Fol tebe Rom kutam imi suuk kon dola kobesa uta ko 1:3 - Telefol

³ God imi weng tambal boyo ilami man imi sang uta kale, numi Kamogim Yesus Krais bemi ogen dolu mitam tinum kem ke-se boyo, King Devit imi man ilop ke-se e minte,

Fol tebe Rom kutam imi suuk kon dola kobesa uta ko 1:3 Iomraidhean Croise

Matyu 1:1

Yesus Krais imi olal imi win uyo kalbu ko. Yesus beyo King Devit imi man ilop, minte Devit iyo Abraham imi man ilop no ko.

Matyu 1:16

minte Jekop beyo Josep imi aalap no kale, Josep imi kalel Maria uta Yesus dosu kale, Yesus beyo God imi ulaa dula kamok kesa tinum Krais o agan-nuubip ita ko.

Matyu 1:6

minte Jesi beyo King Devit imi aalap no ko. Minte Devit beyo Solomon imi aalap, minte Baseba uta Solomon imi ogen no kale, kamaki uyo Baseba boyo tinum migik Uria imi kalel kuta, siit-kulu e, Devit ita tagaa kula ilami kalel kebesu kale,

Matyu 12:23

unang tinum iyo alugum utam kumang mo-nilip e, ipkumal iyo bogobina tala ke-bom-nilip e, bogolip, “Ipmi aget fugunin uyo, tinum beyo God imi ulaa daala ti-se tinum Devit imi man ilop ita kalaa agan-bilip bele ki? Minte ipmi aget fugun-bilip ule o?” agelip e,

Matyu 15:22

Kale unang tinum kugol nin bilip iyo Juda kasel ba kale, bilip iyo Kenan kasel ita kale, bomi unang maak tal Yesus imi ole-bom bogobe-nulu e, “Kamogim kabaa. Kabo King Devit imi man ilop kale, ni-filin daa-nalapta, kapmi titil boyo ku-nalap dong dogopne o ageta ko. Nimi man unang uyo sinik mafak tebe kufak daaluta, atin ki ogen utaman-nuubu kale, sinik mafak boyo fot tebelap yak iinuta, man boyo tambalanuk o,” agelu kuta minte,

Matyu 26:63

Yesus iyo atin sining agela e, hetpris iyo asok maak so bogobe-nala e, “Niyo weng maak dagalan o ageta kale, kabo bisop uyo baganemin ba kale, suun kup nin tinum God imi win kamkaam uyo kufo tol kup yan kepnelapta, utaman o ageta kale, kabo God imi Man ulaa kamdula kamok kesap tinum aga o?” agela e,

Matyu 27:43

Kale yagal bogo-nala e, ‘Niyo God imi Man o,’ agan-nuuba kale, imi aget fugunin uyo, ‘God yagal niyo dong dogopnelata, waalanan-temi o,’ agan-be kale, ata-bom-sulupta, waalana kole, dam bagan-be kalaa agelum o ageta kale, God iyo tuluun dong dogopma waalanan-tema uta, utamupta e, beyo tuluun God imi Man kalaa agon-temup o,” age titul weng baga-emip ko.

Matyu 3:17

alop iyo tolong dolipta e, abiil tigiin kwiit ilota God imi weng kwaala tulu kwek uyo bogo-nala e, “Beyo nimi Man bubul kale, niyo bemi deng kup taban-bii o,” age bogopma e, tinangkulip ko.

Matyu 9:27

Kale kota Yesus iyo am bo kupka-nala e, abe-balata, tam tinum tiin tugul alop maak Yesus imi finang umik tem tal ola-nilip e, “Kamogim kabaa. Kabo kalapmi afalik King Devit ilatap kale, nuyo i-filin daa kapmi titil uyo ku-nalap dong dogobelal o,” agan-kalip ko.

Luk imi tebe Yesus imi sang dola kosa uta ko 1:35

ensel isiik bogobe-nala e, “God imi Sinik Tambal iyo tal kupmi iibak tem iina e minte, Fen Bisel God iyo fomtuup kuntuk mopke no kelan-tema kale, man dolan-temap beyo, ‘Fen tambal e minte, God imi Man no o,’ agan-kalon-temip ko.

Luk imi tebe Yesus imi sang dola kosa uta ko 1:69

God yagal ilami bon tem kiit fenin tinum Devit imi man ilop maak ita ulaa du-nalata, ‘Beta daali unon-tema o,’ age-se kale, beyo ilami titil kiim uta kup ku-nalata, talaa imdala nuyo kaal binim kelan-temup ko.

