo atin waafulip umdii, bilip iyo bomi diim ilep tiin kafan sinik uyo kulan-temip o,” agesa kale minte,

Fol tebe Rom kutam imi suuk kon dola kobesa uta ko 7:10

utamita e, nimi fenga-bii boyo ki, kaanamin ilep uta ko te-bii kalaa age-sii ko. Kale kamaki uyo God iyo, tiin kafan nak o nage-nalata, ilami ulo uyo kopne-se kuta, ulo boyo tebe-nuluta, dong dogopneluta, kafan so nimi binim kale, ulo uyo nimi kaanamin ilep umi te-bii boyo kafalepne-suu ko.

Fol tebe Rom kutam imi suuk kon dola kobesa uta ko 7:11

Kale intaben o ageta fengmin uyo utamuta e, ilep maak uyo albu kalaa age-nuluta, ulo umi sang uyo bisop bogopneluta, fen ko agelita, fengmin ugol tebe ulo bota ku-nuluta, nangkolu kaan-sii kuta,

Fol tebe Rom kutam imi suuk kon dola kobesa uta ko 7:4

Kale ulutap kale, nimi duubal ibaa. Ibo mitam Krais imi dam ko age ilami unang tinum ke-silip utamta, boyo ibo Krais imi kaan-se ulutap ke-silip kale, Moses imi ulo uyo maak so sok de imolin kelan-temaalu kale, ibo unang kaluun umi tinum migik dugabu ulutap ke-silip kale, ipmi kamaa imak beyo tinum dubalip asok fen tigi mo-se ita kale, bemi tolop diim nuyo God imi ilak uta o age-nulupta, kuguup tambal uyo kanu-bulup ko.

Fol tebe Rom kutam imi suuk kon dola kobesa uta ko 7:6

nuyo Krais imi kaan-se ulutap ke-nulupta, mufekmufek ko tebe numi yaafu-suu uyo kupka-sulup kale, ulo uyo tebe-nuluta, nuyo maak so yaafulan-temaalu kale, kamano koyo numi God imi kuguup kanu-bulup bomi ilep uyo ki kanumin kale, siin ulo God imi tebe Moses imi kobela dola-se umi bogobelu kanu-bii-sulup boga ba kale, kamano kaa God imi Sinik imi tebe dong daga-e-bala kuguup migik ku-nulup kanu-bulup bota ko.

Fol tebe Rom kutam imi suuk kon dola kobesa uta ko 7:8

fengmin uyo utamuta e, ilep maak uyo albu kalaa age-nuluta, ulo umi sang uyo bogopne-nuluta, nimi aget tem uyo kanumin kanumin tinginmin uyo kwep te yak daapne-suu ko. Ale minte ulo boyo binim nimnam, nuyo utamupta e, kuguup boyo fengmin kalaa agan-biisaalup kuta ko.

Fol tebe Rom kutam imi suuk kon dola kobesa uta ko 8:7

kanube tinum iyo dok ita ilami siin kuguup mafak umi aget kup kola umdii, tinum beyo, God imi ulo uyo waafulan o aganbaala e minte, dogobeta waafu-nama binim kelan-tema kale, beyo God imi waasi kebelan-tema ko.

Galesia 2:19

Kale ulo waafuu bii-sii bota tebe bogopne-nulu e, “Kapmi fengmin umi kalan uta kaanan-temap o,” ageluta, Krais ita nimi abiin uyo ku at diim uyo kaan-nalata, ulo umi weng bogopne-suu boyo ungkwala kaan-suu kale, kamano koyo ulo boyo niyo maak so naafubaalu kale, niyo tii God ilami, “Bota kanumal o,” agan-be bota kup waafubi kale,

Galesia 3:10

Kuta unang tinum kwiin tagang iyo, “Nuyo dital fagaa Moses imi ulo uyo tele waafulupta, God iyo bogo-nala, ‘Bilip iyo tol unang tinum o,’ agelak o,” age-nilipta, waafulip umdii, unang tinum bilip iyo maagalo win binim kelan-temip kale, God imi suuk kon tem uyo bogo-nulu kano, “Unang tinum dok ita weng ulo umi suuk kon tem kwek albu uyo alugum waafuu kanumin-tem kemip umdii, bilip iyo maagalo win binim kelan-temip o,” agesu ko.