Fol tebe Rom kutam imi suuk kon dola kobesa uta ko 13:11 - Telefol

¹¹ Kale ipkil am kaa daanu koyo utabip kalaa age-nilita, bogobe-nili, “Kanupmin kuguup boyo kanumin o,” agan-bii kale, kota ipmi agaal unsip boyo kupkaa fenin a. Ipkil utamin. Siin uyo numi mitam kamaa Kristen unang tinum ke-sulup uyo, God imi imdep tam ilami abiip daalan agin uyo simanim kutop kal bom-suluta kale minte, kamano kole tal mep so talan-bo ko.

Fol tebe Rom kutam imi suuk kon dola kobesa uta ko 13:11 Iomraidhean Croise

Matyu 16:3

kutim uyo utamipta, abiil uyo miliil molu kalaa agelan-temip uyo, ibo bogo-nilip e, ‘Am isak talalu kuta, am uyo miliil molu kale, wep uyo kota tolon-temu o,’ agan-bom no kem-nuubip ko. Kale abiil umi utaman-temip uyo, utamipta e, am uyo kanupman-temu kalaa agan-nuubip kuta, ibo nimi kuguup ko kanu-bii boyo maak tele utamta, God yagal tebe dong daga-e-balata, kanu-be kalaa naganbaalip ko.

Luk imi tebe Yesus imi sang dola kosa uta ko 21:28

Kale ibo utamipta, kanupmin kuguup uyo tulu kalaa age-nilipta, kota utamipta, niyo yuut ipmi ilim bo-eman-temi kalaa age-nilipta, ipmi aget iluum taban-bilip uyo kugol diliit ke-nilipta, ipmi aget uyo titil fagaa mo kiit fen-nilip e, nimi ilep uyo tiin daga-bom fenipta, tolon o,” age Yesus iyo deng tebemin weng uyo kupka-e-bom baga-ema ko.

1 Korin 10:11

Kale alugum mufekmufek boyo mitam imi diim abe-nuluta, kafale-bulu utamamsip kale, bomi sang uyo God imi suuk kon tem kal bom-nuluta, kafin koyo mep so binimanan o agan-bo komi tinum albup numi finanin weng uyo kupka-e-bo ko.

1 Korin 15:34

Kale ipmi ilum ilum ke-bilip boyo kupka-nilip ipmi aget tem boyo telela ko-nilip e, ipmi kuguup mafak ke-bilip boyo kupkaa no ke-nilipta, nimi weng bogobelan-temi kota tinangku-silipta. Iip kulaak albip iip maak maak ibo God beyo tele atamsaalip kalaa age-nilita, weng koyo ulaa kufopmita, ipmi kuguup mafak ko ke-bilip bomi fitom uyo ku una tala kemin o age-nilita, kufoli ko.

Efesis 5:14

Kristen nuyo bomi sang uta baga-bom do weng koyo bogo-nulup e, “Kabo yuut kapmi agaal unbap ko age kapmi kaanbap uyo kupkaa fen mitam tigi molapta, Krais iyo tebe kamdep yang ilami ilagenin diim daalan-tema o,” agan-nuubup ko.

Jems 5:8

ipkil mungkup bilili age-bom, fen-bom bom-bilipta a. Kamogim imi tolon agin so uyo mep so tulu kale, titil faga-bom dagak diibe fen-bilipta biita, tolon-tema ko.

1 Fita 4:7

Kale God imi kafin diim komi alugum mufekmufek binimanu kupkalan-tema uyo tal mep so tulu kale, ibo ilipmi aget fugunin uyo tele tiin mo utama-bom-nilipta o ageta kale, kanube ibo kanuman-temip uta, ipmi beten keman-temip uyo mitam tambalanan-temu ko.

2 Fita 3:11

Kale boyo kanum mitam abe-nuluta, mufekmufek boyo kanube binimanu kupkalan-temu kale, kamano koyo ibo dogonubelan-temip a? Kanubelu umdii, ibo kupkaa kuguup tambal uta ke-bom-nilipta, yak God ilami kuguup uta kup alugum waafu-bom-nilipta o ageta ko.

1 Jon 2:18

Nimi mulup tan ibe. Afungen tem boyo mep so talan-bo ko. Kale ibo siin uyo tinangkulipta, “Krais imi waasi iyo mitam tolon-tema o,” agelip tinangku-silip kale, kamano kota Krais imi waasi iyo kwiin tagang mitam tebebip kale, bota utamupta e, kamano koyo afungen tem uyo mep so so talan-bo kalaa agan-bulup ko.

Revelesen 1:3

kanumin kanumin boyo mep so mitam tolon o angbu kale, waantap ita kanumin kanumin mitam tolon-temu umi sang koyo fomtuup tikilip umdii, deng tebeman-temip e minte, waantap ita suuk kon tem weng dola koli kwek uyo tinangku waafulip umdii, deng tebeman-temip no ko.

Revelesen 22:10

asok bogopne-nala e, “Alugum mufekmufek suuk kon tem ko dola kolap boyo, mep so abulan o agan-bo kale, mufekmufek, kanupman o agan-bo bomi sang boyo kubamin ba kale, kupkem daabe baga-e-balap alugum bilip iyo utamin o ageta ko.

Revelesen 22:12

Kale kota Yesus isiik bogo-nala e, “Ibaa. Tinangku-silipta. Asok niyo mep so tolon o agan-bii kale, nimi tolon-temi kota, nimi mufekmufek kobe kobe ke-e-bom yan kebelan-temi uyo ki, unang tinum imi kuguup tambal min, mafak min kanum-nuubip uta tii-e-bom yan kebe yakyak ke-eman-temi ko.

Revelesen 22:20

Kale weng alugum ko dola-bii koyo Kamogim Yesus imi weng kale, ita kopnelata, ibo bogobeli kale, iyo bogo-nala e, “Boyo ki aafen tuluun weng kale, fen niyo mep so tolon-temi o,” age-nalata, Kamogim Yesus iyo kam ageba ko. Numi Kamogim Yesus kabaa. Baan talapta, katamum o agan-bulup kale, yuut talaal a.