Jon imi tebe Yesus imi sang dola kosa uta ko 1:14

God imi Weng ko age Krais iyo malaak keman kafin diim abe-nalata, nuso bom-balata, nuyo atamupta e, beyo bet bubul kup kolin tinum e minte, fen tol kup tinum no kalaa age-nulup e minte, beyo yogon dong ilatap ke-bom kuguup tambal waafusa kalaa age-nulupta, atamupta e, beyo Aalap God imi man yaan maak kale, Aalap imi kuguup tambal uta nuyo kafale-bom kanum-nuuba kalaa age-sulup no ko.

Jon imi tebe Yesus imi sang dola kosa uta ko 1:34

kamaa kota niyo atamita, beta kalaa agebi kale, ibo bogobe-nili e, ‘Beyo aafen God imi Man aligaap o,’ agan-bii o,” age-nalata; Jon iyo bogola ko.

Jon imi tebe Yesus imi sang dola kosa uta ko 1:49

Nataniel iyo bogobela, “God imi weng kafalemin kabaa. Kabo God imi Man e minte, Israel kasel imi kamok king no o,” agela e,

Jon imi tebe Yesus imi sang dola kosa uta ko 10:30

Niso nimi Aatum sino ulim nuyo maagup o,” agela ko.

Jon imi tebe Yesus imi sang dola kosa uta ko 10:36

niyo ki Aatum yagal ulaa nimdu-nalata, nimdala kafin diim kaa ti-sii kale, niyo bogo-nili, ‘Niyo God imi Man o,’ agan-bii uyo, ibo, intaben o ageta bogo-nilip, ‘Kabo God imi titul weng baga-e-balap o,’ agan-bilip a?

Jon imi tebe Yesus imi sang dola kosa uta ko 20:28

kota Tomas iyo Yesus imi bogobe-nala e, “Kabo nimi Kamogim e minte nimi God no o,” agela e,

Jon imi tebe Yesus imi sang dola kosa uta ko 20:31

dola kolita, ibo utamipta e, God iyo, Yesus beyo tinum imi dong dogop o ageta daala ti-se kalaa age som-nilip e minte, beyo God imi Man aligaap kalaa age no kelin o ageta dolali kale, ibo Yesus imi ilak uyo do-nilipta, imi tolop diim o age suun nin unang tinum kelin o ageta dolali no ko.

Jon imi tebe Yesus imi sang dola kosa uta ko 5:25

Aafen kale, alugum suun nin unang tinum kelin-tem albip iyo kaan maagalo kelan agin kuta, am kaa daan-suu koyo, bilip imi am daanuta, God imi Man nimi weng uyo tinangkan tebesip kale, waantap ita nimi ilak dolip umdii, suun nin unang tinum kelan-temip ko.

Jon imi tebe Yesus imi sang dola kosa uta ko 7:42

God imi suuk kon tem weng uyo bogo-nulu e, ‘God imi tinum ulaa dula kamok ke tolon-tema iyo Devit imi man ilop o,’ age-nulu e minte, ‘Devit imi abiip miton Betleam kugol dolan-temu o,’ age no kesu o,” agelip no ko.

Aposel 2:30

Kale Devit beyo God imi profet ko age weng kem baga-emin tinum kale, utamata e, God iyo bogopne-nala e, ‘Nimi weng uyo aafen bogopkelan-temi kale, biilan-temu uyo, niyo kapmi man ilop kutop ita maak ulaa dulita, kalaptap kamok ke-nalata, Israel iyo tiin molan-tema o,’ ageba kalaa age-nala e minte,

Aposel 3:13

Numi olal Abraham so imi man Aisak so minte imi man ilop Jekop so imi God iyo ilami bon tem kiit fenin man Yesus imi deng uyo tebe-bom-nalata, kanube bemi win uyo kufu-e-balata, senganu ko. Kale siin uyo ibo Yesus iyo dep no kiyap Pailat imi diim daalipta, Pailat ita, tinum tambal keyo sok talaa daalan o agelata minte,

Aposel 8:36

Kale hos uyo dilili imtamo ilep kugol abe-bulu e, ok maak albu umi mep so kuunip kale, mani tiin molin tinum iyo Filip imi bogobe-nala e, “Nugum kabaa. Kabo yang ok bo utamal a. Niyo ok sam ugolan o agan-bii kale, kabo nitamap uyo, mufekmufek umaak nimi diim kal albu kalaa nagelap aga o?” agela e,

