Fol tebe Rom kutam imi suuk kon dola kobesa uta ko 13:8 - Telefol

⁸ Kale ibo tinum iyo yuum kwep top tala-emin ba. Kale God iyo nuyo weng uyo fomtuup kobe-nala, “Ibo ipkumal imi aget kup kupka-emin o,” age-se kale, ibo boyo suun kup kanu-bilipta o ageta kale, boyo dok uta ba kale, tinum dok ita ipkumal imi aget kup kobeba umdii, beyo atin ulo uyo tuluun kup waafulin tinum iyo kulba ko.

Fol tebe Rom kutam imi suuk kon dola kobesa uta ko 13:8 Iomraidhean Croise

Matyu 7:12

“Kale aa mungkup kapmi aget fugunin uyo, ‘Nimi nugumal ita kuguup tambal kupkane-bilipta, tambaliim nan o,’ agan-balap umdii, kamaki uyo kapsiik kanupmin kuguup tambal uyo kupka-e-balapta o ageta kale, weng boyo sugayok Moses so weng kem baga-emsip tinum so imi weng God imi suuk kon tem umi dola kupkamsip umi magam uyo kulbu kale, bota kanu-balapta o,” age Yesus iyo ilami okumop man imi baga-ema ko.

Jon imi tebe Yesus imi sang dola kosa uta ko 13:34

Kamano kota nimi kamaa kuguup maak kobelan-temi uyo kulbu kale, ibo ipkumal aget kobina tala kemin a. Nimi ipmi aget kobe-sii ulutap, ipkil mungkup ipkumal iyo aget kobina tala kemin a.

Fol tebe Rom kutam imi suuk kon dola kobesa uta ko 13:10

tinum iyo ipkumal kek kek imi aget kup kupka-ema beyo kuguup mafak uyo maak ke-eman-temaala kale, tinum beyo atin ulo waafulin tinum iyo kulba ko.

Fol tebe Rom kutam imi suuk kon dola kobesa uta ko 13:7

Kale kanube gavman iyo tebe, “Yak bo kanumal o,” agelip uyo, weng uyo tinangka-bom-nalap e minte, dogonupmin dogonupmin takis uyo kobelal o agelip uyo, kupka-e-bom no ke-bom-nalap e minte, kapmi tiin molin imi afak tem uyo iinom bom-nalap e minte, kapmi kamok imi win uyo kufu-e-bom-nalap e minte, imi tok uyo baga-bom imi deng uyo tebe-bom no ke-bom-nalapta o ageta ko.

Galesia 5:14

Kale alugum ulo bomi iibak tem uyo maagup kale, boyo bogo-nulu e, “Kabo kalapmi kaal umi ilak do tambaliim tiin mobap ulutap ke kapkumal kek kek imi ilak uyo do telelemal o,” agesu ko.

Kolosi 3:14

Kale ibo, kanupmin kanupmin bomi kuguup uyo kanumum o agelip umdii, aa ipmi kuguup uyo maak so kwep mek kwego no kelan-temip uyo ki, ipkumal iyo aget kobina tala ke-bom-nilip e, mangkal ninggil angge bom-bilipta o ageta ko.

1 Timoti 1:5

nimi weng ko bogopke-nili, “Bogobelapta, kupkalin o,” ageli bota tinangku waafulip umdii, kuguup tambal uta kup kanumum o age aget maagup bota kup fugun-bom-nilip e, siin fengmin God tebe kupkabe-se umi aget uyo maak so fugun-bom-nilip, e, “Nuyo yuum sino o,” agan-kalomip kale, bilili age-nilip e, atin Yesus Krais imi ilak uyo do no kelan-temip bota ipkumal imi ilak dugamin umi kuguup umdii mitam senganan-temu ko.

Jems 2:8

Numi Bisel God iyo imi suuk kon tem weng kwek uyo bogo-nala e, “Kabo kalapmi kaal umi ilak do tambaliim tiin mobap ulutap ke kapkumal kek kek imi ilak uyo do telelemal o,” age weng kwep daasa kale, ibo atin kanumip umdii, boyo kuguup tambal keman-temip kale minte,