Aposel 9:20

Kale yuut yak Juda kasel imi ulotu am maak maak uyo Yesus imi sang uyo bogobe-nala e, “Beyo God imi Man o,” age-nala e, baga-em tiinema kale,

Fol tebe Rom kutam imi suuk kon dola kobesa uta ko 1:9

niyo God imi ogok uyo titil faga-bom-nilita, suun kup weng uyo ilami man imi sang tambal uyo kupka-emin kup ke-bilita, God iyo niyo nitamsa kale, niyo bisop bogobelan-temaali kale, ipmi win uyo suun kup kufu-bomta beten uyo aman duga-e-bom no kem-nuubi kale,

Fol tebe Rom kutam imi suuk kon dola kobesa uta ko 4:1

Kale Juda kasel numi afalik Abraham imi sang uyo intaben o agelan-temup a? God iyo dok umi kuguup uta kobelata, Abraham beyo utam-se a?

Fol tebe Rom kutam imi suuk kon dola kobesa uta ko 9:3

nimi aget fugunin afaligen uyo ki, God iyo tebe nimi tinum miit maagup iyo imdep meng ilami miit tem daalak o agan-bii kale, kanube utamita, ilep so kelu kalaa ageli nimnam, Krais iyo dagalita, niyo nimkan kela yak iinom-nili nimi win uyo binimanuta, bilip ita imdep meng daala nimi abiin uyo kulin o age-nimi kuta, ilep binim kale, bilip iso kubei.

Fol tebe Rom kutam imi suuk kon dola kobesa uta ko 9:5

kamaki tinum miit kutop imi man ilop iyo kulbip kale, ilimi diim ku-tele God imi ulaa dula kamok kesa tinum Krais iyo mitam tinum ke-se kuta, kwiin tagang iyo Krais iyo dupkegemsip ko. Kale Krais iyo alugum mufekmufek umi dubom kesa kale, beyo atin God kale, imi tok uyo suun kup bagamin kup bom-bulupta o ageta ko.

1 Korin 10:18

Kale ipkil Israel kasel imi kuguup kanum-nuubip umi aget uyo fugunolin. Tinum iyo mufekmufek kwep no kwe fuulip kenu God imi kupka-emin umi atuk unan-nuubip boyo ki, God iso aget maagup ke-bom-nilipta, kanum-nuubip ko.

Galesia 4:4

God iyo unang tinum Moses imi ulo umi afak tem albup numi ilim uta bolita, nalami man kelin o age-nalata, utamata, ilami, “Kota kanubelan-temi o,” agesa uyo mitam tulu kalaa age-nalata, ilami man iyo daala tal tamata, ogen uyo doluta, mitam tebe Moses imi ulo uta waafu-nalata, bii-se ko.

1 Tesalonaika 1:10

fen-sulupta, God imi Man iyo abiil tigiin ilo talak o agan-bilip o,” age unang tinum iyo alugum bagan-bilip ko. Kale God imi Man iyo Yesus beta kale, kaanata, God yagal tebe dufolata, fen tigi mo-se kale, tinum unang imi fengmin bota o age God iyo olsak tebe-em-nuubu kale, son-temu nala am maak daanan-temu uyo, kaal fuyap uyo kobelan agin kuta, Yesus iyo tebe imi unang tinum numi ilim uyo bo-se kale, God imi kaal fuyap kobelan-tema uyo tebe nuyo uk kugan imolan-temu ko.

1 Timoti 2:5

Kale God maagup ita kup na e minte, tinum maagup maak iip kalagal mo God ugaa dep keng daa som, minte unang tinum ugaa imdep keng daa no ke dong daga-e-bala te tam duup kiina tala kemin tinum beyo tinum kem Yesus Krais ita no kale ki,

1 Timoti 3:16

Kale God imi kuguup umi magam uyo kwiin kiim kale, siin uyo tinum iyo tele utamsaalip binim kuta, kamano koyo umi magam uyo kulbu botam. Bomi magam uyo Yesus Krais ita kale, Kristen nuyo bogo-nulup e, “Beyo mitam fen tinum kem ke-nala e, kemana e, God imi Sinik iyo kafalebela utamupta e, tinum beyo fen tol kup tebesa kalaa agelup e, ensel iyo atamip e, imi sang uyo yak abiip maak maak kelu e minte, kafin diim kasel unang tinum iyo imi ilak uyo do no kelipta, God iyo tebe duptamo tam abiil tigiin un-se o,” age bagan-nuubup ko.

2 Timoti 2:8

Nimi God imi weng tambal suun baga-e-bomi uyo bogo-nili e, “Yesus Krais iyo kaan-nala e, asok fen-se e minte, beyo King Devit imi man ilop o,” agan-bomi kale, kabo imi aget uyo suun fugun-bom-nalapta o ageta ko.

1 Jon 1:3

Aalap God so imi Man Yesus Krais so ulim isino nuso nuyo ulimal ke miit maagup kesup kale, ipso nuso nuyo mungkup, negal kabelal ke miit maagup kelum o age-nulupta, nuyo nulumi atam-sulup sino e minte tinangku-sulup so umi sang uta ibo baga-em tebesup ko.

1 Jon 3:23

Kale God imi weng kwep daasa uyo kulbu kale, bogo-nala e, “Ibo nimi Man imi ilak uyo do-nilip e minte, ipkumal imi aget kobina tala ke-bom no kemin o,” agesa kale, weng kwep daasa boyo Yesus Krais yagal bogobe-nala e, “Boyo kanumin o,” age-se no ko.

1 Jon 3:8

tinum maak fengmin kuguup uyo waafu-bom fenga-be umdii, beyo Tinum Mafagim imi man iyo kulba ko. Kamaki magam tem kutop uyo Tinum Mafagim iyo fengam kwep tal kaa diibela kale, suun fengmin kup kemin tinum beyo Tinum Mafagim imi man iyo kulba ko. Kale God imi Man iyo utamata e, Tinum Mafagim iyo kanu-em tebesa kalaa age-nalata, no kafin diim daak-nilita, Tinum Mafagim imi ogok mafak uyo ilo kobe som, kupkan kebe no kelan o age-nalata, malaak keman-se ko.

1 Jon 4:15

Kale kanube tinum iyo maak bogo-nala, “Yesus beyo fen tuluun God imi Man o,” agela umdii, utamupta e, God iyo tinum kuso alba e minte, tinum beyo God iso alba no kalaa agelan-temup kale,

1 Jon 5:1

Waantap ita utamipta e, aafen Yesus beyo God imi ulaa dula kamok kesa tinum kalaa agelip umdii, bilip iyo God imi man kale, waantap ita Aatum God imi aget uyo kobela umdii, beyo unang tinum God imi man kelin bilip imi aget uyo kobe no kelan-tema ko.

1 Jon 5:20

Nuyo utamsup kale, God imi Man iyo malaak tal-nalata, dong dogobe kafalebe bam daa imolata, kota utamupta e, aafen God be aafen kalaa age-nulupta, nuyo tuluun tinum God sino imi Man Yesus Krais so ulimal albup ko. Kale Yesus Krais yagal aafen God e minte numi suun nin unang tinum kemin umi magam iyo kulba no ko.

1 Jon 5:5

Kale waantap ita kafin diim komi kuguup mafak uyo kubaganu kupkaa ita ita kelan-temip a? Unang tinum bogo-nilip, “Aafen Yesus beyo God imi Man o,” agan-nuubip bilip ita kup ita ita ke-nilipta, kuguup mafak uyo kubaganu kupkalan-temip kuba.

2 Jon 1:7

Bisop baga-emin tinum kwiin tagang iyo tebe unang tinum iyo bisop baga-em tiinan-bilip kale, ibo tele utama-bom-nilipta o ageta ko. Iyo unang tinum bogobe-nilip e, “Yesus Krais imi malaak kafin diim ti-se uyo, tinum kem kesaala o,” agan tiinan-bilip ko. Kale tinum kam agan-bilip kulip iyo bisop baga-emin tinum e minte Krais imi waasi no ko.

Revelesen 2:18

Kale Kamogim Yesus iyo asok bogopne-nala e, “Jon kabo nimi weng umaak nimi unang tinum abiip Tayataira kutam albip imi tiin molin ko age ensel imi dola kobe bogobe-nalap e, ‘Kamogim Yesus iyo bogo-nala kano, “Niyo God imi Man kale, tinum bemi tiin uyo at kenabu ulutap e minte, bemi yaan uyo kamaa tuumon ken tibin dong so kebu ulutap no beyo nita kale, nimi unang tinum ibo weng umaak bogobelan o agan-bii ko.